|
●●[الهرفي المحمر والمقمر بالقصدير لإخواني في البراري من اخوكم الاطلسي]●●
بسم الله الرحمن الرحيم السلام عليكم ورحمة الله وبركاته صباحكم / مسائكم هرفي محمر بالقصدير على حطب القرض بداية كل الشكر لكم اخواني واخواتي اعضاء هذا المنتدى وشكر لكل عضو له دور في إبراز مواضيع أخوكم ، الاطلسي مع العلم هذهـ آخر طبخه وداعيه في هذه الخيمه وحتى اشعار آخر وايضا ترك الفرصه لإبداع الاخوهـ المتميزين لكي يثروا هذهـ الخيمه اسمحولي اطلت عليكم ندخل في صلب الموضوع كشته بمناسبة حضور اعزاء على قلبي الاسبوع الماضي وقلنا بالهرفي عساه يجملنا بدايه مريت استراحه واحد من الشباب وإذكروا الله الله لايهينكم قولوا ماشاء الله ( تكفون ) وقلت هذا ؟ لالا هذا الا هذا :new12: يالله جيبوهـ يطالعني بنظره بسم الله ,, ماشاء الله وش رايكم بالهرفي ,, 5 شهر توي ادري اني سفاااح >> حرام عليك يا أبو عبدالرحمن والله مايستاهل https://www.albrari.com/vb/images/smilies/frown.gif بس الربع غالين قطعته وحطيته بالقدر وشلته معي بالبر وهذا مكاننا شبة النار والشباب مبسوطين وهذا حطب القرض الله لايخلينا البريق يفوح ,, والدلال تنتظر والقهوه بالطاحونه وفارت المهيله بعد ماعينا من الله خير سعينا بالعشاء .. وقطعنا البصل واضفنا الماء والبهارات حطيناه على النار بدا يغلي ,, واضفنا الملح وبعض البهارات الاضافيه فحص اولي بعد ذلك عزلنا اللحم على جنب حتى يتجمر الحطب ثم اضفنا المرق على الرز بقدر ثاني ثم احضرنا القصدير وقمنا بعملية لف للحم من اجل التحمير هريفي يحبه قلبك طريقه محكمه باغلاق القصدير ماقصروا الشباب ووضعناه على الجمر مين يصدق ان هذا هرفي بعدين دقيت ريوس والتفت على الرز والرز بادي ينش واقوم وانكب عشانا والتفت على القصديرهـ واثرها تقول يالله عش الرجاجيل وافتح ,, ولا ادري ويش افتح علموني يالربع هو يجمل ولا مايجمل https://www.alrassxp.com/uploaded8/51010/61290524314.jpg وغرفنا الرز واقلطوا الله يحيكم على عشاكم وعلى قل الكلافه وترانا واجد لايجي احد ويقول وش هالاسراف ماقلط الا ثلاثه عليه ;) وأحلى جلسه بعد العشاء مع فنجال خاثر وختاماً الشكر للجميع لكل من مر على موضوعي ورد ,, ولمن مر ولم يرد وهديه لإنسـآن غآلي على قلبي وتقبل هذهـ المداعبه ,, اخوكم / ابو عبدالرحمن |
تسلم اياديك يابوعبدالرحمن محمر ولااحــــلى وطبخه راااائعه الله يعطيك العافيه وعوااااافي على قلوبكم ويشرفني اني اول من رد عليك لاعدمناااااك ولاهنت يااخي الكريم تحيااااااتي وباقاااااتي |
اقووووول ياااااويلي
ورا ما عزمتن تراي جارك ههههه |
الموتر ماهووووو غريب علي
شكرا مره ثانيه |
ياسلاااااااام شغل عدل
|
اقتباس:
تسلمين مشرفتنا المميزه الله لايخليني من ردودك المشجعه شكرا لك على سرعة الرد انا اللي يشرفني مرورك ولاهنتي والله |
الله الله الله ماشاءالله تبارك الله وش هالزين والله إنك رااااقي في كل شي ألف شكرلك أخي الغالي الأطلسي يابخت صاحب الإهداء ماشاءالله عليه الله يسعدك ويبارك فيك ويسترعليك تقبل مروري المتواضع |
ماشاء الله تبارك الله عليك بو عبد الرحمن
الله يهنيكم يارب وجعل معه العافيه يارب شغل مظبوط ما قصرت بيض الله وجهك يالنشمي |
ماشاء الله من جد تسلم يمناك بو عبدالرحمن على الطبخه لاهنت يالغالي وبانتظار جديدك المميز |
ماشاء الله عليك يابو عبد الرحمن دائما مبدع والله يجعل فيه العافيه لك انت وخوياك وابي انشدك كم ياخذ وقت فالقصدير وتقبل مروري ابو ناصر الشريف |
| الساعة الآن 04:04 PM |
Powered by vBulletin .
جميع الحقوق محفوظة © لشبكة ومنتديات البراري 2010