قصيده طريفه الى زوج بنتي واهدده بحفيدي .
 

حبيت بهالعيد ىاجيب لكم سالفه حصلت امس طريفه

وهي ان زوج بنتي يشتغل بالاتصالات وصار ان البرود باند ما حبيته في تنقلي

فقلت له اني ابي اغيره فهو اقترح علي قطعة (كونكت ) اسمها (فراري) .

ما قصر الرجال جاب لي ( الكونكت الفراري) وراح بعد الفطور .

بعدها طلعت لغرفتي وقلت ابي اوسع صدري معكم بالمنتدى .
ولاكن اللي حصل ان الاتصال بالمنتدى يقطع من وقت لوقت وارتفع ضغطي وخصوصا اني اشوف ان المنتدى مدهر بالمواضيع الجديده والجميله ومتحمس .

انا طولت في المقدمه ولاكن تروها ضروريه / وبعدين وش وراكم . اقرو وبلاش تنقاد عاد
المهم .
اتصلت عليه وقال لي بكره وابشر اضبط ( الفراري ) ولا يهمك يا خال .
وبكره اكلمه الا هو يقول انا بجده وحصلت مشكله في احد الفروع .
المهم انا طقت في راسي اني ما ني مهم عنده وصارت في راسه اكلم بنتي واشتكيلها عشان تنومه بالصاله اول ما يرجع من جده .
ولاكن قلت ابختصر الموضوع وبشكي لحفيدي ( ريان ) يسلم لي وهو ينقلب صيني اذا زعل .لغه وشوفه .

القصيده المتواضعه ( الزبده) <<<<<<<<<<< ثرثار بجد .

القصيده .

أشتكي لله هو خالق عباده
ربنا المعبود سمعن له وطاعه

قوم يا ريان ياجدو وناده
حد رحمة ربنا فيها وساعه

نمت يا جدو وانا مكبر وساده
احلم ان النت ما فيه القطاعه

اتصالي بوك يا ريان باده
والفراري بذني كثر انقطاعه

افزع لجدك وعجل بالنجاده
انت اخر كرت مضمون النفاعه .


وابشركم استخدمت الكرت الصح وصار اتصالي ممتاز .

مثل حبي لريان .

الزبده / اني حبيت بمناسبة العيد اشارك بقصه ترفيهيه فقط .
ويمكن لا.

يعطيك العافية ابو البر
قصه وقصيده طيبه

هلا وغلا ام الدانه وكل عام وانتي بخير .

مرورك الآطيب
وكل عام وانت بخير .

ومن قال وصح بدنك

وكل عام وانت بخير .

صح لسانك
يعطيك العافيه

تسلم يا صقر وصح بدنك

وكل عام وانت بالف خير .

صح لسانك
وكل عام وانت بخير