البرق يبرق شمال تمير = يالله عسى السيل يبراله

سحابه هلت وبان الخير = حقوق المطر بانت افعاله

عسى مطرها يعم سدير = يسقى بلادٍ بها الغرس يعناله

جهزت جيبى وشد السير = شفقٍ على سدير واحواله

وإللى معى ربعٍ لهم تقدير = شرواك يالسامع ماهيب حياله

رجالاٍ لهم هيبه ورجالاٍ مغاوير = أهل الوفاوللحمل شياله

لاصاح صياح الضحى يامناعير = الكل منهم يفتخر فى خواله

وقفت على السد حوالى عصير = وشبيت نارى على جاله

وركيت الدلال الصفر المباهير = وحطيت كل الانواع بشكاله

والعشا مندى بوسط المجامير = عادات شايبنا ونحفظ امثاله

وافرح ليا جونى ضيوفٍ مسايير = واقوم فى واجب الضيف واسعاله

بعض العرب يحسب حساب المخاسير = عساه وشكله سريعاٍ زواله

بالبر تلقى الزهر له نواوير = لو شافه التاجر يرخص بماله

والصبح تسمع غريد الطير = والزهر الاصفر من النسناس مياله

حبيت اعبر عما بداخلى تعبير = تعبير شاعر يعرف البر واحواله

وارجو المعذره ان كان بها تقصير = من نظم القديرى إللى يميل اعقاله

وصلاه ربى عد ماغرد الطير = على بين الدين ونمشى على افعاله

الشاعر على عبدالله القديرى = ابو متعب