|
ناس ٍ بها الدنيا سعيده بالأفراح
ناس ٍ بها الدنيا سعيده بالأفراح وناس ٍ شقيه تشتكي من تعبها وناس ٍ تحده للقصى وين ما راح وناسٍ تجيله طايعه ما حسبــها وناس ٍ بتالي الليل ترقد وترتاح وناس ٍ من همومه تزايد لهبــها وناس ٍ تشوفه مبتسم دوم مزاح همه على روحه خطير ٍ عطبها وناس ٍ زمانه ما صفاله ولا رتاح جمع حباله في يديه وكربــها وناسٍ ٍ تذوق الماء مبرد ومرتاح وناس ظماها بيّن ٍ من تعبها وناس ٍ لها مال ٍ كثير ٍ ولا نزاح وناس فقيره لقمته ما كتسبها وناس ٍ زمانه صوبه بحد الأرماح من شدّ همه دمعـته ما سكبها وناس ٍ تضارب سهمها حدّ الأرباح وناس ٍ تناجي ربها من غلبها وناس لها برق السعد والهنا لاح وناس ضلوعه نار همه حطبها وناس قضى وقته وحيد ولا ساح وناس يفوز ابكر لو ماخطبها وناس جنت من زود الافراح تفاح وناس تصيح اليوم زايد صخبها وناس كثيره مايعرفون الاتراح وناس كثيره غاب عنها طربها وناس ليامنه بغى حاجة طاح وناس قطف مرتاح راقد عنبها وناس زناده طول الايام قداح وناس حسيره ماجنت من رطبها وناس لها من حظها فك تمساح وناس ماحصل حاجته لو رغبها وناس لها سعدين مسرى ومسراح وناس سهارى دوم ماأرمش هدبها وناس قراح شربها ماهو أملاح وناس تجرع للهماج وشربها وناس هنيه دمعها مابعد ساح وناس حزينه تشتكي من سببها |
صح لسانك ياعبدالمحسن
ابيات جميلة معبرة وهذا حال الدنيا |
ناسٍ وناس
صح لسانك عبدالمحسن وعلا شأنك كل التحايا |
| الساعة الآن 05:16 PM |
Powered by vBulletin .
جميع الحقوق محفوظة © لشبكة ومنتديات البراري 2010