|
مـا راح مـن عمــر التعــب ما يكفّيـك !!
يا "باعث" قبور الحزن في محانيك لو ما رجعت لْدفنها .. يدفنونك هذا الحزن لو مانتهى بك بينهيك خاوى تفاصيلك .. وعود بدونك ! شف شيبك اللي من همومك عثى فيك وكيف التجاعيد عْبثت في جفونك ! جسمك تهاوى من عناك وتعنّيك ونبرات صوتك غالبتها شجونك لأْنك تنفست الشقا في مساريك شف كيف صدرك مختنق من طعونك! بعت المنام لعين من نام ناسيك حتى غدى ليل السهارى زبونك لا تنتظر من خانك إنه يواسيك لو هو يحبك ما تجرأ يخونك ! قلبك تعلّق في مخاليق تشقيك ونسيت حب الخالق اللي يصونك ! الناس في عونك ، إذا الحظ يعطيك وان شح حظك قالوا: الله بعونك! ارقى عن أسباب الزعل لا تخليك عبد لهمومك كل ما يزعلونك ! دنياك حلوه .. لو تلفّت حواليك تلقى من بعاد البشر ينصفونك لو شفتها بعين الرضا هي تراضيك ولو بالكدر ؟ ما خالفتك بظنونك افرد جناحين الفرح فوق ماضيك حلّق عن الذكرى ومن يجرحونك غيّر من الواقع إذا كان عاصيك جدد من الأحلام .. مارس جنونك! ازرع فيافي الصدر بأخضر طواريك الكون كله ساعة رضاك .. كونك الليل تسهر مع نجومه .. تناجيك وتبادر طيور الصباح بلحونك بث الجمال بكل رسم لمعانيك خلّ الطبيعه تاخذ احساس لونك خذ من خطاك اللي يصحح خطاويك لاتشيل ما لا تستطيعه متونك وان ضقت أو ضاق الزمن ارفع ايديك لك رب ما يخذْلك .. لو يخذلونك |
لا تنتظر من خانك إنه يواسيك
لو هو يحبك ما تجرأ يخونك ! ==================== ابيات جميله وانتقاء اجمل ... صح لسان الشاعر وسلمت يمناك اختي الفاضله |
ابيات رائعه
راقت لى الاميره دلال |
ابيات رائعة جدا مشكورة الذعذاعة على هذا الاختيار المميز |
وان ضقت أو ضاق الزمن ارفع ايديك لك رب ما يخذْلك .. لو يخذلونك يعطيك العافيه يالذعذاعه وصح لسان قايلها قصيده جدا جميله ومشكوره على الأختيار الجميل بأنتظار ابداعاتك ابو ناصر الشريف |
شف شيبك اللي من همومك عثى فيك وكيف التجاعيد عْبثت في جفونك ! جسمك تهاوى من عناك وتعنّيك ونبرات صوتك غالبتها شجونك صح لسانك ولسان الشاعر ابيات في غاية الروعه مشكورة ولكي احترامي |
تسلمـــين *** أختي الفــاضله قصيده رااائعه وأخــص هــالبيت لا تنتظر من خانك إنه يواسيك لو هو يحبك ما تجرأ يخونك صــح لســان الشــاعر وسلمت الأيــادي على النقل الراااائع تقبلي مروووري |
شكراً أختي الذعذاعة على هذا الاختيار وصح الله ذوقك وصح الله لسان شاعرها وتقبلي تحياتي |
صح ذووووقك يالذعذاعه
ابيات جميله جدا جدا صح الله لسان شاعرها تستاهل النجوم تحياتي |
آلله يسلمكم ويعآفيكم يآرب !! آلجميع .. شآكره لكم توآجدكم آلآكثر من رآئع مآأنحرم من أطلآلتكم ، آلف شكرِ لكمْ !! https://www.albrari.com/vb/images/icons/icon26.gif |
| الساعة الآن 05:09 AM |
Powered by vBulletin .
جميع الحقوق محفوظة © لشبكة ومنتديات البراري 2010