|
وين احصل اطيب ( اقط ، بقل ) هذي السنة 1431هـ
بسم الله الرحمن الرحيم اخواني // محتاج اقط طيب وين احصل اطيب اقط خلال الفترة 1431هـ والله يجزاكم كل خير |
المجمعة - الأرطاوية - أم رجوم |
عندك سوق الارطاوية يوم الجمعة
بتلقى فيه طلبك بإذن الله بس بشرط انك تعرف الطيب من الردي والاهم انك تبكر في السوق قبل الشريطية ما يشترون الزين ويتكسبون فيكم والاسعار الطيب يتراوح كيس الملح من 90 إلى 120 ريال حسب الجودة والوسط من 60 إلى 80 ريال والاجود اللى يجي ابيض اللون وتلقاه محبب ويتفتت وطعمه حامض حلو وانتبه ترى فيه اقط بقر وشياه اللي ما يعرف حق العنز ينغش فيهن سلام |
السلام عليكم حياك أخي الكريم ماشاء الله الأخوان ماقصرو أعطوك المختصر المفيد وزد على ذلك سوق حفر الباطن فأن شاء الله سوف تجد ماتريد بتوفيق لك يالغالي |
بسم الله الرحمن الرحيم الله يجزاكم بجنات النعيم وما قصرتوا وعسى الله يقدرني والقى شيء طيب |
واذا تبي ندور لك دبرنااك
بس بشرط تتقهوى عندنا والا ما نعرف ندور لك وش قلت سلام |
راسلني على الخاص جزاك الله خير
اطلب تجد |
مدام جا الشيخ في الموضوع
عز الله انك حصلت على الاقط الطيب مبروووك عليك سلام |
بسم الله الرحمن الرحيم اخوي ( هادي ) والله اخجلتني بأخلاقك وقول فعل يالغالي والله يحفظك والشك زايل وتقول وتطول والقهوة إن شاء الله في وقت ثاني واتشرف والله بكم وبأهل تمير النشاما والله وسلامي لتمير واهلها اخوي / الشيخ بارك الله فيك والخاص عندك وصل والله يجزاك كل خير |
| الساعة الآن 11:10 AM |
Powered by vBulletin .
جميع الحقوق محفوظة © لشبكة ومنتديات البراري 2010