|
رأيت شيء غريب في سوق الشمال(المروج)
في سوق الشمال(بحي المروج) بالرياض شفت شيئ غريب وعجيب. حوالي الساعه خمس من عصرهذا اليوم الإربعاء الموافق18 / 4 / 1432 هـ شفت شابين سعوديين يبترمون على محلات الدجاج والبيض ألواقعه في شمال السوق وبرفقتهم سياره تابعه لأحد مقاولي النظافه(ونيت) مع عدد من العمال تدرون وش يسوون ؟؟ ووالله وقسم بالله هذا هو الذي رأيته. أي محل فيه أكثر من كرسي ياخذونه ولايتركون في المحل إلا كرسي واحد فقط علما بأن أغلب المحلات بها عاملان وعمال المحلات والمتسوقون في دهشه ومن سأل قالوا له مهوب شغلك يالربع من لديه العلم الأكيد لمبررات هذا التصرف؟؟؟؟ |
والله غريبه حتى محلات الدجاج والبيض ماسلمت منهم ول عيني عينك وش هطفره وممكن يكون عندهم عزاا يخذون الكراسي يومين ويردونهاااا الله اعلم اهم شي انت ماسألتهم |
اقتباس:
يبترمون / يعني يقومون بجوله والله شي غريب ويثير الريبه !!؟؟ ياليت من عنده علم يفيدنا |
ايه والله ياليت الي عنده علم يفيدنا ؟؟؟
|
[QUOTE=شموخ رضوى;1225578][center]والله غريبه حتى محلات الدجاج والبيض ماسلمت منهم ول
عيني عينك وش هطفره وممكن يكون عندهم عزاا يخذون الكراسي يومين ويردونهاااا الله اعلم اهم شي انت ماسألتهم [CENTER][SIZE="6"] إلا والله سألتهم وناقشتهم نقاش منطقي وعقلاني فكان رد أحدهم. الله يسامحك . الله يسامحك. المشكله كانوا معي عائلتي وماحبيت أطول عليهم. وأكيد يمكن أحد عمال المحلات مصورهم واللي له معرفه بأحد العمال ممكن يسأله ويسدحها هنا لعلها تصل لسمو أمين منطقة مدينة الرياض |
اقتباس:
يعني الي افهمه من كلام انهم موظفين من البلديه ممكن وصلتهم شكااوي او جاهم نظام جديد ياليت احد يعطينااااا خبر عنهم |
بارك الله في الجميع الذي ذكره أخي الكريم مطبق عندنا أيضا بمركز الدلم بحيث تم منع أي محل يضع كرسي أو أكثر للجلوس أمام المحل وفي حين مرور المراقب ووجد كرسي خارج المحل على طول ما يرده إلا مستودع البلدية ويقولون أنها ظاهره غير حضارية وجودها أمام المحلات !!!؟ |
بارك الله فيك
مثل ما ماقال الاخ الواثق بالله البلديه |
اقتباس:
بارك الله فيك على التوضيح وبالفعل جلوس العمال أمام المحل يعيق حركة المارة وخصوصاً لو كان في نساء يرتادوا السوق ذيب الشعيب بارك الله فيك |
| الساعة الآن 11:04 AM |
Powered by vBulletin .
جميع الحقوق محفوظة © لشبكة ومنتديات البراري 2010