شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   هـمٍّ بقلــبي لو قسمتــه عــلـى الـناس..كلمات سحاب شقراء..اداء وميض الصاعقة (https://www.albrari.com/vb/showthread.php?t=79616)

وميض الصاعقة 2013-03-10 01:44 AM

هـمٍّ بقلــبي لو قسمتــه عــلـى الـناس..كلمات سحاب شقراء..اداء وميض الصاعقة
 
بسم الله الرحمن الرحيم


هـمٍّ بقلــبي لو قسمتــه عــلـى الـناس
تسمــع جمـيــع الناس مـنـّه يصيحون
لابـاس ما صـابــك مــن الهـــم لا باس
و اصبر كما يصبر على الحبس مسجون
الخلــق ضايـق و الحشا صايــرٍ كاس
يجمع مرار الوقت ويسقيني بالهــون
يا الله يا منــزل من الحــق نــبـــراس
تضوي بها دروبٍ بها الناس يمشون
يا خالقٍ هالـكـــون كـلــه على ساس
يا منفــذٍ امــرك من الــكاف لـلنــون
ترحم سحاب اللي من الضيق محـتاس
ودمــوع عيـنــه من سببها يهلــون
حاولــت أخـفّـي زايد الضيـم والباس
بين الضلــوع و خايف الناس يدرون
بس الحمل أثقل من طـويـق بقـياس
والهــم حملــه مثـقــل الـلي يحملون
و انشد عن هموم الدهـر صاحيـن داس
ينبيك بسهــوم الدهـر كيـف يسطـون
والجرح و ان صابك من الناس لا باس
سيف البعيد لو هو سطا غير مسنون
بس البــلا ثـم الجــلا وزهق الانفاس
لا خانــك الــي تحبــه حــب بجـنـون


من ادائي وهندستي
https://www.4shared.com/mp3/BQTyDoD0/___.html?

أبو منير السبيعي 2013-03-10 12:25 PM

يعطيك العافية على روعة الكلمات الجميلة

غانم الضومري 2013-03-10 06:53 PM

تسلم / وميض الصاعقه .. على الأداء الرائع لكلمات شاعرنا / سحاب شقرا

على كذا لازم ترضي شعراء البراري الذين يرغبون في أداء كلماتهم .!

تسلم ما قصرت ... صح الكلمة والصوت ..

تحيتي

رذاذ 2013-03-10 08:45 PM

ماشاءالله تبارك الرحمـــن

كلمات جميله جداً وصوت وآداء رآئـــع

كذلك هندسه صوتيــه ممتازه ...

حفظك الله أخينا وميض الصاعقه وزادك الله رفعةً ومكانا ...

اللهم آميـــن

تقبــل مروري المتواضع على هذه التحفه الرآئعه


رذاذ

محمد المقاطي 2013-03-10 11:08 PM

جميلة ، كلمات ، وأداء
صح لسان الشاعر ، ولاهان المنشد
إبداع من الطرفين
بيض الله وجيهكم
ولاهنت حبيبنا وميض الصاعقة
تحيتي

وميض الصاعقة 2013-03-11 12:15 AM

كلماتكم وقودي الحقيقي للابداع
شعراء البراري مبدعون ونحن مؤدون فقط
شكرا من الأعماق

فهد الجهني 2013-03-11 04:07 AM

اداء رائع و كلمات جميله

تسلم اخوي وميض الصاعقة

تحياتي

نزيه الحيزان 2013-03-11 10:17 PM

بوركت المساعي وسلمت الأيادي أخي الحبيب
وميض
عمل رائع ومُتقن
بارك الله فيك

ودي ومحبتي

السلطان العاشر 2013-03-12 09:43 AM

تسلم أخوي الغالي على هذا الأداءالرائع
صح لسان القائل وصح المنشد
وبالتوفيق أيها المبدع

سحاب شقراء 2013-03-12 06:04 PM

لا لا لا هذي يبيلها حبه على الراس جودني راسك ياجعل يومي قبل يومك وهذي حبه عليه وعلى خشمك بعد حبه

ماشاء الله تبارك الرحمن الرحيم انت تدري ياوميض اني من زود فرحتي مسكت راسي وصحت شوي

الله لا يضرك ياجعل السعاده تغمر قلبك وجعل الصحه والعافيه لباسك وياجل الهم ما يعرف دروبك

وياجعل الي خلفك بالفردوس الاعلى من الجنه ونت ونا والمسلمين اجمعين

بقا وحده ياجعلك للرزق الي ما يعد ولا يحصا تدري ليش علشان اتدين منك ونحاش هههههههههه حبيت ارسم البسمه على وجهك الطاهر

وخذها مني الي يعجبك من قصيدي تراه ملكك ولك كامل الحريه انكان ودك تنشد لنا ثانيه مهيب شينه ههههههههه

ابا اقولك الي يعجبك تراه حلالك ولوه ينقص بعض الابيات الوزن ونكان ودك اوزنه انت يعني عدل المايل

تصدق ياوميض الغالي ان كني سبحان ربي عدد كل شي والله العظيم كني اعرفك من 50 سنه وهذا محبه في الله وربي شهيد على ذالك

سلامه قلبك وروحك وصوتن عذبه اسيوره

وسلامه عمرك الغالي عسا الرحمه تجي نوره

اشوف البرق وسرابي وميض البرق ببحوره

وقام الــقاف يلعبي عجـــزت اجزيك مستوره

ولاكــن اقبل الابيات سيلن تمخــــر اشبوره

ولاشفتا السمين انحــر وخل الهــزله بثـوره

وميضك مثل مزنن لاح بجردا وتحيا ممطوره

بمــر منهــو خلق ادم بيديه ونافخ بـــزوره

سحاب شقراء

تصدق اني من يوم سمعت النشيد ونا اكتب لك هذي المشاعر الصادقه الي طالعه من كل قلب اخوك سحاب وربي يشهد وتراها من بالي للمنتدى ادري انها مهيب قد المقام بس لا تدقق ههههههههههه


الساعة الآن 04:47 AM

Powered by vBulletin .
جميع الحقوق محفوظة © لشبكة ومنتديات البراري 2010