|
ياهل (البراري )الـف شـكروتـحيـــة
ياهل (البراري )الـف شـكروتـحيـــة ياهل (البراري )الـف شـكروتـحيـــة === ياللي ترى صـوت المـطـر من طـربها للطـــقـس ناس وللشــــعر والـبـقيـــة === كل تخــصـص في عــلـوم وكــتـبها يسـتاهـلـون المــدح هـم بالســويــــة === عــلومـهـم تنـشر ولا احــدٍ حـجـبها تلـقى به عــلـــوم جــديـدة وحــيــــة === مـتـنـوعـيــن ســعـد مـنهــو سبــبها وعــلومـهـم تهـدى علــينـا هــديــــة === مـاهــمـهــم جــمـع الـريال وذهـــبها الله يــجــزاهــم بـخــير الجــزيـــــة === جــنات عــدن حــظ مــنـهـو طـلـــبـها والله يـســـعـــدكــم بـدار هـنـــيــــة === ويغيـثـكم في سـهـولـهـا وفي عــقـبها اقول قولي واعتـذر من الخطـيــــة === كـل بـيـخـطـي عــاش مـن لاحــسبـها صلوا على المختار خـير البريــــة === شـفـاعـــة مـحمـد هنـي مـن كـسـبـها الركـام |
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية . صح لسانك |
صح لسانك أخي الفاضل الركام وبارك الله فيك وإليك الرد حي الجواب اللي بيوته عذيه من واحدن زين المعاني كتبها اهلا هلا بك عد رشق برديه من مزنتن تنثر حوايا جعبها طيبك يرد بزهرتن نرجسيه وتحيتك تبقى لقرمن كسبها قلت البراري تذكر الشوشليه واقسامه اللي كل زاير رغبها ربعن لهم في مهجة القلب فيه يرتاح بالن عقب قوقل قربها احسهم كيفن كما الشاذليه ومذاقهم مثل الحلو من عنبها القاف فيهم لو وصل خمس ميه ما يدرك كنوزن عميقه غببها اليا مشوا للبر والشمس حيه رحالتن شالوا كمايل عزبها ما خلوا ديارن بعيدن مديه من عرعر لحايل لميسان لابها يا ليتنا واهل البراري سويه في عزلتن ما كل دايج ضربها بين الجبل والسهلة الجرهديه نشب نارن ما تقاصر لهبها مكرعنين الحيل بارضن خليه الضان شحمن في لحمها غلبها هبرن بقاع القدر وهبرن شويه واحدن جلب للربع يابس حطبها نفسن مع زحول الخلا واهنيه وعرف الشكاله من فعايل عربها هذا تمام القاف واختام طيه والشكر للي صار مبدا سببها ( أبو عبد الله ) |
ليتني داري كان راايح الباحة من زمااااااان
صح لسانك اخوووي الركام واخوي ابو عبدالله والله انكم اجزلتم في الشعر والبراري لكم انتم فأنتم أهلها وانتم من يرتقي بها للعلالي مشكوووووووورين وجزااااااكم الله خير سلام |
بيض الله وجيهكم ياشعارنا
عز الله انكم ماقصرتو مساجله رائعه جدا |
الله الله صحت السنتكم ياشعارنا والبراري وادارتها واهلها يستاهلون كل خير الله لايهينكم وبيض الله وجيهكم |
اقتباس:
صح بدنك وشكرا لك على المرور |
صح السانك يا الركام بارك الله فيك
|
قواكم الله اخواني الركام وابوعبدالله
والجزل ما يقول الا الجزل تحيتي لكم |
صح لسانك يابوعبدالله وفيت وكفيت ولاقصرت |
| الساعة الآن 06:20 PM |
Powered by vBulletin .
جميع الحقوق محفوظة © لشبكة ومنتديات البراري 2010