شبكة البراري - استرجع الذكرى على راس مرقاب

لا ضـاق صـدري رحـت للـبر حـطـاب === وشـبيـت نـاري في صـحاري خـلاهـا
وسط الفاض اللي بها أزهار وأعشاب === ريح الـخـزامـى فـايح(ن) في مسـاهـا
استرجـع الذكرى علـى رأس مـرقـاب === وأرسم لقلبي صـورة(ن) مـا نسـاهـا
دنـياك تـلـبس لـك عــبايـه وجـلـبـاب === وتـخـفي غـدر سـود الـليـال وجـفاها
شفـت القمر يـوم اكتـمل صـار جـذاب === نـور ليـال(ن) مـظلـمه فـي سـمـاهــا
تـرى الـعمـر مثـل القمر طل ثـم غـاب === أغـنـم حـياتـك لا تــكــدر صــفــاهــا
حافظ على الطـاعـه قبل يـقـفـل البـاب === ثــم يـتبـيـن صـحـهـا مــن خـطـاهــا
اليــوم فـعـل الـطيـب راعيـه مـا خـاب === عند الرجال اللـي بـعـيـد(ن) مـداهــا
الطيـب يبقـى يا فتـى الجـود لـو شـاب === فـي شـجـرة(ن) سـيل الـمكارم سقاها
والـبيـت مـا يبـنى بـلا أوتـاد وأطـناب === ومـن لا بـنى يـسـكن مـذاري هـواهـا

م/ ن