|
******تكتب اسم شاعر واللي بعدك يكتب لهذا الشاعر *******
[center][size="6[COLOR="Blue"]"]السلام عليكم ورحمة الله وبركاته
مسآآآكم / صبآآآحكم نبض مشاعر ... وهمس قوافي كـــيف حــالــكــــم؟؟ إن شــاء الله بـخــيــر الفكره واضحــــــــه وســهله كل اللي عليكم إنكم تكتبون إسم شــــــــــآعر. واللي بعدك يكتب له قصيده او ثلاثة ابيات على الأقل وهـــــكـــذا.. أتمنى الفكره أعجبتكم.. يــله ورونا شــطارتكم ؛؛ وانا راح ابدأ الشاعر : ** خالد الفيصل**[/CENTER] من يقول الزين مايكمـل حـلاه كل شي(ن) في حبيبـي اكتمـل الله إللـي كمـلـه والله عـطـاه مابقى للزين فـي خلّـي محـل العيون أحلى من عيـون المهـاه شافها قلبـي و صفّـق و احتفـل نظرته من فتنتـه شعلـة حيـاه والجفون من الحيـا فيهـا كسـل ساهم(ن) رمشه على الخد وسناه كن لمعة وجنتـه ورد(ن) وطـل |
بارك الله فيك على الطرح الرائع وأئيد إقتراحك وبقوة
صاحب السمو الأمير الشاعر / خالد الفيصل |
[[المستريـح اللـى مـن العقـل خالـى
ما هـو بلجـات الهواجيـس غطـاس مـا هـو بمثلـى مشكلاتـه جـلالـى ازريـت اسجلهـن بحبـر وقرطـاس حملـى ثقيـل وشايـلـه باحتمـالـي واصبرعلـى مرالليالـى والاتـعـاس الشاعر/عبدالرحمن بن مساااااعد |
وعليكم السلام ورحمة الله وبركاته فكره طيبه الله يعطيك العافيه اخي الفاضل مزون الغربيه . . . . . . . . . . . . إحترامي .. للحرامي صاحب المجد العصامي صبر مع حنكة وحيطة وابتدا بسرقة بسيطة وبعدها سرقة بسيطة وبعدها تَعدى محيطه وصار في الصف الأمامي احترامي .. للحرامي . . . . . إلي بعدي قصيده لـ صاحب السمو الملكي الامير بدر بن عبدالمحسن |
الله يعلم إني حاولت .. حاولت
أسند على كفي السما .. وأناظر الشمس أشرب عن عيونك ظما أشرب ظما الشمس وقلتي عسى ... جفنك عسى مايحترق حاولت ماأغمض عيوني حاولت أنا .. ما نفترق ..آه لو تدرين لوتدرين لاعوّد العاشق حزين يمشي على جفن وجبين عزاه يالقلب الشجاع ضاع الأمل .. وما لك عذر من لمست عيوني الشعاع زندي أنثنى .. ورمحي أنكسر إن لمسني حزنك الطاغي بغطي وجهي الوجل بيدي وجرحيني .. جرحي .. جرحي ثم ابعدي ريحي الصمت بكلام آه .. لو كلمة ملام إرجعي تحت الظلام .. عوَّدي في سنا القلب اللي توه يحترق غمضت أنا عيوني غمضت أنا عيوني ياإنت بنفترق والله يعلم .. إني حاولت إلي بعدي قصيده الشااعر *** خالد المريخي*** |
أمي مهي أم امي كنز حنيه حلاة الكون كله منوخذ منها محبة الأم ليه تصير مخفيه محبة الأم مدري ليه ندفنها أمي مهمه وأهم من الأهميه أبأفتخر في محبتها وابينها كلي لها بجد من راسي لرجليه أعز من عزها وأهين هاينها لا قالت الآه كن شخص أن طعن فيه أجي من أقصاي فازع لجل أطمنها عذروبها بس طيبتها خياليه يازين عذروبها اللي ما يشينها قليل في حقها اللي قلت وشويه أكبر بواجد من اللي قلت أنا عنها اللي بعدي الشاعر رشيد الزلامي |
ياسائلاً تسأل ترى الصوت مسموع
وما نشر بالصفحـه قريتـه بذاتـي سويت لي مشروع من غير مشروع والزمتنـي بالـرد دون شهـواتـي اكيد عندك يا فتى الجـود موضـوع والا مسوي بـك زمانـك سواتـي مسقيك من علقات الايـام قرطـوع وتسمع صراعي فيـه ومغامراتـي فان كان هذا الامر بالشكل والنـوع خـل الامـر لمكـون الكاينـاتـي ساير زمانك كان لك قلب وضلـوع وارج الفـرج بايامـك المقبلاتـي إلي بعدي قصيده الشااعر *** حمد السع ــــيد ** |
شف صبر كبر البشر ماعاد ياسعني وأكبر هموم العباد أشوفها صغيره وشجال مني خطا يومنك تبيعني في سوق نقها أسوقها لك جيره أنا أذكر لا قلت دلعني القلب هانتلك مشاويره يا مشغل القلب بين تحبني ويعني شفني عليك احترق ياسيدي حيره لاقلت أترك لاشك شي يمعني شين يقول أعذره وأقبل معاذيره قلت أحتفظ فيك وأري منت نافعني يمكن مع الوقت اقول محبتك خيره اللي بعدي الشاعر فراج بن حمود السبيعي |
يقول من جاله علـى الشعـر ميـراد
ورد الحيام اللـي عـن المـا تـذادي وليا أقرعت في الصدر مهيـب تنـذاد هذيـك نقهرهـا والأخـرى تـقـادي وعن غير يمـه عـوس مهيـب تنقـاد تقطـع مصاريـع الرسـن بـالايـادي وللمرشد أسمـع واتحـرى للارشـاد ولا كل مـن يرشـد يـدل الرشـادي ومن لاخذا عبره من الوقـت مـا فـاد يـروح عمـره شايـب مـا استفـادي وانا ليـا جتنـي هواجيسـي اضمـاد بيحـت مكنـون الضميـر الحشـادي كنـه يجاوبنـي ليـا انحيـت نـشـاد يا الله داعـي خيـر يـا للـي تنـادي من هاجسً في الصدر سـرداد مـرداد حرك علـي عمـدان تهـم الجـرادي إلي بعدي قصيده الشااعر *** ضيدان بن قضعان*** |
ياوجودي كل ماهب نسناس الشمال وجد من حده زمانه على اللي ما يبيه وياوجودي كل ماغفيت ثم مال الظلال لاغفت عيني ولاذقت شي مشتهيه وجد من قفى وهو في رجا كلمة تعال والتفت من عقب ماقفى ولحدن لد فيه وياعذابي لادنا الليل من روس الجبال وانتهى يوم من العمر ماعاد ارتجيه وانتي ابعد من سما الحلم وصالك محال يابعد من هل دمعي ضحى الفرقا عليه ياغناتي لاتحسبين دمعي يوم سال ضعف والا خوف والا كذا والا كذيه والله اني من رجال يضدون الرجال لكن الحظ الردي ساق دمعي كلبيه والله اني كل مادار حوليك الجدال قمت كن الموت يشر على قبري يإيديه والله ان قد لي وانا اصد لاجالك مجال صدت اللي لاتضايق تذكر قبر اخيه ومن سألني قلت مدري واذا عاد السؤال قلتله تكفى سؤالك ترى ماهو وجيه وش تبيني اقول عما ترى ذبحي حلال والخطا منها علي صرت احبه واهويه عذرها لو ماتعذر مثل واضرب مثال واحدن مايعرف الحر الأشقر يشتويه وان رجعنا للتواصيف لله الكمال لا انتهى ليل المزايين جاتك تبتديه كنها غفل مع البدو طاويها الحيال ما يميز وصفها الا نبيه من نبيه واهني اللي وصلها وذاق امن الزلال رشفة مع غفلة الناس من فيها لفيه واعزتي للي سواتي عشق ما لا يطال ويوم طاله ضيع الحلم بين أمه و ابيه ياول احلام الطفوله على حد الخيال الرجا بللي حمى البيت من حملة بريه حال دونك سيف عنتر وتاسع حول حال باثر حول حال دونك وانا ادعي هيه هيه هيه يللي غرك الحسن واطغاك الجمال والله ان اموت ماشفت لاوصافك شبيه لو يسام الحسن والتيه بجنيه وريال مابقى في سوق غيرك لا ريال ولاجنيه كيف اهدك للمقادير وانتي راس مال راس مال ومال والمال مايعطى السفيه حافظك حفظي لعيني ورمشي لك جلال وانتي تشحين بالما وانا شفي مويه شايفن ظلمك وساكت وطال الليل طال لاتركتي طعن قلبي وانا ماقلت ليه ؟ لو بقا للهيل صبرن على فوح الدلال مابقى للقلب صبرن على شي يجيه كنت احسب ان الغلا زال واثره لايزال في الحشا ماكنه الا دخيل في وجيه ساقني حبك على الموت وسنيني هزال والظروف اقسى من الظلم للعرض النزيه وانتي تسوقين عقلي على حد الهبال تحسبين ان من بغى شي يقدر يشتريه والا انا ياوجد حالي وجودن مايقال وجد من ضحى بغاليه لرضا والديه وياوجودي ياول العمر قبل ألبس عقال وجد من باع اخر العمر في رغبة ذويه وياوجودي كل ماهب صوتش من شمال وجد من حده زمانه على اللي مايبيه اللي بعدي الشاعر راجح بن سالم العجمي |
| الساعة الآن 07:40 PM |
Powered by vBulletin .
جميع الحقوق محفوظة © لشبكة ومنتديات البراري 2010