أفضل مكان للكشتة قرب الرياض
 

السلام عليكم ..

الأخوة الكرام القروم .. طلب بسيط آمل أنكم تفيدونني فيه ..
و هو إعطائي مكان ممتاز للمكشات نهاية الأسبوع .. يكون حول الرياض
مع وصف بسيط للوصول إليه ..

الخيارات المتاحة حالياً ..
تمير
التنهاة
.
.

و تقبلوا شكري و تقديري

يا الغالي والله لا تمير ولا التنهاة قريبه للرياض القريب من 60-80 اما من 160-180 ما اظنها قريبه تبي القرب عندك شعيب اسمه الاوسط غرب الرياض والله ياهو بهالجو روعه شعيب وسيع واشجار ويحبه قلبك والمسافه من 60-80 كم والوصف من طريق الرياض المزاحمية يجيك مفرق ديراب اتجه معه وامش لك مسافه 2-5 كم يجيك مفرق يمين قبل محطة البنزين مكتوب عليه حفيرة نساح اتجه معه حتى تجيك النفود قبل النفود ادخل يسار وامش لك ما يقارب 12 كم راح تشوف الشعيب على يدك اليمين وبالتوفيق

طيــب وش رايــك بمنطقة العيينــة
بصراحة منطقة حلـوهـ مرهـ ..
فيهــا شعيــب الحيسيــة ويوجــد فيه طلح كبير جــداً . والبطحى حقتــه نظيفــه بعــد السيــل . آخر مره سال يوم الجمعــة وليلة الســبتـ . الشعيــب كبير . وكل ما سنــدت فيه لقيتــه أفضل وأفضل .
* كثير من أهل الرياض يطلعون فيــه .
العييــنة على طريق صلبوخ وقبل كلية الملك عبدالعزيز الحربية يجيــك الكبري حقها . تبعد عن الرياض حوالي 35 كــم . شمال غرب .

حتى إذا بغيــت استراحات موجودة هناكـ ..
فيها مزارع كبيرة جــداً وقديمة . تجد فيها مظاهر القرية البسيــطة .

ولك تحياتي ..

.:.

أبن نجد .. يعافيك ربي .. ما قصرت المكان بالفعل جميل و قد كشتنا به ..
بالنسبة للقرب .. بس أنا خفت واحد يجي و يعطيني مكان عفيف و إلا القريات ..
إلى 200 كيلو مقبولة

.
.
.
مراسل العيينة .. بارك الله فيك .. معلومات قيمة و جديدة بالنسبة لي ..
بإذن الله نكشت لها يوم


..
أجدد شكري
و بانتظار آراء البقية عن التنهاة و تمير و غيرها