شبكة البراري - يعني اعطيك الثقه وتردها بـ لوي الذراع##ياخي ماشاءالله عليك ابدعت في رد الجميل

شبكة البراري (https://www.albrari.com/vb/index.php)

- همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)

يعني اعطيك الثقه وتردها بـ لوي الذراع##ياخي ماشاءالله عليك ابدعت في رد الجميل

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن.. فرق الإنطباع..
يجعلك يمّي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها بـ لوي الذراع..
ياخي ماشاالله عليك أبدعت في رد الجميل..

ــــــــــــ

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

إنفجر راسي من التفكير..وإزداد الصداع..
كيف أنا بفتك من جرحك؟؟ودوشة قالٍ وقيل..

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..

رحمتك يارب لامن ضاقت أمنحني الوساع..
إنت حسبي في الزمان الجاير ونعم الوكيل..

لاغدى مستقبلي <>والماضي أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..
يذلف الله لايرده.. والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغوه أقل شيء بخالص الشكر الجزيل..

وسلامتكم ,,,,,,,,,,,

منقوووووووول

صح لسانك ................يالشريف

وعليكم السلام ورحمة الله وبركاته

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

بيت القصيد وأشكرك اخي الغالي على النقل

اقتباس:

المشاركة الأصلية كتبت بواسطة متحري الخير (المشاركة 802637)

صح لسانك ................يالشريف

صح بدنك يالغالي واشكر لك مرورك العاطر

اقتباس:

المشاركة الأصلية كتبت بواسطة الشيخ قوقل (المشاركة 802642)

وعليكم السلام ورحمة الله وبركاته

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

بيت القصيد وأشكرك اخي الغالي على النقل

لاشكر على واجب واشكرلك مرورك العاطر يالشيخ

صح لسان القايل وسلم ذوق الناقل

مودتي

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن.. فرق الإنطباع..
يجعلك يمّي تميل ..ويم غيري ماتميل..

صح السان الشاعر وصح ذوقك الخطير تسلم يالغلا

مشكور على الاختيار الجمـــــــــــــــــــــــــــــــيل

سلمت على النقل المميز

قصيدة جزله

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل

صح لسان قائلها

الأخوة الأعزاء ( الضامي وعبد المحسن العمر والركام ومحمد الشهراني)
اشكر لكم مروركم العاطر ولكم مني اجمل التحايا وتقبلو شكري وتقديري
ابو ناصر الشريف