شبكة البراري - الضب يعزمكم .. حياكم الله

https://www.fr-ebda3.com/vb/attachmen...1&d=1246199361

حتى الضب طلع خير من بعض الرياجيل

ما شاء الله عليه صاير كريم سبله ويقول حياكم الله على القهوه
واعذرونا من القصور,,

تبون الصراحه أنا جازلي هالضب والظاهر أني أبخاويه لأنه نفس مزاجي هههههه

راعي بر وعلوم طيبه

هذي قصيدة عن الضبان ...

أواه يا ضب علــــى الطعــس مغبـــون = يبكي قهر من شوف فرقا مكـونه
شـاف الجحر فاضي بلاطعم او لـــــون = شافـه ودمعـــه غارقٍ في عيونـه
ما صـــدق عــيونه الا كيف وشـلــــون =عقب الرفاقـــــه والمحبه تخــــونه
قام يـتـــقلب في الجحر تقل مجنـــون = يقلب تــراب الــغضي ويصــــــونه
يشكي على الحرمل مواجيع وشطـون = ويلــسب لواهيب الغرام وديــــونه
ويسحب من اللوعات انفاس وشجـــون = ويجلس طوال الليل تسهر جفـــونه
تسمع وشيشه كن صدره به اطــــعون = يــجاذب انفاس الوله في طــعونه
هــنـــيـكــم يالـلي بـــذا البر تـلـهـون = ما تـــعرفون العشق شكله ولونـه
يالحـــــب مثل السيف لا جاك مسـنون = يحمل معه اوجــاع ذل ومـهــــونـه
ياعل جــحر في نـقـا الــبر مسكــون = يســـقيه ربي من صوادق مزونــــه
حيثه سكــــن في داخله ضب مزيــون = ضب جـــــمع بالزين حســن وليونه
هــذا ولـيفي مــــغرمٍ فيه مفــــــتون = وما شفـــــت طعمٍ للبراري بـدونــه

محبكم / ابن الفياض مخاوي الضبان