محاوره بين الشاعر والذيب
 

هذه المحاوره بين الشاعر والذيب
جرت بالصحراء ليلا فكانت من خيال الشاعروهي من دون قصد
وهو الشاعر الكبير - صقر النصافي -رحمه الله والمسلمين اجمعين
--------------
صقر
-----
ياذيب وش علمك تهيض لساني
بعواك يوم ان المخاليق غافين
الذيب
-----
انا بلايه قو جوعن حداني
الليل قمراوالضواري فواطين
صقر
-----
ياذيب حسك من منامي شعاني
لولاالحياجاوبت صوتك بصوتين
الذيب
-----
عزي لمن مثلي جداه اقنباني
ماله جدا والناس ماهم بمعطين
صقر
-----
ياذيب ياللي بالخلا ماتداني
ماشفتلي حول الثميله بويتين
الذيب
-----
مريت لي بيتين يامودماني
عنها شمال(ن) في ضبطها مقيمين
صقر
-----
ياذيب ماقاربتهم باختلاني
ياكود تبخص لي فريق اريش العين
الذيب
-----
انا الذي من شاف زولي نحاني
ماحرزت اجيهم خابرن نومهم شين
صقر
-----
ياذيب ماعينت صافي الثماني
عند الغنم والايرد البعارين
الذيب
-----
انا مااعرف الصاحب المرحباني
الناس واجد والعذارى مزايين
صقر
-----
ماريته ياذيب عوده لياني
والنوربين اقذيلته والحجاجين
الذيب
-----
هذاك انا قبل امس جيته وجاني
من كثر دمعه محفين محجر العين
صقر
-----
الله يوفقك الشياه السماني
من مال كرهين الوجيه البخيلين

وسلامتكم - اتمنى ان تحوز على رضاكم
تحياتي

محاوره حلوه !

\

شكرا للمرور الله يعطيك العافيه
تحياتي

اهلا وسهلا وشكرا للمرور
تحياتي

شكرا اخي الكريم على مرورك العطروحياك الله
لكن فيه ملاحظه صقر النصافي - الرشيدي
تقبل تحياتي