كلمات معبره وتجربه في الحياة
 

وش رأيكم بالابيات هاذي ....واعتقد انه للشاعر /// عيد ابن مربح الرشيدي


ياعلاوي نجد علك مراديم السحاب ==== ديرةن فيها تربيت يوم اني صغير

ياطبيب النفس وشو علاج الاكتياب ==== اعطني وصفة علاجه ترى وضعي خطير

عشت في غربة حقايق وفي وضع اغتراب ==== والتجارب عرفتني على الشي الكثير

شفت ناسن ترسم الورده على صدر الغراب ==== والغراب اليابغيت المس الورده يطير

استفدت من الذيابه ومن نبح الكلاب ==== واستفدت من الرغا واستفدت من الهدير

ولاكسبت الامعرفة عزيزين الجناب ==== ولاخسرت الامعرفة عديمين الضمير

اقترب لامااقترب شين بعض الاقتراب ==== ابتعد لامبتعد شي في حقي كبير

ياسوالي كل مااطرحك ماالقالك جواب ==== مالي الاالصبر واهل الصبر توعد بخير

وصف خبلان الرخا مثل ضحضاح السراب ==== يفرح العطشان شوفه يحسبنه غدير

الردي لوهوولد عم لاتحسب له حساب ==== كم عزيزن ذله الوقت بضيافة حقير

الدروس انواع تطبيق ولاانتساب ==== بس انااللي طبق الوقت قدام المدير

ياغريب ان مت شلني الياهاك الهضاب ==== حط قبري بين عنتر وابن عمه زهير

حطني في مقبرة عبس مروين الحراب ==== حطني باعلى علم مروين الشطير

وان عسرك الوقت نطلع ونرجع للتراب ==== ويارث الارواح الالاه الاول والاخير

اول الدنيا طرب واوسط الدنيا عذاب ==== واخرتها الموت والقبر وحسابن عسير

ياجزيل الملك يا كافل رزق النياب ==== ياالاهي من عذابك برحمتك استجير

واسمحولنا بالقصور ..... بمان الله

صح لسان قايلها ويعطيك الف عافيه

بروق الرس ,,,,,صقر الايسري
لاهنتو لمروركم جميعاً ...... بعض القصيد يبقي طول الزمن والبعض الاخر يندثر وينسى

بمان الله

روووووووعه يعطيك العافية

جوهرة البراري ....غيوم عفيف

شرفوتوني بمروركم ...... بمان الله

وان عسرك الوقت نطلع ونرجع للتراب ==== ويارث الارواح الالاه الاول والاخير

اول الدنيا طرب واوسط الدنيا عذاب ==== واخرتها الموت والقبر وحسابن عسير

ياجزيل الملك يا كافل رزق النياب ==== ياالاهي من عذابك برحمتك استجير

تسلم والله قصيدة جامعة لكل الاوصاف
وأنت أخبرك تحفض القصيد ...كل فترة عطنا من قصيد الاولين بارك الله فيك

وصف خبلان الرخا مثل ضحضاح السراب ==== يفرح العطشان شوفه يحسبنه غدير

الردي لوهوولد عم لاتحسب له حساب ==== كم عزيزن ذله الوقت بضيافة حقير

ـ ـ ـ ـ ـ ـ ـ ـ ـ ـ ـ ـ ـ

صح لسان الشاعر ... وسلمت يمناك اخي الفاضل