|
ابي حل عشان ما اسرع
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته مساكم/صبحكم الله بالخير يا جماعه ابي حل يا جماعه بالنسبه للسرعه الزايده بالسريع خاصه يعني اليوم بالسريع الساعه 11 pm :new3: امشي 220 واحياناً ابرر السرعه اقول - اباصل بسرعه:busted_red: -ادرب الموتر بعض الربع يقولون اذا ما مغطت الموتر يردى عزمه ونشاطه:smi49: -تمل احياناً تبي شيء من الاثاره بالخط:flex: -انا من الناس الي يمخمخون على الرادو وخبركم بالخط انواع الوشيش:564: وابي منكم تقنعونن بكلامكم عشان ما اسرع والله ما ودي بالسرعه:tears: بس الشكوى لله |
وانا اخوك مابالسرعه خير
في التأني السلامه وفي العجلة الندامه |
ياخوي ارفق الدنيا ماهيب طائرة
|
السلام عليكم ورحمة الله وبركاته حياك الله (سفير المذنب) ما خاب من شاور واستشار بارك الله فيك السرعه فى كل ألأمور غير محموده فكثير من أبناء الوطن وفى سن الشباب إما فقدوا حياتهم بسبب السرعه أوعلى السرير ألأبيض بالمستشفيات لا يستطيعوا الحراك بسبب فقدهم السيطره على التحرك من الشلل النصفى او الشلل الكامل أوفى حالة إغماء طويله أو وفاة دماغيه وكل ذلك من تعرضهم لإصابات قويه أثناء الحادث وسببه السرعه المفرطه وتجاوز السرعه المقننه من إدارة المرور. فبسرعة 60 كيلومتر حادثته كأن الأنسان يسقط من علو6أدور,وبسرعة 120 كأنه يسقط من علو عماره12 دورا وهكذا لباقى الحسابات كل 10 كيلو متر سرعه يحسب بدور من عماره إرتفاع 4متر للدور الواحد ولك عبره تقارير المرور عن نسبة الحوادث ونسبة الشباب عاليه 55% والسبب الرئيسى السرعه وكذلك لك عبره ثانيه بأن تقوم بزيارة أقرب مستشفى قسم الحوادث وترى بعينك العبره بغيرك. بارك الله فيك وحفظك من كل شرأنت وكل من تحب تقبل مرورى ولك جزيل الشكر --------------------------------------------- ابو احمد |
اقتباس:
بارك الله فيك يبو حمد يعلم الله ان كلامك اثر علي جزاك الله كل خير |
والله صااااادق
انا يوم الاربعاء ما اعرف امشي برفق ماسك خط وطالع من الرياض رايح للديره امشي بسرعه جنونية حتى يفصل الابنص ابي حل والله [warning]null[/warning] المشكله ما عندي شغل بس ابي اوصل للديره بسرعه عشق الديره ياشين الرياض اسف يا اهل الرياض بس زحمة وازعاج :a_laugh2: والسلام ختام الله يستر على الجميع |
وعليكم السلام ورحمة الله وبركاته
الله يستر عليك اخوي . هل ترضى أن توقع نفسك بالتهلكه؟؟ لا والله ولا واحد يرضى هذا العمل وبعض العلماء ستر الله علينا وعليك يقول انه انتحار لأنك تعرف نتيجه ماسيحصل لو انفجر كفر او سهيت شوي وطلعت على الردميه واختل توازن السياره وووو...الخ من البلاوي. الله يستر عليك وعلى علينا. (الموت ياأخي أهون من أنك ترقد على السرير سنين بشلل رباعي تلبس حفاظ وتنظف وانت مالك حيلة بس تقلب عيونك). |
السلام عليكم هذي اول مشاركه لي والصراحه سجلت عشان افيدكم بمعلومه والرجاء الدعاء لي ولوالدي..
تقدر تركب فاصل يفصل السرعه عند الحد اللي تبيه زي اللي يجي من الوكاله يفصل عند 190 تقريبا لكن لازم يكون مكانه غير معروف عشان ماتفكه ويمكن يفيدونك اهل القصيم عنه . |
والله ياجماعه أكثرنا نسرع والسرعه مافيها خير خصوصاً إذا شاف الواحد حادث بعدها مايتعدى الميه لمدة 10 دقايق بالكثير وبعدها كأنه ماشاف شي ويحط رجله....
لكن أفضل حل أن الواحد يعود نفسه على السرعه المعقوله مثلاً140 وأنا جلست فتره طويله مأتعدى 120 وحسيت بالفرق والراحه مع العلم مافي فرق بالوقت ألأ 15 دقيقه وفيها.... لاهنت على الموضوع المفيد,,,وآسف عالأطاله |
جزاكم الله خير جميعاً على الردود
المقنعه .... بارك الله فيكم |
| الساعة الآن 01:32 AM |
Powered by vBulletin .
جميع الحقوق محفوظة © لشبكة ومنتديات البراري 2010