|
رحلهـ الدهناء والصمان (150)صورهـ << وشي يضيق الصدر ويجيب النكد >>
السلام عليكم ورحمة الله وبركاته رحلهـ خطافيه لمدة يومين للدهناء (عرق جهام) والصمان (شقران +المعترضهـ + أم المصران + أم قليب + العمياء) بتاريخ 6/1 إلى 8/1 من سنة 1431لهجرة النبي صلى الله عليه وسلم الأعضاء اللي معي شقرديه ونشاما ====>>>شرواكم صالح وإبراهيم إخوان وخالد ربي لايخلينا منهم ومحاتسيكم بدر (أبو صالح) بالتأكيد تقولون والنعم <<<<واثق :confused: أبو عبدالله "ابراهيم" الله يخليه لعين ترجيه صاك أمها إجازة من دوامهـ ومجهز الغريضات (كل اللي يطري على بالكم جايبه) بغينا نبسط بالبر وإلا نفتح مزاد علني هذولا اللي توصيهم بالأغراض ما هوب واحد نوصيه يجيب خيشتين سكر وخيار بس الموهييييييييم قبل ما نبد بالصور اللي مشغول أو عجل يقفل ويرجع بعدين ويمخمخ ببيالة شاهي أو زنجبيل مع هالبرد وعلى رواقهـ يتصفح (حسسوني إني لقيت شيء يسوى التعب من التقرير) وللعلم تستاهلون والله التعب الموضوع فيه اللي يفرح واللي يوسع الصدر وفيه اللي يتق الخلق ويجيب الهم وضيقة الصدر يعني حاولت إنه يكون جامع وشامل لبعض الأمور اللي تهمنا بالبران بالذات اللي ينكدون على خلق الله بسم الله وعلى بركة الله نبدأ أول ما وصلنا لمكان المبيت لأول ليلهـ بالدهناء حسينا بالبرد الأقشر وقال أبو عبدالله (خالد) عندي لكم دواهـ https://www.albrari.com/vb/uploaded/5071_01261938746.jpg بدى يحوف لنا الفريك والحليب بالزنجبيل بدا الهواء بالزيادهـ وقام التراب يكوح (بوجهـ العدو) إلى أن بدأ المطر وهجدهـ والحمد لله مطرنا بفضل الله ورحمة https://www.albrari.com/vb/uploaded/5071_31261938746.jpg وبدأ الرش يقوى ويزيد https://www.albrari.com/vb/uploaded/5071_51261938746.jpg وبدينا نزبن ونجهز الطربال والعشهـ https://www.albrari.com/vb/uploaded/5071_71261938746.jpg والجوع كافر هاللي خلانا نتكوم حول الطشت https://www.albrari.com/vb/uploaded/5071_91261938746.jpg التنظيف بحرص وركادهـ وأبعد المطافيق عنك إذا جيت تشيل الطشت https://www.albrari.com/vb/uploaded/5...1261938746.jpg بغيت أطب سباحي من الريحهـ والقومهـ مع شقت النور وأحلى صباح بري https://www.albrari.com/vb/uploaded/5...1261938746.jpg إشراقهـ جميلهـ ورائعهـ وخاقوقيه https://www.albrari.com/vb/uploaded/5071_01261939092.jpg تراي ما أسمح لحد يجطل صوري إلا كان ينسبها لي أبد ما هنا إلا حلالكم https://www.albrari.com/vb/uploaded/5071_11261939092.jpg والمكان من فوق السيف وتلاحظون إنه زاري بالحيل https://www.albrari.com/vb/uploaded/5071_21261939092.jpg مقتطفات من إشراقة الصباح الباكر (جمل متعوب عليها)الله لا يضرني بس https://www.albrari.com/vb/uploaded/5071_31261939092.jpg أبو عبدالله والتمغط (طبعاً قلبي مع العدسهـ لا تمصط منه) https://www.albrari.com/vb/uploaded/5071_41261939092.jpg يالله ماذا تفعل يازين الدين زيدان (هاجتن به) https://www.albrari.com/vb/uploaded/5071_51261939092.jpg ياقلبيه على هالقهوهـ الله لا يخلينا منك أبو إبراهيم مجهزها وحنا نتلها بالتصوير https://www.albrari.com/vb/uploaded/5071_61261939092.jpg وأم سالم إلها نغمهـ https://www.albrari.com/vb/uploaded/5071_71261939092.jpg وتجهيز الفطور من الشيف أبو إبراهيم (صالح) https://www.albrari.com/vb/uploaded/5071_81261939092.jpg والإشراف من أبو عبدالله (خالد) على إن الوضع تمام https://www.albrari.com/vb/uploaded/5071_91261939092.jpg وقبل الإفطار جازت لنا هالإشراقهـ https://www.albrari.com/vb/uploaded/5...1261939092.jpg والوضع تمام بهالفنجال الطيب عن الهواء https://www.albrari.com/vb/uploaded/5...1261939092.jpg إفطار يوم الخميس تونه ولحم مفروم يعني بحري وبري ولا الفورسيزن يحط هالنوعين لك https://www.albrari.com/vb/uploaded/5...1261939092.jpg جمع الحطب اللي يسدنا إلى الجمعهـ والحرص على اليابس https://www.albrari.com/vb/uploaded/5...1261939092.jpg وفي الطريق ما شاء الله تبارك الله وطتنا سحابة طيبه بالحيل وحنا متجهين إلى شقرآن https://www.albrari.com/vb/uploaded/5071_01261939445.jpg والتوقف عند أحد الدحول https://www.albrari.com/vb/uploaded/5071_11261939445.jpg وصارت شقران مابها شيء يذكر ولا حتى الباذر وقلنا نطمر لأم المصرآن لعل وعسى https://www.albrari.com/vb/uploaded/5071_21261939445.jpg والحمد لله الربيع يسر الناظرين ويأسرهم (بس لا تفرحون واجد) أعلمكم بعدين https://www.albrari.com/vb/uploaded/5071_31261939445.jpg ونقينا المكان الطيب https://www.albrari.com/vb/uploaded/5071_41261939445.jpg وأخرى للفيضهـ https://www.albrari.com/vb/uploaded/5071_51261939445.jpg وتجهيز الغداء من يديني الله يسلمهن https://www.albrari.com/vb/uploaded/5071_61261939445.jpg وأكتمهـ وأكتم أبوهـ بعد https://www.albrari.com/vb/uploaded/5071_81261939445.jpg وجانا هالضيف المليح الله يبارك لراعيهن وقدمنا لهـ بصلهـ https://www.albrari.com/vb/uploaded/5071_91261939445.jpg ورفض بشدهـ وزعل وحط فنجالهـ (بصلته) ويابن الحلال وش السالفهـ قال الريحهـ دمار (طرار يتشرط) https://www.albrari.com/vb/uploaded/5...1261939445.jpg إخلاص مع فنجالهـ https://www.albrari.com/vb/uploaded/5...1261939445.jpg وسكري وفنجالهـ https://www.albrari.com/vb/uploaded/5071_01261939734.jpg والرز بدأ ينش https://www.albrari.com/vb/uploaded/5071_11261939734.jpg قصدرناهـ وكملنا قهوتنا https://www.albrari.com/vb/uploaded/5071_21261939734.jpg قلنا نطلق رجلينا على ما بال الغداء يخلص وشفنا هالمناظر اللي تضيق الصدر بقوة من البعض هداهم الله يعني من بيجي وراك يشيلها (شغالتكم) أو عمال البلديه ما أدري ما الفائدهـ من جمعها وتركها هكذا كلها كم يوم وتنشق ويتناثر الوسخ https://www.albrari.com/vb/uploaded/5071_31261939734.jpg خذو الثاني بعد يحتري العمال يشيلونها https://www.albrari.com/vb/uploaded/5071_41261939734.jpg عاد هذا اللي مالهـ علاج يتقيوا على السدر ناطلها فوق https://www.albrari.com/vb/uploaded/5071_51261939734.jpg أما هذولا فلا بد من إبادتهم على الفور وإلا لن تكون العواقب سليمهـ تفحيط ودهس للعشب والربيع وما الفائدهـ لآ أحد يقول طيش شباب أو مراهقين (ما سويناها يومننا كبرهم) وإن كانهم ملزمين بهالأمور ذي عندهم القمامهـ (الثمامهـ) https://www.albrari.com/vb/uploaded/5071_61261939734.jpg نرجع للفيضهـ نتمتع بها https://www.albrari.com/vb/uploaded/5071_71261939734.jpg والسكك والجرات بكل مكان ما بقي شيء بالروضهـ لم تطأهـ السيارات إلا ما زال ماء https://www.albrari.com/vb/uploaded/5071_81261939734.jpg وأبو عبدالله يتحسر على هالتصرفات من البعض هداهم الله https://www.albrari.com/vb/uploaded/5071_91261939734.jpg أموت أنا على النظرات الثاقبه ودراسة الوضع الأمني والفكري يا خالد https://www.albrari.com/vb/uploaded/5...1261939734.jpg خلونا نستمتع شوي قبل الغداء والضيقهـ الباقيه https://www.albrari.com/vb/uploaded/5...1261939734.jpg وسكة هنا وسكة هناك https://www.albrari.com/vb/uploaded/5...1261939734.jpg ومحاسيكم يوثق كل كبيرهـ وصغيرهـ لدراسة الوضع https://www.albrari.com/vb/uploaded/5...1261939734.jpg إنسبببببوووووهـ https://www.albrari.com/vb/uploaded/5071_11261940079.jpg مقابل الجيش ولا مقابل العيش ما ينتظرون الواحد يصور https://www.albrari.com/vb/uploaded/5071_21261940079.jpg وغروب شمس يوم الخميس https://www.albrari.com/vb/uploaded/5071_31261940079.jpg يتبع يتبع أرجو عدم الرد |
والنار من شبابها وكمان كح صورهـ رائعهـ من خالد أبو عبد الله (مواهب مدفونه) لحظات تأمل بوداع هذا اليوم وهذي لحظات تفكر ==== ما أدري وش الفرق يا شمس يا شمس لالالاهـ تغيبي وتضيق الصدر مرة أخرى لراعي دتسن لعب بالطين ما نقول إلا الله يهديه البرد زاد وبدت السقان تصافق وزد الحطب وبيالة شاي مخدر لهـ ساعهـ مع سماحتي والبرد دواهـ الزنجبيل وكمان قين الله يكفينا شرها يالله رحمتك يارب والنجاة من النار قصدير أبو عبدالله خالد للعشاء (مشروع تسمين الرحلهـ) قايل لكم الأغراض واجدهـ والإتقان بالعمل الله يسلم يديهـ واضح الشغل ذمة ما فيه أي تنسيم ياسلام تكفي لو مرقتها واضح الطلول أو الصقيع أو الندى كلن يختار اللي يبي وتجمدهـ على العشب وبرضوا وحدهـ أخرى إشراقة شمس يوم الجمعهـ . . . . . . البدأ بيوم جديد والتدحمل واجب وطيب للدفأ وهذا المكان للي أزعجونا بغناهم وطربهم (هداهم الله) وما قصروا طلبنا منهم إغلاقهـ ونفذو الأوامر بس ودي أعرف وشلون يجلسون دقيقة ومكانهم كذا والله يا سبدي تحوم من الشكل المهم نرجع لشمس هذا اليوم أبرك بس لا نحش بهم والقهوهـ تقلب بررررررررررد ملبسينها الشال لا يجيها أبا الوجيه ولا زال العشب مجمد بعضهـ الله يحرم وجيهنا ووجيهكم ووالدينا عن النار يالبي قلبك أبو ابراهيم بالله تصبو هالقهوهـ وزيدوها هيل (حرقان) على طول من الهيل والإفطار على هالحميس والحبحر شر لا بد منه أممممممممممم كلش جاهز إقلطوا والاستمتاع بالصباح الباكر وكلن يدور رزقهـ وش عندك يالأخو تصور المحارم ما أدري تقول بربري أو نعيم والشكل مهجن اللي رزقهـ فوق أو اللي رزقهـ تحت لقطهـ جماعيه كوكتيل غنمايه وفجأة ظهر لنا باقيرا مدري قرنق وش عندكم وشيك على النوايا ولقاها سليمهـ أشوى وحليبه من أمها ويلوح بيدهـ الكريمهـ وضيوف البارح ما تنعطى وجهـ جت ناصيه لنا ودييييييييييييييينه وعناق عقب فرقى من أمس بس قم الله يصلحك ذولا ما وراهم شيء يالله لا تزعلين لقمهـ مشتركهـ هنا مربط الفرس كل هالتدليع نبي هالحليبه منتس ما هوب حباً بتس يالله دري عاد وبسرعهـ الجيكهـ وتمغيط الرجلين عقب هالحليب والفطور للأسف المناظر بكثرهـ هذهـ القذارهـ والوساخهـ اللتي تدل على قلت الوعي لدى البعض بل وتعكس ما في بيوتهم هذهـ الأمور أقول وسعوا صدوركم بس خذو هالمنظر بس والمنظر ذا بعد تجهيز الغداء تششششششششششش الوميه لا زم تدور توها البخار ما قضى كبسهـ كبسسسسسسسسسسسسسسهـ بسم الله وعلى أم قليب أنظف من أم المصران . . . ومن ثم العمياء . . . . . . وبرضوا نظيفهـ وعسى الله يسلمها من العابثين وغروب أخر يوم للكشته يوم الجمعهـ لحظات وداع نودعكم بها خلاص ما قلنا وداع ما بقي كثر اللي راح وفي الختام تقبلوا تحياتي وسامحونا على القصور وإهداء للبراري والتي أرجوا أن لايزول هذا الجمع المبارك في البراري كمثل ذوبان الندى مع على قزاز سيارتي (أصلح خطيب جمعهـ) دمتم بحفظ الله ورعايته جميعاً |
الله يعطيك العافية على هذا الجهد والتقرير المفيد رحلة عليها العلم والصور والأكلات ما فيها كلام ولسان حال الحوار والله يانتم ما تخلّون أحد بحاله https://www.albrari.com/vb/uploaded/5071_31261942502.jpg |
وعليكم السلام ورحمة الله وبركاته ،،،
ماشاء الله تبارك الله ،،، رائعة جديدة من روائع rhaal ،،، تقرير مفصل وشامل وأكثر من رائع ،،، كنت ناسخ صورة أعجبتني في بداية التقرير لكن كل شوي أقول لا هذي أفضل لين احترت ،،، ألف ألف شكر يالغالي على جهودك وبيض الله وجهك ووجيه النشاما الي معك ،،، |
يارباااااااااااااااه طلعة خطييييييييييييييرة فارس عوض على غفلة يازين طلعة البر زينااااااااااااااااااه ما شاء الله تبارك الله يا ....... ما أعرف أقرأ برتغالي بس أكيد إنكم شقردية ، وهالأسبوع إن كتب الله بالصمان وضواحيها |
بيض الله وجهك على هالتقرير الوافي
|
يعطيك ربي عافية اخوي رحال على هالتقرير المميز لفياض ام المصران وما حواليها
|
الله يجزاك خير أخي أبوصالح على هذه الرحلة الرائعة والجميلة
وأشكرك على التبيه والتذيكر بأهمية نظافة المكان ( يدا بيد لحماية البراري ) |
كفو والله اخوي رحال على هذا التقرير وزاده جمالاً تعليق الرائع والصور الجميلة رحلة رائعة وما شاء الله عليكم كلها فنك * فنك جعله بالعافية وين ابو يوسف ما راح معك مسيكين خليتوه لحاله |
ما شاء الله بارك الله،
ما أدري أنا اعلق على جمال الصور والا على طرافة التعليق، الله يوسع صدرك بالعفو والعافية ولا يحرمك الأجر على هالتقرير الرائع. |
| الساعة الآن 01:20 PM |
Powered by vBulletin .
جميع الحقوق محفوظة © لشبكة ومنتديات البراري 2010