|
متى سموم القيض عنا تقفي؟؟
أنا على المقناص قلبي يرفي *** فترة ونرجع يم اهلنا مناكيف
بديار لفروق الحباري تلفي *** جنوب من حزم الجلاميد وطريف الطير هو غاية غرامي وشفي *** أقدره تقدير الأجواد للضيف من كبر قدره شايله فوق كفي *** وأرعاه تسع شهور بالقيض والصيف وادهنه لا شفت ريشه مصفي *** على الدعو واخفف النسر تخفيف نقله يشرفني وشوفه يكفي *** عن شوف ناس ما تعرف المعاريف لا شفت لي نوّن بروقه ترفي *** نويت أجهز موتري للتكاليف القيض كله جالس ومتعفي *** برد المكيف نشف الدم تنشيف متى سموم القيض عنا تقفي *** وسهيل قبل عمّد الفجر قد شيف والنار يصلح شبها للتدفي *** والبربد نوجس من نسيمه هفاهيف قمنا لعزبتنا نشيل ونضفي *** ونكمل الناقص ونملا المطاريف اللي نشيل من اللوازم مكفي *** مكتفين العفش بالحبل تكتيف يمكن اليا جينا البقالة نوفي *** حاجات نشريها كمالة مصاريف والصبح من حزم ابرقيه مقفي *** صوب المعظم والهضاب المقاييف بديار جعل اشجارها ما تجفي *** تعلها غر المزون المراديف في رفقة اللي نارهم ما تطفي *** على الشرف والجود ربعن مواليف مجلاس طلقين الشوارب بصفي *** على الدلال الي بهن صخّن الكيف خويهم ما اوجس كلامن يحفي *** غير المزوح الطيبة والسواليف عقال وزن عقولهم ما يخفي *** ولا هم على الفاضي خفاف وملاقيف نقلا00 |
ماشاء الله قصيده جزله
تسلم على النقل ويعطيك 1000 عافيه.. ابو حمد،، |
متى سموم القيض عنا تقفي ؟
الله يعين تونا نبدأ الله يعيد علينا الايام الطيبة ايام الخيرات والامطار والربيع ولعل الواحد منا يقف متأملا في سموم وحر الصيف ذلك اليوم العظيم . شكرا لك أخي رعد الصحاري على نقل هذه الابيات الجميلة . |
اشكرك اخوي رعد الصحاري على نقل هذه القصيده الجزله للشاعر المعروف بدر الحويفي الحربي
|
مشكور على النقل الرائع ولاكن ليت وضحت صاحب القصيدة بدر بن عواد الحويفي الحربي
|
مشكور على الاختيار الجيد
|
| الساعة الآن 01:57 AM |
Powered by vBulletin .
جميع الحقوق محفوظة © لشبكة ومنتديات البراري 2010