|
الشجــاع اللــي وطـــاه اللـــي وطـــاني( مرثية الشاعر ضيدان بوالد واخوه)
الله الـواحــد ولا لله ثـانــي ............................................ وحّده عبـدٍ سجـد قلـب وعقيـده مومن يصبر إليا جـار الزمانـي ...........................................في رجا اللي مدته تغنـي عبيـده وإن تحدانـي زمانـي واحتدانـي ......................................... للدروب العوج والكـف الزهيـده شمت عن باقي حياتي في ثوانـي ............................................ والجسـد لابـد مـا الدنيـا تبيـده ماخلقت أعيشهـا عيشـة هوانـي ...........................................ياعسى روحي وروح ابي شهيـده ولا يامـا روح الليـل وسرانـي ...............................................وكم سريته غي واحلامي سعيـده وكم خذا مني الزمان وكم عطانـي ............................................. وكم قصر يمناي عن شـيٍ أريـده ما سألته لو بعـد جـار وخذانـي ......................................... إلا عن عمر غدا وشلـون أعيـده لي على الدنيـا ثلاثيـن وكفانـي ............................................. منها العشـر الأخيـرات الشديـده علمتني كيـف أوقـف لا دهانـي ................................................ ما دهى سعدون فـعقاب وعضيده وعلمتني كيـف لاماتـوا اخوانـي ........................................... ومات أبي والكف ماتصفق وحيـده كيف أوقف واتشهـد فـي مكانـي ............................................ واثبت بيـوم عسـى الله مايعيـده يوم لحق العلم الأول علـم ثانـي ............................................. وألحق الحظ .. الفقيـده بالفقيـده آه من شي علـى قلبـي كوانـي ....................................... لين وقف دم قلبـي فـي وريـده والشجاع اللي وطاه اللي وطانـي .......................................عزتي له لـو بنـي عمـه عبيـده يابنـي عمـي عريبيـن المجانـي ..................................... ياهل الوقفات والأريـاء السديـده ياسلايـل مـن يـروون السنانـي .................................. لاقـدح حـد الحديـده فالحديـده علموا السبع عن سهيـل اليمانـي ....................................... الفريـد اللـي مطاليعـه فـريـده وعلموا اللي يحسبن ضيدان وانـي ....................................... ياعوينـه كـان ذا حـده وجيـده وقولوا اني فالرفاع من الطمانـي .......................................... وكل درسٍ مـن حياتـي مستفيـده إن ثقل حمله فأنا الهرش العمانـي ............................................وإن تربـق فالقيـود أفـك قيـده وعلموا اللي لا صفت الأيام جاني .................................... وفالرخاء يسـوى ثلاثميـة بديـده وإن قست الأيـام شفتـه مايدانـي ....................................... مترفٍ ماله على الرمضـا كبيـده وعلموا اللي يوم زانت له نسانـي ........................................ لايحسب إني إليا من صحت ميـده يوم أصيح .. أصيح للي لاغشاني .........................................نفحـةٍ منـه تذكـرت القصـيـده وإن تناوشت القلم والليـل دانـي ......................................ماغدا لي مـن شرايدهـا شريـده والله إن أغلى القصايد في كيانـي ..................................... فالملك عبدالعزيـز وفـي حفيـده الكريـم أكـرم كريميـن اليمانـي .................................. الشجاع اللـي لـه أمجـادٍ تليـده الفعـل هـو عنتـره والغيهبانـي ........................................ والكرم هو حاتمـه وابـن مهيـده أبلجٍ مـن دون سيـات الحسانـي ........................................... رايتـه عليـا ونظراتـه بعـيـده أذكره لا لفنـي الوقـت وطوانـي ............................................ واعتزيت وكل قلبٍ صـار حيـده واتذكر لاقسى الوقـت ورمانـي .............................................في دروب التهلكه والدرب سيـده أتذكـر بسمتـه والعمـر فـانـي ........................................وجود كفيـه ومساعيـه الحميـده ذاك أبو عبدالعزيز اللـي كسانـي .......................................بالجمايل مـن قديمـات وجديـده أشهد انه قصرنـا زيـن المبانـي .............................. من حداه الوقت شوفه يـوم عيـده درعنا اللي فوق الامتان امتحانـي ............................... ضافي هجـل مقاضيبـه جويـده وسيفنا اللي لاتولى الضـد لانـي ...................................... في نهارٍ ياقـف الضـد لضديـده عدنا هداج لا اجدب كـل سانـي ........................................ كن مواردنا علـى جالـه تزيـده الفخر للفيصلـي ريـف العوانـي ............................................ خالد اللي يكسب الطـالات بيـده ياهل التاريـخ جزليـن المعانـي ......................................ياالرجال اللي مصادركـم وكيـده انشدوا منهو الحصان ابن الحصاني ........................................ ومن زعيم الطيب ولا من عميـده عن حفيد موحـد الدولـه وبانـي ......................................... مجدنا اللـي باربعينـه مستعيـده أشهد ان الجد شـرّف يـوم بانـي ................................... واشهد ان العود عقب لـه وليـده ياطويل العمر وقـف لـي ترانـي .............................................. كان ماوقفت لي طحـت النضيـده موقفك ماهـوب لفـلان الفلانـي .............................................. وعن مقام الذيـب مايغنـي وليـده بيّض الله وجه من وقـف عشانـي ........................................... ساعةٍ كـلٍ طـرف بشتـه قعيـده ولا أنـا لله شكـري وامتنـانـي .......................................ثم ملكنـا ثـم حكومتنـا الرشيـده سيدي ياسيدي لـو كـان أعانـي ................................. مـادرت الأذن القريبـه والبعيـده وإن وصل صوتي لصقهان الأذاني ............................... كيف أصب العلم فـقلـوب بليـده في كتـاب الأصفهانـي للأغانـي ................................. خير مما فـي المجلـه والجريـده والشعر لـو ماتحاكيتـه حكانـي ............................... موهبه من واحدٍ يصـدق وعيـده إن بغيت ادلعـه قمـت وزهانـي ................................... وإن بغيت أطوعـه عمـه وسيـده وإن بغيت يقال : صح الله لسانـي ................................ سعد من (خالد) على الدنيا رصيده الشاعر : ضيدان بن منصور بن قضعان العرجاني مناسبة القصيده : هذه القصيده مرثيه للشاعر ضيدان بن قضعان في والده وأخوه والذين لايفصل عن وفاتهما سوى أيام قليله قبل مايقارب 10 سنوات , ويسندها إلى عانيّه صاحب السمو الملكي الأمير خالد بن سعد بن عبدالعزيز ( للامانه افضل ماسمعت لها رغم حزنها ) |
أسأل الله لهما الرحمة والمغفره
صح أختيارك وذوقك أخي الغالي عذب الاحساس كل التحايا |
بقآيآ ... حرف
يسعدك ربي على تواجدك المستمر في متصفحي |
صح لسسان الشاعر وسلمت ع الانتقاء الرائع
|
نايف العبداني
يسعدني ويشرفني مرورك يالغالي |
| الساعة الآن 07:14 AM |
Powered by vBulletin .
جميع الحقوق محفوظة © لشبكة ومنتديات البراري 2010