سر يا قلم وأكتب كلامي بعد ما طال السكوت
 

سر يا قلم وأكتب كلامي بعد ما طال السكوت .. كلمة وفا وابغاك يا راعي ألوفا تفطن لها



الناس في الدنيا تعيش و في آخر العمر بتموت.. كالشجرة اللي مرها العبد وجلس في ظلها





الكل يفنى ما على الدنيا مقر ولا ثبوت .. بعض المناوي يتعب الرجال ما يصل لها





أهون بيوت الخلق عند الله بيت العنكبوت .. وأعظم بيوت الله ليا قدر هدمها كلها




تب قبل ما تطوى السنين وموعد التوبة يفوت.. صم زك حج وجاهدُ وكل الفرايض صلها



اذكر نهار يصير قبرك بيت من ضمن البيوت .. وأهل القبور الله يعلم دوم وش يحصل لها




ينزل عليك من السماء مرسول لا وصلك تموت.. والروح من بين الضلوع الضيقات يتلها


في ساعة والصدر ما بين التضايق والكبوت .. كل العلوم اللي ترى في القلب ثمك يهلها



يا لله تجعل قوتنا يوم ألقيامه خير قوت .. يا من تعز بعزتك قوم و قوم تذلها


هذي نصيحه قلتها مير السموحة في البيوت .. أخذ النصيحة و أنتفع وأما القصيدة خلها
وهذه الرابط
[https://www.youtube.com/watch?v=mo6c-...eature=related



نصيحة بأرفع بها صوتي وأزيد الصوت صوت .. أقولها واللي عقد روس الحبال يحلها

شكراً على النقل الجميل

انتقاء جميل ..

صح ذوقك وسلمت يمناك اخي الفاضل قناص حرب المدينه

الله يعافيك وشكرا على مرورك الطيب

الله يبقيك وشكرا على مرورك
تحيايت لك

اذكر نهار يصير قبرك بيت من ضمن البيوت .. وأهل القبور الله يعلم دوم وش يحصل لها

بيض الله وجهك على هذه النصيحه القيمه

اليييييييييمه تقطع القلب

ياااااالله رحمتك

عساها يدين تحرم على النار مشكور ابوي لاهنت ..

قصيده رائعه بحق صح لسان
الشاعر انتقاء رائع
الله يجزاك خير