قلبي حنون طيب حبوب كريم ولافيه زيي وأنا أحسن واحد( مشاركه في حملة أطلق العنان لقلمك )
 

https://www.7irtny.com/vb/7irtny.com/...924335_912.gif

الساعه 3قبل الفجر داخل من برا مرهق ومعصب مافيه ابتسامه ولا حتى نظره شوق الا للوساده هذا في حال لاقى زوجته صاحيه تعباااان وبنام...

أما إذا شافها نايمه قام يزبد ويرعد ماشاءالله خوش حرمه نايمه وانا ماجيت الله يرحم حريم اول ؟؟!!!! .............

يصحى بعد الظهر والا العصر هذا إذا ماكان من اهل الصلاة اللي يصلي الظهر ويكملها نومه ويصلي العصر ويطبقها للمغرب ويصحى راكبه الشيطان نفسه براس خشمه <<<< الله يرحم رجال اول صدق

الشاهد >> يروق ويضحك عند اصحابه ومشاويره ومانهضم حقه ونقول انوا مو هامينه اهله واولاده يمكن يكونون اغلى من عيونه لكن ..

(( الحبيب )) إنسان لا مبالي بمشاعر الغير يشوف خيره ومايشوف خير غيره مجرد عتب من زوجته شفيك متأخر او كل يوم كذا سهر ونوم

هذي كفيله انها تقلب مزاجه . مافيه ذل وانكسار محمود لزوجته مافيه تقدير للمشاعرها وحفظ لحقها كشريك ثاني في حياته له حق فيه وفي نفسه ...

والا انت ماتدري ايها (( الزوج الكريم )) من جد صدقوني أخواني انا مااعمم الكلام على كل الازواج ولا على فئه دون الثانيه بالعكس الشئ هذا حاصل في كثير من المجتمعات والفئات الملتزمه وغيرها .

لزوجتك حق فيك وفي نفسك وحياتك لإنها شريكتك الخاصه وبدون ارباح او نسب لإن القلب واحد والحساب مو مطلوب الا بالاخلاق والمعامله

الحسنه اما تجي من برا متجهم ودايخ ووخري عن طريقي وخذي عيالك في حال كانوا الاولاد صاحين خذيهم وروحي عني ؟؟!! ف

هذي مو حياة هذي دكتاتوريه نعم احنا مقدرين انك تتعب وترهق حالك بالعمل لكن نفسك لها عليك حق تريحها وكمان زوجتك واولادك لهم حق تراعيهم ولا تحملهم غلطك لإنك حملت نفسك فوق طاقتها ..

يبه رحت الدوام وقضيت لك كم شغله ارجع نام ريح ساعه ساعتين ماقلنا شئ لكن لا ترهق روحك وتدخل البيت وتزبد وترعد ووقت الفرغه تقول والله ماتلاقين مثلي وانا طيب وحبوب وربعي كلهم يحبوني ومايصبرون مني ..!!والله ماتلاقين مثلي وانا وانا ....

طيب وزوجتك اللي في البيت وين الطيبه وووين اظهار المشاعر لها وين الضحكه والتشقق اللي يشوفونه ربعك ووين الكرم اللي حبوك عشانه والا على قولة المثل (( نفاعتن للناس خرقاء لبيتها )) ليش ماتجلس مع روحك وتقارن بين جلستك مع اهلك وجلستك مع ربعك ..؟؟!!

اخواني اكلمكم جد الامر ترى مو سهل ومو مثل ماانتم عايشينه لا تترك زوجتك للاوهام والامراض والشكوى والتذمر لا تتركها فريسه سهله لغيرك لاتخليها تروح من وراك وتدور اللي يسعدها بكلمه او هديه او حضن كاذب !!!

اعطيها الحضن الصادق والآمن والكلمه الحلوه اعطيها الابتسامه زوجتك تحتاجك ماتحتاج غير قلبك ودفاك يكفيها ابتسامه تغنيها عن كل الناس ,,

اخوي الزوج الكريم >> جرب ماراح تخسر وقارن بين حياتك اول وحياتك بعد ماتغير من وضعك ,,, وخل عنك الكبر وتنازل شوي مارح يهز من رجولتك عند زوجتك بالعكس راح تكسب حبها وودادها بس انت لا تمدح بروحك كثير وتتناسى تضحيتها وحبها لك واولادك وتعبها عشانكم سواء كانت موظفه او ربة بيت في كل الحالتين تراها تتعب زيك وتتحمل اكثر مما تتحمل انت لكن تكابر وانت تنكر وهي تصبر لاتنسى انها انثى وقلبها مجبول ع الحنان والرحمه والتغاضي عن زلات الزوج يعني (( لاصار صاحبك عسل لا تلحسه كله )) فكر فيها وفكر في اولادك واسعدهم ترى الدنيا قصيره وماراح يمنعونك عن اصحابك وربعك لكن لاتحرمهم طيب قلبك اللي طيب وحنون ومافيه زيه:a_ok:


https://www.7irtny.com/vb/7irtny.com/...924343_990.gif


ملاحظظظظظه :::: انا مااعمم لكن ظاهره ملاحظه وكثير زوجات يشتكون منها

بقلم اختكمـ ...بقايا قلبــ




https://www.7irtny.com/vb/7irtny.com/...924343_990.gif


https://up.albrari.com/uploads/13045229161.jpg

بقايا قلبك تسلسل جميل للأحداث ونصائح في محلها .. أتمنى لك التوفيق

بارك الله فيك ع الطرح

وكلامك في محله

ماشاء الله تبارك الله

أبدعتي غلاتي أبدعتي

نقطة مهمة جداً أثرتيها وهي سبب في كثير من مشاكل الطلاق وهدم البيوت

أسلوبك مميز جداً وخاااص جداً

بصراحة استمتعت كثيييييييير بقرأة موضوعك

ربي يسعدك ويوفقك ولا يحرمنا أبداعاتك

10 مشاركات

تميز

ختم الحملة

الواثق بالله

جداوي


مكتف النمل

ام محمد


ربي لايهينكم واتشكر لكم مليون لروعة حضضوركم

شكرآ اختي محمد على جهودك الجباره كل الود ياغاليه ’’’


أخوي احمد ... النفس جبلت على التعب وهذي فطرة الله في خلقه وكل تعب يعقبها راحه والحمدلله الدنيا ماتدوم على حال لكن مايمنع انوا المرأه تبث همها وتعبها لصاحبتها ماااقول من باب الشكوى ولكن من باب التنفيس عن القلب وتخفيف الضغوط اللي تعانيها ولعل في شكواها خيره لعل صاحبتها تلاقي لها حل او تكون خير معين لها على الصبر والتغاضي عن بعض زلات الزوج اللي ماتعيق سير السفينه ,,
اما إنها تكون حجر صماء لاتحس ولاتشكي ولا تبكي والزوج لاهي وساهي فهذا ينافي المنطق ولا يخش عقل لإن الزوجه (( إنسان وبالاصح انثى )) مجموعة مشاعر واحاسيس ممكن إنوا كثر الصد والهجران يطفي لهيبها والكتمان المبالغ فيه يولد انفجار امراض العصر اللي ماتخفى على اثنين من سكر وضغط وحالات نفسيه من الممكن انوا نتفاداها لو شكينا او اعطينا سرنا لصديق امين وناصح وعاقل ,,

ابوي الشكوى مو عيب لكن العيب الثرثره في كل مجلس ومقعد وملامة الزوج والصراخ في وجهه وتحميله مالايطيق ..

شاكره لك من القلب تفاعلك واتشوق لعودتك ,,

موضوع مهم وحساس جدا
ويحتاااااج لدراسة
وظاهر موجودة بين مجتمعنا للاسف
وقد يتحمل الطرف الاخر شي منها
وكم يسعدنا وجود حلول مناسبة لها
مشكوووووووره


سلام