اعتذار
 

بسم الله الرحمن الرحيم

اخواني اخواتي في الله ( اداره , مراقبين , مشرفين , خبراء , محللين طقس , اعضاء )

السلام عليكم ورحمة الله وبركاته .. وبعد

اقدم لكم اعتذاري عن المشاركه في قسم الطقس والفلك موضوع المتابعه اليوميه لأسباب اتحفظ عليها , يعلم الله اني احبكم في الله جميعاً واتمنى لكم الخير مثل ما اتمنّاه لنفسي ولولا معزتكم وغلاكم لغادرت المنتدى بأكمله ولكن من اجلكم سوف ابقى في اقسام المنتدى الاخرى واشارك بما لدي والحمد لله طيلة وجودي في هذا المنتدى العزيز لم اجد منكم الا كل خير ولكن عندي ملاحظه بسيطه اتحفظ عليها ولن اذكرها هي التي اثارت حفيظتي وبالنسبه لتقارير الامطار ابشروا على شانكم ان شاء الله راح انزل اي تقرير في موضوع مستقل اما موضوع المتابعه اليوميه فأرجوا ان تعذروني والاخوان فيهم البركه ولن يزيدكم وجودي ولن ينقصكم ابتعادي عنه واعتذر وأتأسف كذلك لأخي العزيز جوجل الجوف كلكم عزيزين وغالين لكن اخي جوجل الجوف كان يشيد بتوقعاتي ويتابعها اغلب الاوقات فحبيت اتأسف منه وكلكم اتأسف منكم وعلى عيني وراسي تقبلوا فائق احترامي وودّي .

الالالا

والله اني اليوم في ضرما وانت على بالي وقلت وين الرجال غايب له فتره عسى ماشر..اذا وصلت للرياض بسأل عنه في المنتدى .. جالس ابحث عن اسمك برسل لك رسالة خاصة واتفاجأ بموضوعك

الحين تبي تقاطع المتابعه ... يارجال تعوذ من الشيطان ووسع صدرك وخلنا ندردش في المتابعه وخاصة ان الايام الجاية ايام خير ان شاء الله
تكفى هوّن

https://www.adiga.org/forum/content/attachments/13106/

الله يعطيك العافيه برق العارض
الحمد لله من ردود الأخوه اللي سبقوني كفو ووفو
أنت من الأعضاء المميزين وفي فتره من الفترات كنت من أشد متابعيك
وفقك الله لمافيه الخير

الله يجزاك خير ابوراشد , وعلى قولتهم القلوب شواهد , لكن يابوراشد لو كنت بمكاني ما لمتني يوم اترك موضوع المتابعه اليوميه وصدقني من ايام وانا تارك قسم المتابعه اليوميه ومتردد اقدم اعتذار او اسكت لأني ما ابغاكم تحرجوني , وانا هالحين اقولك تكفى يابوراشد اللي تبيه ابشر به إلا موضوع المتابعه وانا الحمد لله متواجد معكم في الاقسام الثانيه واللي تامرون فيه ابشروا به ويعلم الله اني ماتركت المنتدى كله عشانكم , ارجوا انك ماتزعل يالغالي وشكرا

هلا بك اخي الكريم المشراق والمديرين مخليهم لأمور اكبر من كذا على قولتهم مخليهم لليوم الكبير , وإشادتك شهاده اعتز فيها ومثل ماقلت لو كنت مكاني لما لمتني وانا ولله الحمد متواجد بينكم في اقسام المنتدى الاخرى عدا موضوع المتابعه اليوميه والاخوان فيهم البركه ويعلم الله لولا الله ثم انتم لتركت المنتدى بأكمله وماعاش من يردك خاءب ياغالي وهذا انا موجود بينكم في الاقسام الاخرى واللي تامر فيه ابشر عدا موضوع المتابعه وارجوا منك ياغالي انك ماتزعل وشكرا

هلا بك وحياك , كلنا اخوان بدون شك ولو كنت مكاني مالمتني على ابتعادي عن موضوع المتابعه اليوميه , ومثل ماقلت لكم لولا الله ثم انتم لتركت المنتدى , والاداريين عارف انهم ماراح يقصرون لكن الدعوى ماتوصل اني ابلغهم ومثل ماقلت لأخي المشراق مخليهم لليوم الكبير , تسلم ياغالي ما قصرت وانا متواجد بينكم في اقسام المنتدى الاخرى عدا موضوع المتابعه اليوميه والاخوان فيهم البركه ارجوا انك ماتزعل ياغالي وشكرا