|
قصيدة في أهل ثادق والمحمل عموم
لي ديــرة بـيـن الجبــال الـرواســي ::: في وسط نجـد وخيـر ربـي غـمـرها لا قلت وين أهل السيـوف القواسـي:::يــوم انـهـم شــرّ عـلى مــن غــدرها ذاك الزمـان اللـي سبـاعه شـراسـي:::تـلـقى هـل الـمـحـمـل تهوّن خـطرها ولت سنـين الخـوف جـوعٍ قـواسـي::: الطــيـر والـقـمــري بعـالـي نـخـلــها ثـادق هـل التفكـار لـو كـنت نـاسـي:::نـــارٍ إلـى شــبـت بـيـابـس حـطـبـها جــد بـعـد جــد شــديـد الــبـواســـي::: أهـل الكـرم والجــود يـامـن عمـرها الحـيل وأشـبـاب النـجـد والتـبـاسـي::: للضيف والطرقي ومن هو حضرها وأذكـر ديار العـز وإن سـلم راســي::: ذيــك الـقـرى نـومـاس نـعــم باهـلها جعل الوسـم يمـطـر عليها متـواسـي::: يسـيّـل جـبـلهـا مـع مـطامـن حفـرها من خشم أبا الهيال وذيك الـنـواصـي::: وشـرقٍ إلـى رويـغب بـكامل وعرها يـارغـبـة فـيـك الـعــزم والـحمـاسي::: ربـعـي هـل المـرقب بـعـيـد نـظرهـا كــل عــلى بـالـي ومـا نـيـب نـاسـي::: البيـر ومشـاش السعـد هـي فـخـرهـا ياروضة المحمل بك العشـب كـاسي::: وقـت الـربـيـع سـهـولـهـا مـع جـبلها وأفخر وأعيش سنين مرفـوع راسي::: لا جـاب طـاري ذكـرها مـن عبـرها كمــلــت معنــاها بكــــل التمــاســي::: لاهـل الوطـن بـدوانـها مع حضـرها وختـامـها صـلـيـت ياهـلـي ونـاســي:::على النبي كثـر الشجـر مـع حجـرها |
مشكور وما قصرت على هذه القصييييييييييييييييييييييييييييدة --------------تحياتي لك----------------------
|
قصيده جميله اخي الحبووب
والنعم فيك وفي اهل ثادق كلهم مشكووووووور |
مع احترامي لي تحفظ
نحن هنا ننبذ العنصريه ايا كانت قبليه او بلدانيه نحن ابناء المملكة العربية السعودية بكل فخر ونرفع الصوت عاليا لا للفرقه والتفاخر بالماضي تحيتي |
والله والنعم باهل ثادق والمحمل
ومشكووور على القصيده |
مشكووور وما قصرت بيض الله وجهك على هالقصيدة الطيبه وسلامي لثادق وأهلها |
مشكوووور
على القصيده تقبل مروري |
قصيدة جميلة
والله يعز مملكتنا كلها |
والله والنعم باهل ثادق
وفيك اخي العزيز |
اشكر مروركم الكريم الذي عطر صفحتي بالورود والياسمين
لي تعقيب بسيط على الاخ الكريم والعزيز نهام يعلم الله اني لا اقصد بوضوعها في هذا المنتدى الجميل العنصريه والقبليه وانما شي في نفسي بس وكل المملكه والقبائل ومدن المملكه على عيني وعلى راسي مافيه شك واشكرك اخوي على ابلاغي ملاحظتك عشان اقدرر ابرر لك اللي عندي ولا يصير فيه حزازيات |
| الساعة الآن 10:27 PM |
Powered by vBulletin .
جميع الحقوق محفوظة © لشبكة ومنتديات البراري 2010