|
رسالة لأسرتي أبناء القسم العام
بسم الله الرحمن الرحيم
صباح / مساء الخير أعضاء شبكة البراري الكرام عندما أنتسبت لهذي الشبكة الشامخة حبيت الترابط بين الأدارة والأعضاء حبيت روح الأخوة الي جمعت الكل تحت مظلة الحب بالله الكل يعطي ويبدع بمحبة ولا ينتظر رد ولا شكر حسيت بالجو العائلي الهادي المليئ بالمحبة بدأت بالمشاركة بطرح المواضيع وأخص القسم كل مايجود به قلمي وأشارك أخوتي بالرد على مواضيعهم وجدت التقبل وأي تقبل بل أحتضان قلمي وفكري صرت كل ما اقدم شي أحس إنهم يستحقوا الأفضل وأصبح كل عضو فرد من عائلتي وبعد ماتسلمت الأشراف وحسيت بتفاعل الكل ومساندتهم لي والكل يعطي وبحب شعرت إنكم أخوة وأخوات بمعنى الكلمة أحببتكم ويهمني راحة كل عضو أو أخ وأخت بالأحرى أفرح لما أشوفكم متواجدين حتى لو برد واحد باليوم بس يكفيني أشوف أسمائكم منوره البيت أقصد القسم صرت مثل الأم ماترتاح إلا لما تطمن على أولادها الي يغيب يترك فراغ كبير وأقلق عليه وأفضل كل يوم أدور عنه دخل ولا لا وأفكر ياترى ايش سبب غيابه هل هو ظرف طارئ أم هو زعل أو لاسمح الله مرض .. ويألمني كثييييير لما أحتضن عطاء أحد أفراد الأسرة وأشجعه واعطيه من قلب محب بالله وبعدها يرد لأهتمامي بالأنسحاب ...! والمشكلة لما اسأل عن السبب يقول " أنا محارب " ...!! من مين محارب ..؟ وليه ..؟ أنا أعتبركم من كبيركم لصغيركم أبنائي مو مسألة كبر بالعمر لكن أحساسي بالمحبة لكم وأهتمامي براحتكم .. كيف بعد الأهتمام يقال إنه محارب ..؟ أرجو من كل عضو وعضوة من كل أخ وأخت قبل ماتفكر تترك البيت وتعطي ظهرك لمن أحبوك هل يستاهلوا مني الجحود ..؟ هل أقابل المحبة والأهتمام بالنكران ..؟ لو كان في شيء مضايقك أرسل للمشرفين القسم وهم على أستعداد لتذليل أي مصاعب تواجهكم ولو في شكوى على مشرف تقدر تنزل موضوع بقسم الأسرة وأكتب شكواك وبكل شفافية ولو تحب الخصوصية أكثر أرسل رسالة خاصة لأحد الأدارين نحن بشر ونخطأ ليه مانقوم خطأ بعض مدمنا عائلة واحدة لكن كل واحد تواجه مشكلة قال مع السلامة وأعطانا ظهره وينكر كل مانقدمه له من أهتمام وحب ورعاية أسمحولي....... مدمنا عائلة خلونا نكون شفافين مع بعض نفتح قلوبنا لبعض ونترك موضوع الزعل وترك البيت الي جمعنا .. سامحوني يمكن كلامي قاسي وقاسي كثير على البعض بس مافي أم تكون سعيدة لو أحد أبنائها ترك البيت وتبرا من أهله ياريت كل واحد يبغى يطلع ويترك المنتدى يطلع بهدوء من غير مايقول .. لاتعوروا قلوبنا وتحسسونا إنا مقصرين والي يشوف إني مقصرة بشي " أتكلم عن نفسي وليس عن بقية المشرفين والمشرافات "يقول يصارحني ولو ماتجاوبت معاه ذيك الساعة يقدر يسوي الي براسه هذي رسالة أرسلها لكل من أحب هذي العائلة وأحب يكمل معانا ولا يفكر بهجرنا لكن الي يحب يتركنا ربي يسهل له ويوفقه ويسعده |
صرت مثل الأم ماترتاح إلا لما تطمن على أولادها
بارك الله فيك يا يمه ماقصرتي وش بني أكثر من كذا |
ام محمد
جوهرة البراري والمربية الفاضلة لقد ضربتي على وتر حساس جدا وهو الم الفرااااااااااااق .. وليس اي فراق فراق الاحباب والاصحاب فعندما استيقظ الصباح والقى موضوع وداع اوترك البراري يضيق صدري واحس اني مذنب بحق هذا العضو فأنا وبكل صراحة سببا رئيسيا في تركه الموقع اليس عبدالهادي من ضمن من انشأ البراري؟ اليس هذا العضو لن يأتي للبراري لو لم تكن موجودة ؟ هذا الامر يجعلني افكر في اغلاق البراري للابد ولا احمل ذنب اخ او اخت يتركوننا اخواني نحن هنا عائلة واحدة والبراري هي بيتنا وما هذه الاقسام الا غرف نجلس فيها ونتدارس ونتحاور الطقس هو المجلس وضيوفه كثيرون ولله الحمد الرحلات هي حوش البيت وفيها نتنفس الهواء البيئة وهي المقلط الذي نأكل فيه كل ماهو صحي وبيئي التقنية هذي هي غرفة الجلوس الريئيسة العامة هي الصالة التي تربط كل غرف البيت وملتقانا كلنا وهكذا باقي الاقساااااام باختصاااااااار لا تتركونا فنحن منكم وانتم منا لا تتركونا بدون احم ولا دستور المسافر يروح ويرجع لنا بالسلامة لكن الموادع لا ثم لا تبي تروح اخرج ولكن ابلغنا بالاسباب لكي لا نقلق عليه ونحس اننا نحمل وزر تركك لنا والله ما ودي اطول الهرج ولكن الموضوع في داخلي وفي اعماااق قلبي من زماااان ويمكن اختى ام محمد عطتني الفرصة اعبر عن شعوري لكم ختاما لا تخلونا لحالنا فانتم اهلنا وسندنا ==== تصدقون في لحظة بغيت اقدم على عضو مجلس بلدي واخليكم تجون لتمير تنتخبوني ومتأكد من نجاحي لثقتي فيكم بحضوركم وانتخابي >>>> لا تهوجس تشغل بالك عن البراري بارك الله فيكم مشكووووووووووورين سلام |
جزاك الله خير [ جدة تفخر بك ] ياريت يسوو استفتاء مين أفضل مشرف ويرقى إلى كبير مشرفين وأول من يستحق هاللقب هو [ أم محمد ]
|
|
اقتباس:
ربي يبارك فيك ياولدي ههههههه بجد ربي مايحرمني تواصلك |
اقتباس:
والله ياأستاذي هذي مشاعر كل محب للمنتدى والشبكة عامة وكم أشوف مواضيع من هذا النوع أو تجيني رسائل بنفس الموضوع أقفل المنتدى وأطلع أصير مدري ايش أسوي حتى ارضيهم وكأني بالفعل مسؤلة عن المنتدى إن شاء الله الكل عرف وشاف محبته عندنا من صاحب المنتدى لأصغر عضو ويفكر مية مره قبل مايفكر يتركنا ربي مايحرمنا من تواصلك وطيبة قلبك ومحبة للجميع |
اقتباس:
اللهم آمين ويجزاك بالخير ولا يحرمنا تواصلك أخوي والله ياأخي ما أبغى غير أخوتكم ولا أبحث عن اي لقب أو تميز ربي يسعدك |
يا ام محمد انا مسنتر ان شاء الله بالشبكة واذا بغيت افارق البراري اعرف بيت ابو ناصر والتعامل معه يدويا
فعلا فراق عضو ايا كان يحز في قلوب اي عضو اخر ولو لم يكن مشرفا بل تجدينه عضوا جديدا فيحاول هذا العضو منعه من الابتعاد فكيف بمن يعتبر الشبكة بيته الثاني |
والله يا ام محمد انتي والمشرفين الباقين مكانكم في القلب ويعلم الله شفنا منكم كل خيرعسى الله يبارك فيكم
|
| الساعة الآن 07:04 AM |
Powered by vBulletin .
جميع الحقوق محفوظة © لشبكة ومنتديات البراري 2010