ترى الذبايح و أهلها ما تسليني ********* أنا أدري إن المرض لا يمكن علاجه
أدري تبي راحتي لايا بعد عيني ********* حرام ما قصرت يديك في حاجه
أخذ وصاتي وأمانه لا تبكيني ********* لو كان لك خاطرٍ ما ودي إزعاجه
أبيك في يديك تشهدني وتسقيني ********* أمانتك لا يجي جسمي بثلاجه
لف الكفن في يديك وضف رجليني ********* ما غيرك أحدٍ كشف حسناه واحراجه
أبيك بالخير تذكرني وتطريني ********* يجيرني خالقي من نار وهاجه
سامح على اللي جرى ما بينك وبيني ********* أيام نمشي عدل وأيام منعاجه
همي عيالي وأنا اللي فيْ كافيني ********* علمهم الدين تفسيره ومنهاجه

إنهاالشاعرة
عابـرة سـبـــيل

همي عيالي وأنا اللي فيْ كافيني ******* علمهم الدين تفسيره ومنهاجه

ان اشهد انه كلام عقلاء


اللهم اغفر لها واجعل قبرها روضة من رياض جناتك ..

تحياتي
ابوسامي