شبكة البراري

شبكة البراري (https://www.albrari.com/vb/index.php)
-   منتدى الموضوعات العامة (https://www.albrari.com/vb/forumdisplay.php?f=28)
-   -   السرسري دعلوووج راســــب ... (https://www.albrari.com/vb/showthread.php?t=1930)

دعلج 2006-07-19 08:24 PM

السرسري دعلوووج راســــب ...
 
مرحباااااا
رؤس الاقلااام :-
1-ساااقط..((نتيجة كل سربوت مثلي))
2-توزيني...((طلب بريئ خوفآ من الطق ))
3-حديقة الفوطة..((اقدم حديقة في منفوحة وبدون شجر))
4-ماما...((امي المتبنية من الجن))
5-قعيفص ...((جني عربجي))
القصـــــــــــة :-
زي كل سنة رحت للمدرسة اباخذ الشهادة ((امحق شهادة سادس وليلي)) وابوي موديني واخلاااقة زفت وموديني يبي يحوس مذهبي ((متاكد مليون اني ساقط)) المهم بكل برائة فتحت بااب السيارة اركض ابجيب شهادتي ((منظر غريب كني بعير يقطع شارع)) لان عمري 23 واركض بالبطيئ وشعر دقني يهفة الهواء ويتلااعب بة )) وادخل وامسك سراء لين ماوصلت المدرس الي يوزع الشهادات ((وقتهاا كنت اهوجس وش ابقول لبوي يشتري لي هدية نجاحي سيكل ولادباب على حجار)) ونسيت الموضوع كلة ويوم وصلت للمدرس قال دعلوووج للاسف انت راسب حبيبي وحتى الفسحة راااسب فيهااا ((وقفت ارتعش وقلم المرسم عقب الاختبارات في مخباتي خطر لو ابناظر نعالي يخطف عيني يعني في المخبات الفوقية)) واجلس من الدوخة وقلت لية لية؟؟ ودموعي تنزل واخااف من ابوي واطل مع طريف الباب ((أي شق يوجد في البااب اذا ماانفتح مرة)) والقاء واحد في المازدا ((ابوي)) تنفسة كنة قطار على بحص ((أي حصاء صغير)) وانطلق باسرع ماعندي وابوي وراي بالمازداا وخذ مطاردات في الحواري ((عاض الثوب ومرتفعة الفنيلة شوي وطالع سري وصروال سنة والي يشوفني يحسبني مركب ليحان ((أي خشب )) عصاقيل الله لايوريكم)) وخذ الفلف بة في الحواري والله واضيعة
واقوووم واتجة لبو ساارة النذل قلت ياخووووك وزني ابوي والعالم بيذبحوني قال هاااا؟؟؟ مدري بس اختي والدة ومرقدينهاا في الملحق ((المشكلة هو وحيد اهلة النذل)) واناا قاعد اسولف واتطلب فية وماادريت الا المازداا جاية على جنبهااا زاحفة وبرطم ابوي ((أي الشفة السفلية)) تحك في الزفلت كنة متبودر ((أي حاط روج))بقار((أي اسفلت)) وانطلقت ثااانية ونفس المنظر ((السر طااالع)) ويطلع ابوي الشوزل ((بندق ترش الرصاص رش تستخدم لصيد القرود الداشرة)) واناا اركض وهو يطلق بالنار والمازدا تمشي طبلونهاا ((لاحد يدقق)) والله وانصى حديقة الفوطة بمنفوحة
((حديقة مابقي فيهاا شجرة كان يلعب فيهاا جدي هو وبزران الحارة)) واتوز واسكت ((جالس ضام سيقاني على صدري مسقط دقني بين ركبي انتفض ودموعي تنزل وكل مسامير شوارع منفوحة في رجليني)) والله ويجي الليل وتضلم العين وانااام بكل برائة
شوي واحس بيد دااااافية حنونة تمسح على راسي وريحة عطر غريبة و فتحت عيوني كني في حلم قلت ماما ((طبعاا كل عمري انادي امي بـ يمة بس عشانهاا قصة ابكمل نقصي)) اهااااااا ضربت على الوتر الحسااس ودمعت عيونهاا ((عجيز عمرهاا 55 سنة لابسة ثوب اخضر فية ورد احمر لافة شيلة ومعهاا ديرمة)) واخمهااا ((كنت ابي أي احد يعطيني وجة وفااقد حناان )) قالت وين اهلك قلت مابيهم قالت اسمع اناا عقيم وماعندي عيال تصير ولدي؟؟وتروح معي للبيت قلت يالله ((مطفوق وابغاء افتك من طق ابوي )) وبالفعل شوي وتسقط بي في الارض ((كني طايح في قليب ))وينسد السقف ونمشي في انفااق رفيعة وعالم خيالي واتلفت بكل هيبة من المناظر الغريبة الي ماعمركم شفتوهاا والقاء اثنين يشولون حصاء على ظهورهم ((اعمال شاقة مربطة سيقانهم بسلاااسل)) كانو في حارتنااا ومهبل صااارو معورين جن وماخذين ارواحهم تحت وتاركين اجسامهم فوق مهبل المهم وامشي ورا((أي خلف)) امي واصواات صيااح وناس زرق ومن فوق مثل الانسان واذا وصلت السر بنشر كنة تفيخة منسمة ويطيرون ونمر جنب واحد شنب ((قعيفص)) وقال وش قضيتة ياخالة ؟؟ قالت كل تبن ولدي ذاا بس راضع من ادمية ((عطاني عين من فوق لتحت عرفت انة نواني)) وادخل بيتهاا وادور اثاث وادور المطبخ والثلااجة وادور مرقد ((أي فراش النوم)) مااش كل شي فاضي وهدؤء مافية الااصووت البشر فوقناا يدابجوون ((كنك في مسبح غايص وتسمع احد يحكي)) المهم واصير بين هاا العالم مخفوف وماسك قميص امي وهي طايرة فوق ((كني بزر في ملااهي معة تفيخة ((أي بالونة)) امحق أم وغديت كني على القمر والعالم تفقد الجاذبية وانا لحالي ثابت على الارض واروح واطلع والقاهم غريبين مايحكوون مع بعض هذا يدخل في جدار وهذا يطلع والي معة عضم يمصمص فية واذا قربت منه قام يطلع زي صوت القرد يصااارخ ويدخل في الارض ((يعني ماينفع يلعبون غميمة)) والله واجوع وتعطيني امي الجنية عضم قالت كل؟؟ قلت وشذاا مابي ابي برجر كنق وتلفخني كف وقالت تراك منتب عند امك كل لاحوسك واقعد اعضعض في ها العضم يوم وتكسرت ضروسي واصيح واطلع والقاء قطاوتهم غريبة وكلاابهم غريبة بدون رجل وبدون يد والرس راس عنز وتجميع الدعووة مليت وقلت ابروح للبيت((على نياتي ))
قالت وشووووووو؟؟؟ ((طلع قرنين في راسهاا))ومسكت خنفرتي وتنشبني في الجدار وقالت اهلك انسهم فااهم واقعد اصيح اصيح ولاكن دوون جدوااا ((يعني مافية امل)) المهم واقعد اسبوع ويبدوون يمونون علي بزرانهم وينغزون في عصاقيلي ويموتوون ضحك ويجي واحد جني صغير بثر ويقبصني مع سااقي ((اناا نسيت انة جني وادير وجة بكف طلعت يدي من عند اذنةالثانية ويصرخ يصيح ((صار اخو قعيفص)) وجاء بددسن بدون كفرات مرتفع عن الارض متر ((مسقطة من التشليح)) معة اثنين واحد كنة فرن دب وقزم والثاني كنة غسلة أم عصار القديمة ويلعنووون خامس خامسي لين ماتفلت العافية ..وادلي اروح تحت بيت اهلي واحط اذني اتسمع عليهم وهم يتقهوون الشاهي وامي تضحك واخواني عندهم ولد عمي يلعبوون واناظر الي حولي اشكاال مقرفة يطيروون والوانهم زرق ومزحهم ثقيل ((مرة ابمزح مع واحد منهم دخل مع اثمي وطلع مع سري)) ومن عقبهاا معد امزح معهم
والله واروح للمهبل الي معورين ويشتغلوون تحت عند الجن واتفق اناا واياهم ننحاش والله وارسم خطة واقنعت قعيفص اني اروح للبيت اجيب لة شريط مرعب ((شيخ يطلع جن)) وقال قداام ويطلعني قبل الفجر بعد غياب سنة كاملة عن اهلي واقووم امشي على رجليني واسمعة تحت رجليني با الددسن يضرب بواري واقوم وانطلق بسرعة منحاش ونفس الشي السر طالع وقعيفص تحت الارض اسمع القير على الثاني والفلف بة لين ماوازيت ماصورة كهرب واوخر عنهااا وصمخ فيهاااا في الصبة القاعدة حقتهاا ((شفت اللمبة اهتزت)) وماات قعيفص والمهبل طارو من صندوق السيارة وافتح التفتيشة حقت اللمبة واطلعهم ونرجع لحااارتنا الي لي سنة عنهاا والاثنين الي معي من 14 سنة ماشافو اهلهم والحمدلله الكل قعد عند امة الصدقية..

1-امي الجنية من يومهااا تدقق علي بياجر وتحط 999 ومطنشهااا..

ملاااحظــــــة :- يجب على الانسان المكافحة والاجتهااد حتى يحضى با النجااح والاهمال ممكن يخليك تشتغل سواق تحت الارض....

ادلووووووو بقدوركم...

الاسطوره 2006-07-20 08:05 AM

بسم الله الرحمن الرحيم
الله ياقصتك ذي تخوف مرررره
يعطيك العافيه

عبدالهادي المفرج التميمي 2006-07-20 08:42 AM

واخوي دعلج من اولها كذااااااااااااااااااا

الله يعننا على اخرتها

خخخخخخخخخخخخخخخ

ترى قلوبنا رهيفة ولا تتحمل هذا كله

مشكووووووووووووووووور





سلام

كحيلاااان 2006-07-20 02:17 PM

ههههههههههههههههههااااااي ههههههههههههههههههههههههه ههههههههههههههههههههههااااااي دعلوووجوووووه مع اني قاريه موضوعك للمره الثانيه والله العالم انها المررررره العاااشره بعد الا ان بكل مرررره اقراه كانه اول مرره تشووفه عيوووني

اسلووووبك هزلي مضضحك روووووووعه وكلماتك تعجبني جددااااا فيها كلمات تراثيه ررهيبه..
<======ماصدقت يوم شافت اسمك معنا بالبرااااااااااري
يااااااااخي والللله انك زززززين <======اشد انواااااع المدح

دعلج <===كاتب وعيار قادم بسرعه حجه تبي تلقط قوطي ببسي بالشارع العام

صياد الضبي 2006-07-22 01:59 PM

وين طلعت لنا يا دعلج منه

انت من كوكب غير الارض

قسم بالله ضحكت لين يغيت اموت

النايفات 2006-07-22 05:15 PM





كم أتمنى أن تتسع صفحات منتدياتنا لقلمك
وما يحمله من عبير مشاعرك ومواضيعك
وآرائك الشخصية

دمت لنا سالما



النايف

الغربي 2006-07-23 11:01 AM

مشكوووووووووووووووووووووووووور


لاهنت يالغاااااااااااااااااااالي

طير السعادة 2006-07-23 04:49 PM

خخخخخخخخخخخخخخخخخخخخخخخ

خخخخخخخخخخخخخ

خخخخخخخخخخخ

جعله يرسب ولا عادج ينجح ابد

شكرا ياغالي


مبدع 2006-07-23 09:32 PM

ههههههههههههههههههههههههههه
الله ياهي قصه
مشكور

معدي المرقاب 2006-07-25 01:11 PM

مشكوووووووووووووووووووووووووور


لاهنت يالغاااااااااااااااااااالي


الساعة الآن 10:18 PM

Powered by vBulletin .
جميع الحقوق محفوظة © لشبكة ومنتديات البراري 2010