شوربة حرق الدهون
 

السلام عليكم
الحقيقه انا كنت سمين مره وماخليت شي الا وجربته ومثل ما تعرفون السمنه شينه بالحيل ثقل وكثر نوم وكسل ومنظر شين واشياء تعرفونها
المهم ماخليت شي الا وجربته حتى المشي لكن ماكتب الله لي نحافه
لقيت عنوان مركز طبي في الرياض يقول انهم بنحفون السمين بالطرق الكيماويه
ماصدقت خبر ورحت لقيت مصاصين فلوس ولا حولك احد كل همهم سو تحليل سو اشاعه وهات فلوس
طلعت منهم ما سويت شي ابد ولا خسرت ولا ريال ولله الحمد وانا عند الباب الخارجي ولا فيه رجال يسب ويشتم هديته وقلت وش بلاك الله يهديك
قال نصبو علي وخذو مني حول عشرة الاف ريال ولا استفدت شي قلت هذا انت غزال ماشاء الله قال مو منهم هذا من الممرضه .......... قلت وين هذي قال هنا عطها خمسين ريال وتعطيك الوصفه بس لا يشوفك احد
رحت لها وخمسين ريال طارفه وعطتني ورقه مطبوعه وقالت لا نشوفك ثاني هنا والممرضه سعوديه سمراء

انا جربتها ونزل وزني من جد والحمد لله وارتحت مره قلت لازم انشرها واكيد غيري نشرها في منتديات ثانيه لانها صارت مشهوره
ما اطول عليكم
الشوربه كالتالي :

6 حبات بصل كبيره صفراء.
علبه او علبتين صلصه .
حبتين فلفل بارد ( فلفل رومى ) طبعا اخضر .
راس ملفوف كامل ( كرنب ) .
حزمه كرفس .
يمكن اضافه مغلف واحد من الشوربه الجاهزه للنكهه.

طريقة التجهيز :

فى قدر كبير ضع الخضار مقطعه قطع متوسطه واضف ما يناسب من الملع والبهارات والكارى الخ اغمرها بالماء وغطها ودعها تغلى لمده 45 دقيقه ختى تنضج الخضار وضعها بالثلاجه.

هذه الشوربه هى اساس هذا النظام لذالك يجب تناولها بكثره وفى اى وقت فكلما شربت كلما فقدت وزن اكثر وكذالك تنقى شرايينك من الدهون ويقيك الله باذنه من الجلطات .

فهذه الشوربه الحارقه للدهون وصفه طبيه .
هذا النظام صحى ومعروف ويوصف دائما لتخفيف اوزان مرضى القلب قبل اجراء العمليلت لهم .

هذا نص ما في الورقه المطبوعه

جربتها والحمد لله ارتحت كثير وخف وزني وقلت تستفيدون منها بدل نصب المستشفيات ااخاصه

وما تشوفون شر

مشكور اخوي وجزاك الله خير وابجربها لكن انتبه لا يكون بين الوجبات حلويات او سكريات هذا الي يذبحنا

وباذن الله ان نحفت اباكل انا واياك ذبيحة كامله :27:

اخوي عابر يا ليت تبي لنا كم نحفت من كيلوا وكم المده ووش كان برنامجك جزاك الله خير لان الامر يهمني كثير

بارك الله فيك والله لا يضرك مع اول مشاركة منك "مشاركة في الصميم "

لماذا اختي الفاضلة حددي السبب اذا امكن

مشكور وما قصرت يا الغالي

وينك يا هادي

بارك الله فيك يالغالي


حنا ندور اللي يزودنا وزن

تكفون اللي جرب يقول لنا نبي نجرب

عابر البر البصل الاصفر وين نلقاه

والكرفس ما لقيته وشلون شكله

راع الغرابه احمد ربك وخلك على كذا

هادي ان لقيتا المقادير خذ لي