متوهــق مـع GPSmap 276C
 

السلام عليكم ورحمة الله وبركاته ..
مساكم الله بالخير \ للي عنده مساء
صبحكم الله بالخير \ للي عنده صباح

كيف حالكم ان شاء الله طيبين ومرتاحين ..
منيب مطول بالهذره ..

الزبده طالت اعماركم .. عندي جهاز GPSmap 276C عربي ... ابتلشت فيه .. ما قدرت ادخل فيه خريطه ولا قدرت اطلع منه خريطه ..
مع العلم اني جربت برنامج MapSource وجربت برنامج mapupload .. بس ما فيه إي نتيجه .. ما ادري السبب مني ولا من الجهاز ولا من الخرايط مع العلم ان عندي مليون خريطه كلها من الانترنت ولا وحده قدرت ادخلها ...

والمشكله ان برنامج mapupload يقول لي انه تم تحميل الخريطة .. واروح للجارمن اشوف .. ما القى شي .. كاني ما سويت شي https://www.mekshat.com/vb/images/smilies/frown.gif

وتراني اشبكه عن طريق الـ USP ..

ملاحظه - الجهاز اللي معي كان فيه خريطة ( دار موجه ) وخذه مني واحد من اخوياي وشبكه على الكمبيوتر عشان يبي يدخل فيه خريطه .. وراحت خريطة دار موجه .. [ تعتقدون الذاكرة احترقت ؟] لأن واحد من الشباب يقول لي ان ذاكرة جهازك محترقه .. وانا مدري عنها ..

آخر كلامي معليش طولت عليكم .. واذا فيه احد ما فهم علي يقول لي افهمه .. ويا ليت يالربع تشوفون لي صرفه في جهازي .. وجزاكم الله الجنه ووالديكم .. سلام عليكم

وعليكم السلام ورحمة الله وبركاته

وأهلاً وسهلاً بك أخوي ههّا بس معنا على شبكة البراري

وين موقعك أخوي إن كانك حول تمير أو تعرف أحد من أهل تمير تقدر تعطيه الجهاز وهو يوصله لي وأنا أحاول حل مشكلته

لكن كحل مؤقت جرب وأنت على الخريطه تضغط (قائمه) وتنزل إلى أخر أختيار (بيانات الشريحه) على ما أعتقد

شف هو يطلع لك أن هناك بجهازك خرائط أو لا

أن أنتظر الرد

اخي الكريم

حمل هذا الملف وفك الضغط عن الملف
https://cgpsmapper.com/download/sendmap20.zip

بداخل المجلد ابحث عن sendmap20.exe

قم بتشغيله واشبك الجارمن والكارد بداخله وعند تعرف البرنامج على الجارمن اختار

Erase maps in GPS

بعد ذلك اخرج من البرنامج وافصل الجارمن وشغل الماب سورس والمفروض ان يكون لديك خرائط الشرق الاوسط مثبتة
اشبك الجارمن من جديد وقم بتحديد الخرائط وبعد ذلك قم بعملية ارسال الى الجارمن وسوف يعمل ان شاء الله

اخوك

هلا بك اكثر يا بعدي .. المهلي ما يولي لا عدمتك .. والله منيب قريب من تمير بالحيل .. المهم يا يبوي .. اذا ضغطت قائمة ( مره وحده ) وانا في الخريطه .. يطلع لي اختيارات .. آخر واحد هو (معلومات بطاقة البيانات) .. بس للأسف .. طالعه لي باللون الرمادي .. يعني ما اقدر ادخل عليها .. ومره من المرات طلعت لي ودخلت عليها .. فتحت لي صفحه فاضيه .. وبعدها طفى الجهاز لحاله .. انا اعتقد .. وانتم ابخص .. ان الذاكره الداخليه محترقه .. على كلام واحد من الشباب له في الجارمن والشغلات هذي .. وجزاك الله ألف خير وجعل والديك الجنه ومن يشوف ..

هلا والله حبيب قلبي .. والله ماش جربت طريقتك بس ما فيه فايده .. تطلع لي رسالتين من برنامج الماب سورس .. وحده تطلع دايم ووحده تطلع أول ما اسوي ارسال .. الرساله اللي تطلع بأول شي هذي

the gps is unable to program the requested memory region this could be due to occur,please contact garmin technical support

والرساله الثانيه اللي تطلع دايم

the required memory for storing maps is missing from your gps. if your GPS uses a programmable data card, check to make sure it is inserted properlt

وجزاك الله خيرر والله يرضى عليك ..

اخي الكريم

الرسائل التي ذكرتها تفيد بعدم وجود كارد مدخل بالجهاز والاحتمالات كثيرة في هذه الحالة واسهلها تجربة كارد جديد وان شاء الله ان المشكلة محصورة في الكارد وليس الجهاز لان وجود المشكلة في الجهاز امر غير جيد حيث يتطلب تغيير اللوحة الام.

اخوك