امشي على ذيك الدروب العسيره .:":. والعين سابرها على كل مقطاع
امشي على ذيك الدروب العسيره .:":. والعين سابرها على كل مقطاع امشي واعاكس بالهوا كل ديره .:":. اداري اللي شوفته طب الاوجاع وليا وصلنا حدود راس الوعيره .:":. ذيك الفياض اللي مرابض للاشباع فيها العشب والشيح فايح عبيره .:":. والماء بذيك العين تمشي لهالساع دربل على ضلال الرتوج المحيره .:":. ولقيت منهو مطرق اليد بالقاع واخترت ابو ذيك القرون الكبيره .:":. ونقلت بالحبه على قلبه اقطاع وأياك تذبح شي تندم بغيره .:":. اقنع برزقك والحذر من هالاطماع شيٍ يفيد اليوم وشيٍ ذخيره .:":. والنفس ماتتعب من الرمي لاثاع يوم اعتلا صوت النداوي بشيره .:":.الكل منهم يعلن اليوم فزاع هذاك درهم للبدن ياخبيره .:":. واسلخ ولاتنسى ترا الكبد منفاع وهذاك شب النار يازين خيره .:":.حلوه ومره تشبع الكيف لاجاع وعقب الوناسه والعلوم السفيره .:":. كلن يشيل القسم جنبه بالامتاع نرجع لهلنا وراكد الجوف طيره .:":.شبعان ومبرقع على ذيك الاضلاع أبيات والقاء وتصوير { .:" ابــ جهينه ــن ":. } |
تسلم يا اخي الغالي على الابيات الرائعه
|
هلابك أخوي راشد
الرآئع أنت يابعددي , نورت كامل متصفحي لاهنت لاهنت |
يسلم ذوقك مشرفنا الغالي على هذه القصيده التي شعرت بأني رحلت معها الى واحه جميله كل الشكر لك وتقبل مني خالص الاحترام والتقدير |
نرجع لهلنا وراكد الجوف طيره .:":.شبعان ومبرقع على ذيك الاضلاع رائعة يامشرفنا "عنيد جهينه" وصف جميل في ابياتها لك مني ودي واحترامي - |
تسلم ياعنيد جهينه جبت الزين كله
كلمات وصور جميلة |
صح لسانك مشرفنا الغالي على الابيات الرائعة اللي كني عايش بجوها
|
أبيات جميله جداً وصوت أجمل ...
نقلت لنا فأبدعت مشرفنا .. رذاذ |
وليا وصلنا حدود راس الوعيره .:":. ذيك الفياض اللي مرابض للاشباع فيها العشب والشيح فايح عبيره .:":. والماء بذيك العين تمشي لهالساع قصيده جميله وابداع راقي دام ابداعك مشرفنا تقبل سلامي وخالص احترامي |
يعطيك العافيه ذائقة عذبة..لاعدمنا تميزك.. وجمال طرحك .. بشوق لجديدك اخوي عنيد..ودي |
الساعة الآن 02:41 AM |
Powered by vBulletin .
جميع الحقوق محفوظة © لشبكة ومنتديات البراري 2010