|
حياكم على برياني شموع شغل ايدي
برياني الدجاج https://up.albrari.com/uploads/13158928461.jpg معروف طبعا ان البرياني أكلة هندية انا اعلمكم طريقتي بالبرياني المكونات -دجاجة مقطعة 8 قطع - بصل شرائح مقدار كوب - بالخلاط نسوي صبة البرياني ( حبة فلفل بارد-كوب ماء - حبة ونص مكعبات ماجي ) - بهارات ( كاري السفينة - زنجبيل طازج قطعة صغيرة مدقوقة - هيل ناعم -5 حبات هيل هندي- 5 حبات قرنفل- عود دارسين -فلفل اسود - ورق غار) - ملعقتين من بودرة حليب جوز الهند او نصف كوب لبن زبادي - فلفلتين حار -ليمونة مقطعة شرائح دائرية - كرفس او بقدونس - رز بسمتي اللي يكفيكم منقوع بس ربع ساعة بماء بارد -للوجه زعفران منقوع بنص كاسة ماء ورد -نحتاج بصل شرائح للتزيين مثل ما شرحته اول الطريقة - بعد ما نغسل الدجاج نعصرعليه ليمونة ونقليه بمقلاة عميقة بزيت غزير لين يبدأ يشقر ونصفيه من الزيت -نحط شوية زيت نظيف مع شرائح البصل ونتبل بكل البهارات مع شوية ماء ونخليه على نار هادية - نحط الصبة اللي بالخلاط فوقها بعد ما يتجانس الدجاج مع البهارات والبصل ونتركه مرة ثانية على نار هادية لين يقرب يستوي الدجاج - نذوب بودرة حليب جوز الهند او نستخدم بديل اللي هو اللبن مقدار نص كوب - نحطه على الدجاج ونتركه على النار لمدة دقيقتين ونطفي كذا خلطة البرياني جاهزة نجي للرز - نحط كمية كبيرة من الماء والملح بالقدر - بعد غليان الماء نحط الرز المنقوع ونتركه لين ينسلق نصف سلق ونصفيه بالمصفاة - نحط نصف كمية الرز بالقدر وبعدين خلطة دجاج البرياني مع شرائح ليمون وفلفل اخضر حار واذا تحبون شوية بقدونس او كرفس وبعدين باقي الرز - نصب فوق الرز ماء الورد والزعفران - نغطي القدر بقصدير بدل الغطاء وندخله الفرن - نشغل نار الفرن من فوق وتحت ونخليه على الشبكة مو الصاجة حقة الفرن - بعد 7 دقايق نطفي النار من تحت ونخفض النار اللي فوق ونتركه تقريبا نص ساعة نطلعة من الفرن - نفتح القصدير ونشيل الرز اللي بالزعفران ونخليه بصحن ونغرف الباقي بصحن التقديم ونحط الزعفران على وجه الصحن ونزين بالبصل المحمر يقدم مع المعبوج الكويتي وهو عبارة عن فلفل احمر طازج حار مطحون مع ثوم وزيت زيتون وملح والا الدقوس وهو عبارة عن ثوم مدقوق نحمره بزيت ونحط عليه طماط مخلوط بالخلاط وشوية معجون وفلفل اسود وملح ونخليه على النار لين يثقل وكذا الطبخة تكون جاهزة حياكم الله https://up.albrari.com/uploads/13158928473.jpg https://up.albrari.com/uploads/13158928462.jpg عساه مداخيل العافية |
عساه مداخيل العافية واااو وش هالزين ياشموع برياني شكله خيال تسلمين على هالإبداااع يابعدي ودي وتقديري وفوقهم الفايف ستار |
سلمت الايادي وياليت ان الخطوات بالصور كان الموضوع اكمل
|
الله يهديك بطني لها بواري
ماشاء الله ابداااااااااااع لايوصف فالك التمييز |
اقتباس:
العين ما تعلى على الحاجب انتي هنا استاذتنا اختي اميرة ومنك نستفيد ويجذبني ودك ويسعدني تقديرك وكل الشكر لنجماتك عساها تبين في سمانا لان دايم عندنا غبار ههههههههههه |
اقتباس:
|
اقتباس:
ههههههههه الله يهديك ياخوي محمد اجل لاتدخل هالقسم وانت جوعان نورتني طلتك لاعدمتك |
|
الله يعطيك العافية وهذا الشغل السنع وشكل ولا اروع الريحة حول تطلع علينا من الكمبيوتر وكان فيه صحن سفري للبيع الله يجعله مداخيل العافية
|
ما شاء الله تبارك الله
الله يعطيك العافية برياني رائع وشغل مميز وشرح أكثر من رائع تسلمين عزيزتي مبدعه لا عدمناك بأنتظار جديدك |
| الساعة الآن 01:51 PM |
Powered by vBulletin .
جميع الحقوق محفوظة © لشبكة ومنتديات البراري 2010