جعل المزون اللي علينا محادير
 

يالله يالوالي عليك التدابير = يالرازق الخلاق وأمرك مطاعي

بامرك وتيسيرك تسير المقادير = ومن خالف أمرك ما بها شك ضاعي

جعل المزون اللي علينا محادير = يسيل من همالها كل قاعي

والروض يسقي الروض من وابل الخير = عند الولي لا من ضاقت وساعي

حتى العشوب تزوف والأرض تخضير = لا شافها قلب به احساس تاعي

الخير مقبل فالليال المناحير = الوسم طاح وباذر العشب فاعي

يازين شوف السيل عقب المعاصير = عقب الدهور تزين كل المراعي

حتى عطايا الله بكار ومعاشير = لا من ضواها الليل تمسي شباعي

والبدو ما يشرون برسيم وشعير = ما عادله في برحة السوق داعي

وكل يقول الحمد لله انا بخير = ما به خسارة غير مصروف راعي

ويخيمو الناس وقت المضاهير = كل على المطلاع صابه ولاعي

وتشوف لا شرفت فالعالي عصير = بيت الشعر وتشوف كمن شراعي

وفالبيت قرم لا لفوه المسايير = يذبح من خيار الذبايح رباعي

وحليب خلفات هجال ومصاغير = ودله مسويها طويل الذراعي

فلة حجاج مع رجال مناعير = وسوالف يصغالها بالسماعي

تبعد عن القلب الحزين التفاكير = ويرقد مهوب يسامر الليل واعي

حب البداوه وسط قلبي وانا صغير = الله خلقني فالحياة اجتماعي


الشاعر : شافي بن مطلق آل شطيط

صح لسانك ولسان الشااااااااااااااعر

شافي

صح لسانك ولسان الشاعر ..

مشكور أخوي اتيكا على القصيدة الرائعة ..

الله المستعان .. دمعت عيني وانا اقرا القصيدة .. وصف خيالي ...

حتى عطايا الله بكار ومعاشير = لا من ضواها الليل تمسي شباعي

عسى الله يرحمنا برحمته يارب

صح لسان الشاعر وتسلم على اختيااااارك

مشكووووووووووور




سلام

صح لسان وصح لسان الشاعر

ماشاء الله

اختيار موفق يابو مشعل

صح لسانك ولسان الشاعر

ما شاء الله اتيكا شاعر

تسلم

اختيار موفق جدا


قصيده جميله وفي منتهى الروعه


صح لسانك ولسان شاعرها


مشكوور

__________________________________________________ __

يعطيك الف عافيه اخي اتيكا

اختيار رائع

وصح لسان الشاعر