تأثير البرق على الجوال ............
السلام عليكم ورحمة الله وبركاته
الحمد لله رب العالمين والصلاة والسلام على رسول الله في إحدى الموضوعات التي صرحاها أخونا نقا هشال جزاه الله خير في منتدى الطقس سألت سؤال هل للجوال تأثير من البرق ؟ أخوي القصيم الرس وضحوي جزاهم الله خير جاوبوني لكن أخوي القصيم الرس قالي أنو في الجوالات الجديدة يمديك تفصل الجوال عن الشبكة لكي تصور بإذن الله تعالى بدون خطورة أنا عندي جوال N70 كبف بتم فصل الجوال عن الشبكة لكي أصور لكم بعض الصور أن شاء الله تعالى إذا جاء مطر |
هلا ابو خالد
حسب معلوماتي التقنيه ان كل الاجهزة اللاسلكية خطيره جدا اثناء الصواعق والبروق لكن لو تم اغلاق الجوال اقصد الشبكه اكيد صار كاميرا بس وما صار جهاز لاسلكي امنياتي لك وللجميع بالصحة والعافيه |
جزاك الله خير يا نهام
لكن المشكلة ماني عارف كيف أفصل الجوال عن الشبكة |
هلا
السلام عليك ورحمته وبركاته القصيم الرس معك على طول يالذيب كيف تفصل الجوال طريقه سهله جداَ جداً وهي أضغط على الزر اللذي منه تقفل الجوال ولكن لا تطول بس ظغطه وحده وبعدها يجيك الأوضاع (عام-صامت -في الخارج-أجتماع) المهم تلقى أخر شيء يعني أخر خيار شف وش مكتوب وعلمني أهم شيء أختر أخر واحد همن يظبط معك وإذا ظغطته أتصل على جوالك وشف يعطيك يعطيك الجوال مقفل والحمد لله وإذا أردت تعيد الجوال إلا وضعه الطبيعي أتبع نفس الخطوات ثمن يرجع وشكراً |
والحل أكيد
ومجرب وبدون مشاكل وإذا منت مقتنع أقفل الجوال وأخرج الشريحه ثم أعد تشغيل الجهاز لكن بدون شريحه وسوف يشتغل معك علماً بأنها نفس الخطوه الأولى لكن الأولى أسهل وتعطيك نفس النتيجه |
أخوي نهام جزاك الله خير على المرور الطيب مشاء الله تبارك الله
أخوي القصيم الرس جزاك الله خير على المرور الطيب مشاء الله تبارك الله ولقد جربت الطريقة الأولى وظبطت معي |
في خدمتك
يأبو خالد وحياك الله وإذا تبي شيء ترى تحت الخدمه |
جزاكم الله كل خير على هذه المعلومات المفيدة والله يكافينا واياكم الشر
ابوخالد &نهام&القصيم الرس بارك الله فيكم |
جزاك الله خير أخوي أبو محمد (( الصلبوخي ))
بارك الله فيك شكرا على المرور أخوي القصيم الرس سلمك الله من كل مكروه |
معلومات جميله القصيم الرس
ونهام الله يعطيكم العافيه |
الساعة الآن 02:24 AM |
Powered by vBulletin .
جميع الحقوق محفوظة © لشبكة ومنتديات البراري 2010