مادرى حيٍّ ولاحيٍّ بداري ,,, يدري اللي عز مكه والمدينه
بسم الله الرحمن الرحيم هذه قصيده للشاعر: عبدالله بن شايق اتمنى ان تنال استحسانكم ياعيوني فيك للعبره مواري عزتي للمشتحن من دمع عينه تسعة أشهر جاريه والدمع جاري ما بقا ياعين شـيٍّ تذخرينه ما درا حيٍّ ولا حيٍّ بداري يدري اللي عز مكه والمدينه يالله اشرح خاطري عقب الطواري و ارحم اللي دايماً نفسه حزينه مايبي منصب ولا سوقٍ تجاري يطلب انك ترحمه وانك تعينه قاله اللي ما دخل جوٍّ حضاري تاركٍ القصر للي مهتوينه ما يبي غير الصحاري و البراري و النفود اللي بها للصيد عِينه في نفودٍ قفر ونقص الاثاري فوق جيبٍ لا درج مثل السفينه خبّةٍ فيها الارانب و الحباري عيشتي من دونها غبن وغبينه و رملةٍ في صيهد ماهي ذواري و الغضا من عصر فيها حاطبينه و الدلال الصفر مع بيض الغواري نجرها في جنبها تسمع دنينه و اخوياي اثنين والثالث امباري و هادي السايق عسا تسلم يمينه يا حياة الشين يا دنيا العزاري ليت وقتٍ فات لي ترجع سنينه اتركوني في الخلا حدب وصحاري و الله اني قابلٍ زينه وشينه وسلامتكم |
|
برق العارض إختيار رائع لقصيدة رائعة لشاعر جزل تحيتي |
آلله آلله قصيده جداً رآئعه صح لسآن شاعرهآ وسلمت آلف برق العارض على آلآنتقآء وآلطرح آلجميلْ لآعدمنآكْ يآآرب ، موودتي - |
تستاهل العليا
|
صح ذوووووقك يالغااالي
وصح الله لسان بن شاااايق ابيااات قمه لاهنت |
صح لسان شاعرها وتسلم يمنى ناقلها
ننتظر المزيد |
تسلم اخوي برق العاااارض على هذه القصيده الأكثر من رائعه لأبو شنب (بن شايق) وصح لسان ناقلها ولسان قايلها وتقبل مروري ابو ناصر الشريف |
اقتباس:
بارك الله فيك اختي غزاله كلك ذوق , شرفني مرورك العطر , يعطيك العافيه يالله وانا طالبك من رايحٍ تالي برقٍ على محمل العارض يخيلونه |
اقتباس:
يالله وانا طالبك من رايحٍ تالي برقٍ على محمل العارض يخيلونه |
الساعة الآن 04:42 PM |
Powered by vBulletin .
جميع الحقوق محفوظة © لشبكة ومنتديات البراري 2010