| ابو عبدالعزيز |
2010-12-02 10:28 PM |
بالله يا عـرق النساء وش مـخـلـيـك ... تقدم على رجل شريف بضدها
بسم الله الرحمن الرحيم
السلام عليكم ورحمه الله وبركاته
سلامتك يا عل الأمراض تخطيك
========== عـضـد البلاد وهـامتـه يا عـمدهـا
يا سيدي دكت بروحي دواكيك
========== داكـوكـهـا وإن طـال قـصّر أمـدهـا
مليكنا لو تعطى الأرواح لعطيك
========== روح بـحـبـك هـايـمـة با بـعـدهـا
أسوقها من قلب مخلص ومغليك
========== تستاهـلـه يا بو العـروبه وأسدهـا
مالي بها وانت بعيده محاريك
========== شـفـهـا يـتـيـمة بـعـد غيبة سندها
يفداك راسي وانت تسلم مساعيك
========== يـا درع دار المملكـة يـا سـعـدهـا
انت المليك اللي فريده مباديك
========== مـتـعـدي وصف الـملـوك وزهـدهـا
ستر العذارى ريف جمع المهاليك
========== تـزيـح ظـلـم الـظـالـمـيـن وكـبـدها
شّرك على اللي مغلقات مصاكيك
========== تـحــلـهـا لـو هـي كثير عـقـدهــــا
مالك بغيض الناس بالحيل ترجيك
========== تـطـلب ولي الـعـرش يـنهي نكدها
سبعة عشر عام وأنا بين أياديك
========== ألـذ وأحـلـى مـن نـوادر شـهـدهـا
بالله يا عرق النساء وش مخليك
========== تـقـدم عـلى رجـل شريف بضدهـا
ما تدري انك ظالم في تجنيك
========== زودت بـعـيـون الأرامـل سـهـدهـا
لوك بشر نظرٍ علي أني اتيك
========== لـسـوق روحـي لين ينهـج لـهـدها
ما ظنتي بالكون واحد يعاديك
========== إلا الـذي معـمـي عـيـونه حـسدهـا
يالحاكم العادل بعيده مراميك
========== مـواقـفـك لـلصلــح كـلٍ حـمـدهــا
الدار من عقبك حزينة تحاتيك
========== والعاصمة تشكي من اللي جهدها
أرض الجزيرة كلها هايمة فيك
========== وقـصر اليـمامـة لــو تكلم نشدها
وين المليك اللي يحل الشرابيك
========== فـرق الحرار يبين حـزة هـددهــا
أبيض صحيفة حاضرك مثل ماضيك
========== تـزود عـن كل الملاء في مـددهـا
ماقد كتبت الشعر وان صار تلكيك
========== الــبينة يـا سـيـدي من جـحـدهـا
وصلاة ربي عد ما قيل لبيك
========== على النبي كثر السحاب ورعدها
|
