|
ما كـل من يركب على الخيل خيال
ما كل من يركب على الخيل خيـال ولا كل خيل تعجبك هـي أصيلـه ولا كل من يعجبك هرجه برجـال بعض العرب ملسون وإيده بخيلـه الكل يلبس ثوب وشمـاغ وعقـال وعند اللزوم افعالهم هـي قليلـه الرجل تثبت لـه أقاويـل بأفعـال لا قال شيء ونفـذه هـو دليلـه والرجل لاشفته مع القيـل والقـال أبعد عنـه هـذا صفاتـه عليلـه والكذب خله عنك مافاد لـو طـال قول الصدق ياصاح غنم وجميلـه وخلك شجاع وذي صفات للأبطال اللي كما سيـوف تبـارق سليلـه واللي شراك أشريه لو كان بالمال خلك معـه وان مـال دور بديلـه واصبر ترى الدنيا تبدل بها أحوال وما كل شئ صافي تشوفه تجي له وبعد الكدر تشرب صفا عذب وزلال هذا الزمن فيـه استقامـه وميلـه وصاحب خليل لو جفا الوقت مامال ترى الرجل يعرف بقيمـة خليلـه واقفل على سرك بكتمـان واقفـال بعض العرب يسمع وينوي بحيلـه وخلك أمين إذا توليـت الأعمـال من خان في يوم الحشر يا حليلـه خل التواضع فيك واضح بالأفعـال ترى الكبـر يـردي بيـوم وليلـه ولا تحسد اللي عنده أموال وعيال وش ينفعك لو كان حسدك يزيلـه ولا تـزور تقلـب الزيـن بطـال الله عليـم بالنـوايـا الدخيـلـه وخلك رزين ترى المخفه للأطفـال واصفح عن المخطي ولو زاد قيله واحمل همومك لو تزن وزن الاثقال بكره تروح وتنجلـي لـو ثقيلـه وصل الفروض ولاتنسيك الأشغال محدن في الدنيا درى وش بقي له وزور الاقارب للرحم كون وصـال وخلك عظيم الشان وسط القبيلـه وصلاة ربـي عـد ماهـل همـال على النبي اللـي صفاتـه جليلـه اعجبتني فنقلتها لكم اتمنى تعجبكم وسلامتكم |
وخلك رزين ترى المخفه للأطفـال واصفح عن المخطي ولو زاد قيله واحمل همومك لو تزن وزن الاثقال بكره تروح وتنجلـي لـو ثقيلـه صح لسانك أم العنووووووود ولسان من قالها إختيار مميز وموفق يثري ساحتنا الشعريه وينير جنباتها بإختيارك الذوااااااااااق والمفيد في نفس الوقت بارك الله فيك أم العنوووووووووود |
رائعه اختي
وصح لسانك ولسان الشاعر |
صح لساااانك
|
اختيار موفق مشكورة ام العنود |
[quote=الذعذاع;872460]
وخلك رزين ترى المخفه للأطفـال واصفح عن المخطي ولو زاد قيله واحمل همومك لو تزن وزن الاثقال بكره تروح وتنجلـي لـو ثقيلـه صح لسانك أم العنووووووود ولسان من قالها إختيار مميز وموفق يثري ساحتنا الشعريه وينير جنباتها بإختيارك الذوااااااااااق والمفيد في نفس الوقت بارك الله فيك أم العنوووووووووود حيآآك الله أخي الذعذاع وصح بدنك ومشكورعلى تنويرك لمتصفحي اسع ـدني مرورك واتمنى ان تكون القصيده نالت على اعجابكم تقبلو خالص ~مودتي |
اقتباس:
مرورك الذي انرت به متصفحي ودمت بآآآآآلف خير |
اقتباس:
اسعدني تواجدك أخي الركام بمتصفحي ولا عدمت وجودك الرائـع دمت بآآآآآآلف خير |
ماكل من حاط المحابيل حبال @@ ولاكل من هد الطيور رجعنى تقبلوا مشاركتى المتواضعه معكم ومشكورررر ام العنود ع القصيده |
اقتباس:
مرورك الذي انرت به موضوعي ودمت باااالف خير |
| الساعة الآن 01:57 AM |
Powered by vBulletin .
جميع الحقوق محفوظة © لشبكة ومنتديات البراري 2010