|
الله يسامحك ............ أحرجتني
السلام عليكم ورحمة الله وبركاته
ربي يسعدكم في كل وقت الله يسامحك أو سامحك الله سؤال أحببت أن أطرحه ( طرحا ) بين أيديكم لماذا هذا الدعاء ينظر له بنظرات عدة ويفسر على حسب الاهواء سأحكي لكم سالفه في الموضوع كنت في مجلس ذات مساء وفي وقتها كانت الاوامر الملكية الكريمه وقد طلب خادم الحرمين الدعاء له المهم المجلس كان فيه رجال كبار بالسن . سالفة المجلس عن الاوامر والدعاء مشاء الله ماقصروا دعوا الله له عاد محاكيكم قال الله يسامح أبو متعب أنا بس قلتها والله لايوريكم شايب من الشيبان ومعه عصاه أزبد وأرعد ويسبني يالخسيس ياللي فيك مالا فيك أبومتعب ماقصر معك ماخلا شي ما قاله ولولا الله ثم الجماعه أمسكوة كان يمديه وصل البحرين لا والله البلشه قلت له ياعم أبي أتكلم ولا تقاطنعي ولا خلصت من كلامي أنا بين يديك قال قل ولا تطول قلت ياعم وش معنى المسامحه قال المسامحه زينه وطيبه ولا تصدر الا من رجل قلبه نظيف قلت طيب لو قال لك رجال الله يسامحك قال أقول ياطيب قلبك اللي مايشيل كره ولاحقد الان تساوت لي وزان مرماها قلت طيب أنا وش دعيت لبو متعب الله يحفظه قال ياوليدي سامحني ....قلت له الله يسامحك وقد حصلت لي عدة مواقف مع هذا الدعاء والنتيجة واحده عاد وروني همتكم جاوبوا على السؤال |
|
اقتباس:
الرابط مو شغال |
أخي الحبيب
محمد المعجب بارك الله فيك على الطرح بالنسبة لي أنا لو قال لي أحد الله يسامحك لقلت له آمـــــــــــــــين ويا لسعادتي لو قبل الله دعوته فسامحني على تقصيري الله يرحم الحال |
لاتعليق
الله يجزاك بالخير ويسامحك |
ههههههههههههههههههههههه
ياملحه هالشايب باقي فيه تهور الله يسامحه بس .. بصراحه قولة الله يسامحك على حسب الموقف !!! تلاقي واحد متخاصم انت وياه او بينكم قضيه مختلفين فيها ويمكن تصدرمنه الله يسامحك من باب الاستنكار او عدم الرضى عن فعلك هذا . ويمكن تصدر من قلب راضي عنك وتفاهمت انت وياه وتصافيتوا وطاح الحطب وقال خلاص الله يسامحك مابخاطري شئ وهذا على قولة الشيبان فيه شتسه <<يعني شك وناس تقولها من قلب وعطف ولا ترضى تدعي عليك وتحب لك الخير واولهم امك وابوك وإذا قالوا الله يسامحك اعرف انهم يحبونك بس فعلتك مضايقتهم .. ومثل ماقلت لك على حسب المواقف والاحداث وعلى حسب الشخص اللي قدامك وقلبه بعيد منك والا يحبك .. اما انت فأتوقع انك من النوع الاول ولا الوم الشايب فيك هههههههههه من جد بعض القرارت ماعجبتني لو انه موزعها كلها على الخلق ابرك من انه يعطيها هاللهيبيه المسؤولين اللي لهفوها وخلوا القرعاء ترعى << تكفى لا يدري عني شايبكم ودددي وتقديري واله يسامح الجميع .............. (((((((ووووينك يا أم محمد موضوع بقلم محمد يستحق التقييم ))))))) |
اقتباس:
|
اقتباس:
سامحك الله مشرفتنا الفاضله / ام محمد |
وعليكم السلام ورحمة الله وبركاته
ويسعدك ياغالي .. فعلاُ ألاحظ أن هذه الكلمة الصغيره الكبيره في معناها يتضايق منها البعض وبحسبه أنه مخطئ لما تذكر له وهي دعوة محببه للنفس تدعوا للتراحم بين المسلمين ولاأللوم الشايب لأن الموضوع كان في إطراء لإبي متعب حفظ الله ومستانس وانت دخلت مطفي الانوار وجبتها بطريقة ملتويه والدليل الشايب بالنهاية أقتنع .. هذا والله أعلم .. لاعاد تعوده مره ثانيه عند الشيبان وربك ستر كان في أحد وإلا كنت في خبر كان :p (19): . بارك الله فيك اخي الفاضل محمد المعجب وننتظر جديدك .. |
اصلن انت ياخ محمد سويت افلاش مع الشايب وسويت زي حركات خلف بن هذال بلقصيد تقدم الفعل على المعنى - الثانيه انا مانيب من هالديره واحب الصيد واحب ال ال ال ال تصدق نسيت وش الموضوع للحديث - بق
|
| الساعة الآن 04:32 AM |
Powered by vBulletin .
جميع الحقوق محفوظة © لشبكة ومنتديات البراري 2010