شبكة البراري - تسوى (جنيف) و(كان)و(لندن) على (نيس)

تسوى (جنيف) و(كان) و(لندن) على (نيس)

فـل الحجـاج بـزود لا جيـت بـاريـس = باريـس نجـدْ حْجـاج روحــك تفـلـه

بعنيـزة الفيـحـا تـمـوت الهواجـيـس = وتصيـر بـه نفـس الشقـي مسفهـلـه

ومفـارق الفيحـا يجـيـب العوامـيـس = ويـرّث بقلبـي ألــف عـلـه وعـلـه

تسوى (جنيف) و(كان)و(لندن) على (نيس) = وتسـوى بـلاد الغـرب والشـرق كـلـه

لاهـل الثقافـة عاصمـة مثـل بـاريـس = نجـد السمـا وهـي القمـر بـه مطـلـه

يامـاحـلا جــوّه وذيــك النسانـيـس = بيـن النخـل وغروسـهـا المستظـلـه

ويـا ماحـلا القعـدة بـروس الطعاميـس = وسـط المصفـر بـيـن ربــعٍ ودلــه

ويامـا حــلا وديانـهـا والتضـاريـس = ويا مـا حـلا شمـسـه وبــرده وظـلـه

أحبـهـا حــبٍّ تـعـدّى المقـايـيـس = وأفخـر بـذكـره وأهتويـهـا وأجـلّـه

ريحـة عنـيـزة تستـفـزّ الأحاسـيـس - وقلبـي عليـهـا ذايــبٍ بــه مـولّـه

وإن غبت عن وعيـي وجتنـي تهاليـس = فاطْـروا لـي عنيـزة وشوفـوا محـلـه

بعنيـزة عنيـزة تـشـوف النوامـيـس = لـو مِلّـت ديـار العـرب مــا نمـلـه

دار الكـرم والمجـد مـن غيـر تلبيـس = فخر القصيـم ونجـد روحـي فـدى لـه

دونــه رجــال بالمـلاقـى ملابـيـس = أرواحـهـم لعيونـهـا يرخـصـن لــه

مـن فعلهـم ليـل المـعـادي كوابـيـس = وإن شافـهـم بالعـيـن بطـنـه يهـلـه

هـذي عنيـزة ساسـت المجـد تسييـس = وعـز التمـدن .. والحـضـارة يـدلـه

هـذي عنـيـزة دار دحّــارة إبلـيـس = يالله عسـى الوسمـي بخـيـره يعـلـه

عبدالعزيز الحمد القاضي / أبوإياس