|
محد ٍ وطابه غير قمري وعصفـور
:70: قصيده من اخوكم الروض عسى ان تنال اعجابكم :32:
المعذره عن التنسيق ماعرفت كيف انسقها لايوجد تنسيق قصيده على الصفحه يازين روض الفرس ياصار ممطور بارض الحماد وناقع الماء صفابـه العشب توه في ثرى الارض مبـذور تـوه علـى قرنيـن نبتـه بدابـه محد ٍ وطابه غير قمري وعصفـور واطيب من البخـور ريـح الندابـه ياحلو مجلاس ٍ بوسطه مـع النـور وشرقة شعاع الشمس يعطي الدفابه تلقى الحطب في داخل الارض موفور جرم ٍ من قياع الشجر فـي ترابـه ومحل نارك بأطرف الروض محفور ونثيلهـا ليـن لـمـن ارتكـابـه وصفت دلال ٍ فوقـه كنهـن حـور وسوات فنجال ٍ على الكيـف جابـه ومن عقبها سووا لنا الشاي مخدور على الجمر خلـوه يصلـي جنابـه يازينها يازلـت الشمـس بحـدور وجانا العصر والظهر قفـى سرابـه وقمنا نتمشى ونتخطى بهاك القـور وبدى لنـا بالجـو يظهـر سحابـه لونهـا فـي كيفنـا كـان مـادور ولاتمشي الشمـس لمحـل الغيابـه سبحانه اللي مظهر ٍ بالسماء نـور هو خالق ٍ هالكـون واللـي ربابـه بأمره تدور الارض والشمس بظهور ويظهر ظلام الليـل ساعـة غيابـه |
ما شاء الله
قصيدة رائعة جدا صح لسانك يالغالي |
صح لسانك يالغالي
............................................ |
الله الله الله وش ذا ماشاء الله تبارك الله
الصراحة كأني اطالع صور من جودة الوصف صح لسانك ياشاعرنا الروض |
وصف جميل
وحقيقه كأنك جالس في الطبيعة ما شاء الله |
صح لسانك يالغالي
مشكور على القصيده الجيده |
مرحبا بكم وبتواجدكم المشرق الذي يعجز اللسان عن التعبير لكم بالشكر
هلا باخي(مخايل البروق) واخي(راع الغرابه)واخي(وحيد111)واخي(الغيث)واخي(معدي المرقاب) فائق التقدير لكم مني |
صح لسانك يالغالي
على القصيدة الجميلة بكل صراحة وأمانه ومشكور يالغالي وننتظر جديدكـ |
صح لسان الشاعر
قصيدة رائعة وجميلة جدا |
مشكور ين على مروركم الجميل(اخواني.............(m5awi Tumair ) ......(سالم)
|
| الساعة الآن 10:25 PM |
Powered by vBulletin .
جميع الحقوق محفوظة © لشبكة ومنتديات البراري 2010