|
خيوط العنكبوت.......
لاتقول الوجد جابك والشجــــن = لاتـقـول انك عـلى حـبي تمــــــــوت وينك امن سـنـيـن يوم اني اون = وازعج الونات صوتٍ عقب صوت جيتني والشيب بالراس استكـن = والجسم مثل الشجر صار محـتـوت صرت كني لاجيٍ ذاق المحــن = او يتيمٍ مالـقى بالدار قــــــــــــــوت دوك جسمي لاعبٍ فيه الوهــن = صار اوهن من خيوط العنكبـــــوت غيرن بُعدك وغيرني الزمــــن = عن لذيذ الهـرج فـضلت السكـــوت مابقي بالعمر شيٍٍ له احــــــــن = غير ذكر الله ودعـوات الـقــنــــوت لايضيع العـمـر في فـن ولـحـن = دام عـندك وقت ترجع للـثـبـــــوت اغنم ايامك قبل لبس الكــفـــــن = العمر لحـظه وما اسرع ماتفــــوت رزقك المكتوب لو كان بـعــدن = ماترده عـنك اهالي حضرمـــــوت اشهد ان المال في الغربه وطن = واشهد ان الفقر غربه في البيـــوت الوطن غربه اذا مالك ســكـــن = السكن هو الوطن ياهل البـشــــوت وش يضر الميت لامنه اندفـــن = باللـحـد والا بزينات الـتـبــــــــوت احمد بن عبدالرحمن العريفي (نديم المجره) |
يعطيك العافيه
|
رزقك المكتوب لو كان بـعــدن = ماترده عـنك اهالي حضرمـــــوت صح ذوثك يا غالي |
صح لسانك قصيدة جزلة ومعاني معبرة |
صح لسانك ونبي منك المزيد
|
اشهد ان المال في الغربه وطن = واشهد ان الفقر غربه في البيـــوت
صح لسانك يا نديم المجرة . |
اخواني الاعزاء اشكر لكم مروركم وطيب ثنائكم دامت لكم المسرات تحياتي |
دوك جسمي لاعبٍ فيه الوهــن = صار اوهن من خيوط العنكبـــــوت غيرن بُعدك وغيرني الزمــــن = عن لذيذ الهـرج فـضلت السكـــوت مابقي بالعمر شيٍٍ له احــــــــن = غير ذكر الله ودعـوات الـقــنــــوت لايضيع العـمـر في فـن ولـحـن = دام عـندك وقت ترجع للـثـبـــــوت ياهلا بـ شاعرنا الـمميز (نديم المجره) صح لسـانك واعتلى شانك قصيده رائعه بكل ماتعنيه الكلمه .. معاني ساميه وقويه لاعدمنا منك هذا الابداع دمت متألقا وشامـخا |
اشكر لك مرورك وطيب ثنائك ولي عندك طلب موجود في قصيدة (ياسعود تكفى لايفكون الاطناب) لايزال معلق لم يتم تنفيذه دامت لك المسرات تحياتي |
| الساعة الآن 11:06 AM |
Powered by vBulletin .
جميع الحقوق محفوظة © لشبكة ومنتديات البراري 2010