|
تفاصيـــل رحلتــــي الى ديرتـــي (( بالصـــــــــــور )) في اجــازة عيد الاضحــــى
السلام عليكم ورحمة الله وبركاته في البدايه ابيكم تعيشون معي الحدث اول بأول لاني من زماااااااان ما رحت ديرتي يمكن صار لي عنها اكثر من عشر سنين .. ولأننا تعودنا على حياة المدن وبهرجتها انشغلنا عن ديرتنا الحبيبه اللي من خلال سردي لتفاصيل اجازتي سوف تعرفون موقعها واتمنى منكم زيارتها في القريب العاجل في البدايه كانت رحلتنا عن طريق مطار الملك خالد في الرياض الى مطر العقيق في الباحه لانه اقرب مطار لنا مع انه نفس مسافة مطار ابها تقريبا ولكن الباحه اقرب بكم كيلو طبعا اختكم في الله اللي هي انا تحمست كثير اني اشوف ديرت اهلي واجدادي اللي هي ديرتي وعلى طول اخذت اجازه من دوامي كان موعد رحلتنا في 8 نوفمير الساعه 8 صباحا والحمدلله المره هذي الخطوط كانت عند كلمتها واقلعنا في الوقت المحدد وصلنا مطار الباحه الساعه 9 ونص وطبعا وانا انزل من الطياره قلبي يدق بقوه لاني ما ادري ليش حسيت للأنتماء لهذي البقعه من بلدي الغالي طبعا ما اخفيكم انه طريق المطار الى المدينه نفسها 60 كيلو وجدا طريق سيئ ويخوف .. طبعا كان الجو صافي جدا وعلى طول قلنا بنروح للعقبه لانه ما فيه وقت اننا نتاخر لانه الشوق غلبنا ديرتي طبعا في تهامة الباحه مشينا العقبه وجدا كانت الحمدلله سلسه وما كان فيه شاحنات اللي بصراحه ما اطيقها وكانت العقبه شبه فاضيه لانه احنا جينا في وقت لسى ما بدت اجازة المدارس وكان يوم اثنين يعني بوسط الاسبوع انتهينا من العقبه وأول ما قابلنا محافظة المخواه اللي بجد انصدمت في التطور اللي وصلت له صارت تقريبا كأنها مدينه متكامله من حيث الخدمات والمرفقات الصحيه والاسواق والمجمعات السكنيه بعدها بكم كيلو قابلنا ديار كثيره صعبه اني اذكرها لاني بصراحه نسيتها مع اني كنت فاتحه الكاميرا واصور اي شي اقابله من ضمن الديار اللي قابلناها (( نمره )) هذولي عاد جيرانا وبعدها قابلنا (( المعقص )) ديرة بني منتشر وبعدها زادت نبضات قلبي وصار الشوق يسبقنا بالذات لما شفت هاللوحه (( اليكم الصور )) https://www6.0zz0.com/2010/11/26/14/131401775.jpg اول ما قريت (( شمـــــــــــــران )) فز قلبي وعلى طول طرا على بالي بيت شعر وقلته شمران يا دار السعد والشهامه ... ديرة هل الجود والطيب والنخوه شمران يا عزوتي والكرامه .... يا ريحة الاجداد من نفحة القهوه انا مو شاعره متمكنه بس اول ما جا في بالي قلته للوالد في السياره قال لو انك ولد خليتك في حفلات المحاوره لبى قلب ابوي وبعدها نفس ما صار لي مع المخواه صار لي مع شمران لانها بجد تطورت بشكل غير طبيعي وانصدمت بالخدمات بس بكون صادقه معاكم ناقصها اهتمام بسيط من وزارة الصحه https://www2.0zz0.com/2010/11/26/14/812817096.jpg طبعا نفس الشي الجو فاجئني كانت السما صافيه وما فيها غيوم ابد وكان الوقت لسى صباح يعني حدود الساعه 11 الصباح وطبعا هنا مدخل الديره وطبعا ديرتنا تحتوي على عدة قرى ولكل قبيله قريه معينه https://www14.0zz0.com/2010/11/26/14/824839908.jpg والشارع ما شاء الله سيدين وبينهم رصيف زي ما انتو شايفين وهذا منتزه قبل لا ندخل ديرتنا بكم كيلو يعني ما ادري بصراحه تابع لأي قريه https://www14.0zz0.com/2010/11/26/14/429186596.jpg عاد هالمكان يا زينه وقت المطر والغيم واحيانا ينزل عليه ضباب من الحجاز وقت الشتاء اول ما دخلنا بيتنا عاد لقينا انواع الحشرات بعضها اعرفها وبعضها والله ما ادري وش اسمها (( ولاني خوافه ما امداني اصورها )) ومن ضمنها طلع لنا اثنين ثعابين لانه البيت مهجور من زمان وسبحان الله بعد اذان الظهر الا السحب جت وبشكل رائع جدا والوان يعني سحب رماديه وبيضاء https://www3.0zz0.com/2010/11/26/14/266417665.jpg طبعا في خلال تفاصيل رحلتي ما قدرت اصور المطر ابد لاني بصراحه اخاف من البرق واللي زار الجنوب يعرف برق الجنوب اشلون تحس انه ينور الدنيا كلها حتى لو انه في عز الظهر وخلال 13 يوم نزل علينا مطر في حدود 8 ايام بعضها خفيف وبعضها قوي (( وحتى المطر الخفيف يجي معه برق ورعد بشكل مخيف )) https://www7.0zz0.com/2010/11/26/14/866772464.jpg وفيه شي بعد ما حبيته وخفت منه وقت المطر (( التمديدات الكهربائيه طالعه من فوق يعني مو مثل المدن من تحت الارض )) https://www10.0zz0.com/2010/11/26/14/570092092.jpg بصراحه منظر السحاب هنا شكل خيال وربي عمري ما شفت مثله حتى لما تكون سحابه وحده تحس انها قريبه من الارض وتكبر بشكل سريع وهنا صورت الديره بعد ما نزل رش خفيف من السحب اللي فوق https://www13.0zz0.com/2010/11/26/14/175965392.jpg وتغدينا تحت هالسدره بس في يوم ثاني مو نفس يوم وصولنا لاننا في البدايه انشغلنا بالبيت وتنظيفه وبصراحه هالشجره حبيتها من كل قلبي لانه هذاك اليوم كان الوقت كله مزح وضحك وسوالف واللي معي بالرحله (( انا وامي وابوي )) فقط https://www7.0zz0.com/2010/11/26/14/421040533.jpg طبعا في يوم من الايام شدني منظر سحابه وحاولت اصورها بطريقه احترافيه بكاميرتي الجديده (( طبعا السحابه تطورت وكبرت في غضون خمس دقايق )) بوريكم الصوره على ثلاث مراحل المرحله الاولى https://www10.0zz0.com/2010/11/26/14/569521056.jpg المرحله الثانيه https://www14.0zz0.com/2010/11/26/14/937665597.jpg المرحله الثالثه https://www14.0zz0.com/2010/11/26/14/700887148.jpg ولاحظوا في الجبل صورت لكم ظل السحابه (( سبحان الله )) كان منظر على الطبيعه قمه في الجمال https://www12.0zz0.com/2010/11/26/14/637615375.jpg هذا الجزء الاول من رحلتي لاني بصراحه تعبت وانا ارفع الصور واصغرها نصف ساعه واكمل لكم بأذن الله الجزء الثاني |
الجـــــــــــــــــزء الثــــــــاني طبعا بنفس اليوم نزل مطر وطلعت الشمس وهي تطمر وفي هالحاله يطلع قوس القزح اللي بصراحه احب شكله (( يعني اكيد الكل يحب شكله )) وعلى طول صورته ولاحظوا الضباب على الجبال اللي بعيدوهالصوره صورتها من باب بيتنا على طول لانه القريه فاضيه ما فيها الا انا واهلي واخذت راحتي https://www12.0zz0.com/2010/11/26/14/561486799.jpg ادري كلكم الحين تقولون وش يبي هالعمود حق الكهرب بس وش اسوي كان مكانه كذا ما اقدر اغيره :( وهنا عاد بوريكم ارض ابوي اللي طبعا في قانون عند اهل الديره انه عيب الواحد يبيع ارضه وارض اجداده وطبعا ماشاء الله كثير عددها بس صورت جزء منها https://www8.0zz0.com/2010/11/26/14/887601234.jpg وهنا وحده ثانيه https://www2.0zz0.com/2010/11/26/14/129003233.jpg وهنا من مكان ثاني https://www10.0zz0.com/2010/11/26/14/861161024.jpg وهنا افطرنا (( فول وتميس وقشطه وعسل طبيعي )) وهذاك اليوم قرصتني نحله :( https://www14.0zz0.com/2010/11/26/14/125004644.jpg وطبعا رجعنا البيت على الساعه 4 ونص العصر وسبحان الله انقلب الجو قلبه مو طبيعيه وصارت السماء سودا وصوت الرعد ونور البرق يملى المكان وقدرت اصور شوي وبعدها هربت كالعاده https://www9.0zz0.com/2010/11/26/14/760440545.jpg وقتها نزل مطر ماشاء الله تبارك الله غزير جدا وكان شامل تهامه كلها وفي اليوم الثاني الصباح على طول رحنا الوادي عشان نشوف ارض ابوي وكانت بهالشكل https://www4.0zz0.com/2010/11/26/14/552386098.jpg . https://www3.0zz0.com/2010/11/26/14/232721706.jpg . https://www13.0zz0.com/2010/11/26/15/731247374.jpg وكانت ريحة الارض رووووعه وبارده ورطبه وهنا رحنا تمشينا وشفنا اراضي كثير مزروعه سنابل ومنظرها كان على الطبيعه اجمل كثير من الصور https://www6.0zz0.com/2010/11/26/15/915598616.jpg . https://www6.0zz0.com/2010/11/26/15/904005202.jpg وهذي ديرة عيال عم ابوي وطبعا هم بأستمرار يروحون هنا ويهتمون فيها https://www8.0zz0.com/2010/11/26/15/767152836.jpg . https://www4.0zz0.com/2010/11/26/15/389149522.jpg طبعا انا ما عندي خبر كيف اسرد لكم تفاصيل الرحله وادريان اغلبكم يبي يشوف صور للمطر والبرق بس انا بجد حاولت وما قدرت والان سوف اضع بين ايديكم مجموعه من الصور واترك لكم التعليق هذي بيت جدي https://www3.0zz0.com/2010/11/26/15/231923289.jpg لاول مره اشاهد سحاب بهذا الشكل الهائل https://www9.0zz0.com/2010/11/26/15/828067160.jpg https://www9.0zz0.com/2010/11/26/15/561536502.jpg https://www12.0zz0.com/2010/11/26/15/939516372.jpg وطبعا هذا كان اجمل يوم لانه هالسحابه كانت برديه ونزل منها برد وحسيت انها بتطيح علينا من قربها https://www13.0zz0.com/2010/11/26/15/426382159.jpg احب هالمكان https://www8.0zz0.com/2010/11/26/15/746396878.jpg وهذا الجبل خلف بيتنا وكان فيه السحاب اسود ونزل منه مطر وسالت منه الاوديه https://www3.0zz0.com/2010/11/26/15/657418385.jpg وقت الغروب . https://www5.0zz0.com/2010/11/26/15/373187334.jpg اول مره اشوف اثنين قوس قزح مع بعض (( دققوا في الصوره )) كان جدا قريب https://www5.0zz0.com/2010/11/26/15/927437751.jpg وهذي اخر صورتين كانت بالليل قبل ما ارجع الرياض https://www13.0zz0.com/2010/11/26/15/683862812.jpg . https://www5.0zz0.com/2010/11/26/15/841287010.jpg وداعيــــــــــــــــــه يا ديرتي الحبيبه اتمنى الرحله تكون عجبتكم واتمنى تزورونها ولكم فائق شكري وتقديري |
يشرفني أن ارد على تقريرك الرائع حمد لله على سلامتكم..
|
يعطيك العافيه
وصور جميله جدا وباذن الله نزورها |
حمدلله على السلامه رحلة جميلة المفروض الواحد ما يخلي ديرته أكثر من سنة يالله ما تلامون ظروف الحياة صارت قاسية وما تجي على الكيف على العموم الصورة هذي كلام ثاني ملاحظة بسيطة لو عدلتي الكام شوي بحيث تجي على خط مستقيم كان يا سلام بس ما يمنع تكون أجمل صورة شفتها في تقريرك ومو قصور بالصور الباقية ,, تقبلي مروري .,,, |
اقتباس:
الله يزيدك شرف ويعلي مقدارك وشاكره لك مرورك |
اقتباس:
حياك الله اخوي وان شاء الله تزورها والله يعافيك وشاكره لك مرورك |
اقتباس:
اصلا انا شريت الكاميرا وانا ما عندي خبره في التصوير والحمدلله اني طلعت بهالصور مع اني ما شفت الصوره اللي اعجبتك ولكن شاكره لك مرورك وملاحظتك |
صراااااحة تقريررررر جدااا روووعة
مطر واجواء حلووه وديرتكم مشاءالله وتصووير عال العال بعطيك العافية تحياتي لك |
اقتباس:
الله يعطيك العافيه على الاطراء الجميل والاجمل هو تواجدكم في تقريري وشاكره لك مرورك |
| الساعة الآن 01:50 PM |
Powered by vBulletin .
جميع الحقوق محفوظة © لشبكة ومنتديات البراري 2010