|
لحيمة حويشي في الطويجن المغربي يخلي البطين مبسوطي
السلام عليكم ~ مساء الخير ~ أخواني ~ أخواتي ~ هذي غدوتنا يوم أمس الإربعاء في شعيب الأوسط جنوب مدينة المزاحمية الغدوة خفيفة ولذية وسهلة التحضير _ نبدأ بالمقادير 2 كيلو لحمة حاشي خضار مشكلة + بهورات + ملح + معجون طماطم + بصل + فلفل أحمر وليمون ,, وأهم شي بالنسبة لي في المقادير الفخار أو \ الطاجن المغربي \ الطبخة فيه تصير عاااااااااال العال - الطاجن أشتريتة من المغرب الحبيب بـ 100 درهم قبل كم شهر وآخر مرة صلحت فيه . في جبال يوريكا بمراكش والآن المرة الثانية له ولكن في جبال المزاحمية . والله يحييكم على مائدتنا المتواضعة - - بداية - تحضير المكان لشبة النار - وقبل كل شئ لابد من تعديل المزاج بفنجال قهوة وبيالة شاهي وهذا هو الطاجن المغربي - وعلى فكرة فيه محل على طريق الشفاء العام لمن أراد أن يشتريه وفيه مقاسات كبير - وسط - وصغير . اويوصي حبيبنا الأطلسي شكلة ناوي على سفرة للمغرب الحبيب :new12: نبدأ بالمقادير لحمة حويشي صغير نحمس البصل مع شحمة الحاشي مع معجون الطماط والبهورات وبعد ذلك نصف اللحم ومن ثم الخضار ونرش البهورات والملح وإذا شفناه بدأ يطلع دخان وتطلع الريحة الزكية نغطه ونخليه لمدة ساعة - يتبع الله يرضالي عليكم - - - |
بعد مرورنصف ساعة ماصبرت فتحته وهذي هي النتيجة غطيته وخليت اللقافه والحرصة الزايدة ورديناها في تصوير الشعيب الله يرزقة السيل الطيب نضيع وقت بقي نصف ساعة على الأستواء الناقل الرسمي للطلعة ..... سفاري إيرلاين - الله يبارك لراعيه وهذا بعد مرور ساعة ترتيب السفرة المتواضعة سمو الله يحييكم على قل الكلافة الجوع كافر - - - - وفي الختام - - إن شاء الله يكون التقرير المبسط عجبكم وأن يكون لذيذ وخفيف على المعدة أخواني الكشاتة خلوا هذه العبارة قدام عيونكم في كل طلة برية مع - - - الـ سلامـة |
هلاوالله بالحبيب ايه هين علينا الوعدقدام ماشاء الله كل الشغل هذا وامغبي علينا والله ياهي طبخه بالرأس وناوي تورطنا مع الاعضاء اذا ابجيب كل واحد منهم له قدر الا انت وبعدين خلاص مااسافر الامعك صراحه لوحطيت قرصان على القدر بتشوف طعم غير وبعد اذن مشرفتنا اميره خمسين نجمه يالغلا وتستاهل يخلفهم |
اقتباس:
هلابك يالغالي منور الله يحفظك أجل شقيت بك - بتروح السفرة كلها طاجن في طاجن وبعدين لي الشرف أن تكون السفرة معي هذا مايسعدني مشكور الله يخليك - أما القرصان مايزبط يبوعبدالرحمن لأنه المريقة خويثرة والقرصان تبي مرقة تخمر مزبوط ولكن مايمنع المرات الجاية نحط ماء وناخذ حساب القريصات ولاهنت يالحبيب - - - - |
|
ماشاء الله تبارك الله
اي هذا الطاجن الاصلي لا ومزينها باليمون عاد بيصير دمار هني وعافية ع قلوبكم والله يعطيك العافيه اخي الفاضل |
ماشاءالله تبارك الله تسلم الايادي شغل عدل ومرتب عليكم بالعافيه الله يبارك فيك ويعطيك العافيه تقبل مروري |
وش هالزين وش هالابداع بالعافيه ع قلوبكم طبخه خطيرررررره بالطاجن المغربي صراحة اول مره اشوفه تسلم الايادي خالص شكري وتقديري دمت بصحة وعافية |
تسلم أخوي MOHAMMED.. على الطبخ السنع والأعمال الفريده من نوعها في هذا الطاجن المغربي طاجن خطيييييييير الله يحفظه بالعاااااافيه تحياتي |
تسلم الايادي ما شاء الله شغل مرتب وبالعافية عليكم
ومشكور على الصور الجميلة وتقبل تحياااتي ومروري |
| الساعة الآن 10:41 AM |
Powered by vBulletin .
جميع الحقوق محفوظة © لشبكة ومنتديات البراري 2010