مظلة عن الشمس والمطر
 

السلام عليكم ورحمة الله وبركاته
أخواني نحن الآن في موسم أمطار وخير كشتات والواحد يحتاج ان يتضللعن المطر أو الشمس
وبدون ماتكون معه خيمة على طول يكون معه طربال ويكفي
والمطلوب مواصير نص بوصة وبوصة إلا ربع من الحديد الأسود بحيث يكون خفيف
وضع المواصير حسب طلبك طبعاً البوصة إلا ربع أحسب عشرة سم ثم أخرمها بالدريل ولحم سيخ 6مل بالعرض (يكون من الداخل ) ثم تضع نص بوصة داخل البوصة إلا ربع وترتكي على السيخ 6مل وإذا أنتهيت أخرج نص البوصة وأقلبها مع الجهة الثانية بحيث ماتأخذ مكان ( يعني وحدة داخل وحدة )
صراحة طولت بالشرح ولاأدري يفهم الشرح وإلا لا ؟
وتضع من أعلى وردة ومسماربحيث يثبت بالطربال
وفصل لهن طربال عن الأزعاج وعن التراب
والصور وحدة لربيع العام الماضي في الصمان آخر الربيع والشمس حارة
ووحدة لمطر يوم أمس على الزلفي
وأي استفسار أنا في الخدمة

ملاحظة ( الطربال 3في 5)




https://www.albrari.com/up/upload/masora1.JPG



https://www.albrari.com/up/upload/2.JPG

https://www.albrari.com/up/upload/IMG_1780_resize.JPG

https://www.albrari.com/up/upload/Img_1226_resize.jpg

والله الشغل المتقن ماشاء الله

اخوي الروضة موفق والله يسدد خُطاك

مشكور اخوي الغالي على هذا الموضوع ويعطيك الف عافية

ماشاء الله

الله يعطيك العافية اخوي

وماقصرت يالغالي

ماشاء الله يا ابو عبد العزيز إبداع متميز ومتكرر في كل شيء ومشكووووووووووووووورين وبالصراحة المنظر الأول يفتح النفس والثاني اجمل منه والله يخلي لك من جلس على الزولية 0

ما شاء الله تبارك الله

لكن عندي استفسار بسيط

المواسير من الحديد او الالمنيوم ؟

ليش ما فكرت تحط لها رواق على جنب


ليونارد دافنشي

الأخ وحيد111
آمين وجزاك الله خير ومشكور على مرورك الكريم
الأخ الجنوبي2000
حياك الله ولاشكر على واجب
الأخ أبو نورة
حياك الله وياهلابك والله
الأخ أبو عبد العزيز
حياك الله وهذا من طيبك واللي على الزولية هذا احمد الله يصلحه وجزاك الله خير
الأخ دافنشي
حياك الله وياهلابك
المواسير من الحديد الأسود طبعاً أقوى وأوفر من الألمنيوم
وبالنسبة للرواق معي على طول وإذا فيه هواء أو تبغى النوم ضع الرواق وتقدر تنزل الطربال بحيث يكون على شكل جحش
https://www.albrari.com/up/upload/28-12-1426 02-

ماشاء الله تبارك الله
الحقيقة فكرة رائعة وعمل متعوب عليه وكله فن وترتيب وتكتكه
تسلم يمناك والف شكر اخوي الروضة

والله انك ذيبان

اقول وين حقين الخيام عنك لوني مالك القاضي للخيام اشغلك عندي بالملايين

عز الله جبتها يالذيب ماشاء الله عليك لكن انا ودي بمثل اللي يسون الخواجات على اللاند روفر تطوى مثل اللى على المحلات