|
هـمٍّ بقلــبي لو قسمتــه عــلـى الـناس..كلمات سحاب شقراء..اداء وميض الصاعقة
بسم الله الرحمن الرحيم هـمٍّ بقلــبي لو قسمتــه عــلـى الـناس تسمــع جمـيــع الناس مـنـّه يصيحون لابـاس ما صـابــك مــن الهـــم لا باس و اصبر كما يصبر على الحبس مسجون الخلــق ضايـق و الحشا صايــرٍ كاس يجمع مرار الوقت ويسقيني بالهــون يا الله يا منــزل من الحــق نــبـــراس تضوي بها دروبٍ بها الناس يمشون يا خالقٍ هالـكـــون كـلــه على ساس يا منفــذٍ امــرك من الــكاف لـلنــون ترحم سحاب اللي من الضيق محـتاس ودمــوع عيـنــه من سببها يهلــون حاولــت أخـفّـي زايد الضيـم والباس بين الضلــوع و خايف الناس يدرون بس الحمل أثقل من طـويـق بقـياس والهــم حملــه مثـقــل الـلي يحملون و انشد عن هموم الدهـر صاحيـن داس ينبيك بسهــوم الدهـر كيـف يسطـون والجرح و ان صابك من الناس لا باس سيف البعيد لو هو سطا غير مسنون بس البــلا ثـم الجــلا وزهق الانفاس لا خانــك الــي تحبــه حــب بجـنـون من ادائي وهندستي https://www.4shared.com/mp3/BQTyDoD0/___.html? |
يعطيك العافية على روعة الكلمات الجميلة
|
تسلم / وميض الصاعقه .. على الأداء الرائع لكلمات شاعرنا / سحاب شقرا
على كذا لازم ترضي شعراء البراري الذين يرغبون في أداء كلماتهم .! تسلم ما قصرت ... صح الكلمة والصوت .. تحيتي |
ماشاءالله تبارك الرحمـــن
كلمات جميله جداً وصوت وآداء رآئـــع كذلك هندسه صوتيــه ممتازه ... حفظك الله أخينا وميض الصاعقه وزادك الله رفعةً ومكانا ... اللهم آميـــن تقبــل مروري المتواضع على هذه التحفه الرآئعه رذاذ |
جميلة ، كلمات ، وأداء
صح لسان الشاعر ، ولاهان المنشد إبداع من الطرفين بيض الله وجيهكم ولاهنت حبيبنا وميض الصاعقة تحيتي |
كلماتكم وقودي الحقيقي للابداع
شعراء البراري مبدعون ونحن مؤدون فقط شكرا من الأعماق |
اداء رائع و كلمات جميله
تسلم اخوي وميض الصاعقة تحياتي |
بوركت المساعي وسلمت الأيادي أخي الحبيب
وميض عمل رائع ومُتقن بارك الله فيك ودي ومحبتي |
تسلم أخوي الغالي على هذا الأداءالرائع
صح لسان القائل وصح المنشد وبالتوفيق أيها المبدع |
لا لا لا هذي يبيلها حبه على الراس جودني راسك ياجعل يومي قبل يومك وهذي حبه عليه وعلى خشمك بعد حبه ماشاء الله تبارك الرحمن الرحيم انت تدري ياوميض اني من زود فرحتي مسكت راسي وصحت شوي الله لا يضرك ياجعل السعاده تغمر قلبك وجعل الصحه والعافيه لباسك وياجل الهم ما يعرف دروبك وياجعل الي خلفك بالفردوس الاعلى من الجنه ونت ونا والمسلمين اجمعين بقا وحده ياجعلك للرزق الي ما يعد ولا يحصا تدري ليش علشان اتدين منك ونحاش هههههههههه حبيت ارسم البسمه على وجهك الطاهر وخذها مني الي يعجبك من قصيدي تراه ملكك ولك كامل الحريه انكان ودك تنشد لنا ثانيه مهيب شينه ههههههههه ابا اقولك الي يعجبك تراه حلالك ولوه ينقص بعض الابيات الوزن ونكان ودك اوزنه انت يعني عدل المايل تصدق ياوميض الغالي ان كني سبحان ربي عدد كل شي والله العظيم كني اعرفك من 50 سنه وهذا محبه في الله وربي شهيد على ذالك سلامه قلبك وروحك وصوتن عذبه اسيوره وسلامه عمرك الغالي عسا الرحمه تجي نوره اشوف البرق وسرابي وميض البرق ببحوره وقام الــقاف يلعبي عجـــزت اجزيك مستوره ولاكــن اقبل الابيات سيلن تمخــــر اشبوره ولاشفتا السمين انحــر وخل الهــزله بثـوره وميضك مثل مزنن لاح بجردا وتحيا ممطوره بمــر منهــو خلق ادم بيديه ونافخ بـــزوره سحاب شقراء تصدق اني من يوم سمعت النشيد ونا اكتب لك هذي المشاعر الصادقه الي طالعه من كل قلب اخوك سحاب وربي يشهد وتراها من بالي للمنتدى ادري انها مهيب قد المقام بس لا تدقق ههههههههههه |
وميض يالغالي تراي احتريك من العصر هههههههههههه ودي اشكرك تقولي بنتي يوم سمعتني اقول ابا اشكرك قالت بجميع لغات العالم ونت والله تستاهل كل خير يكفيك انك فرحتني بذا الشيله والصوت الي محلي القصيده ما شاء الله ما شاء الله ماشاء الله عليك وعساالله يتقبل دعاي لك ونت تستاهل كل خير |
فهد ونزيه والسلطان
حياكم الله على المرور وعلى كلماتكم الرائعة اسال الله ان يكتب اجركم |
حياك حبيب القلب سحاب شقراء
صدقني اللي محلي الشيلة كلماتك العذبة ...انت معنى لأبداع..حروفك تنخر وتحفر في القلب ..تجرح وتداوي.. مررت على ددرك المنثورة وتجولت فيها ...بل عقود الماس...وحلقت بها بعيدا.. ثق دائما ان الشرف لي في اداء كل جمييل منك ومن مبدعي البراري ياسحاب المراويح الثقال الفي على ديرة ولد شقراء اسقيهم من الجال للجال اليا تصبح ديارهم خضراء ههههه من شعري المكسر بلغ سلامي لأبنتك وعسى ربي يحفظها لك ونتقابل في الفردوس بإذن الرب القدوس |
اقتباس:
ياقو قلبك وبس ههههههههههههههه اجل مهنا مقابل بالدنيا ابد تراي امزح معك اللهم امين ويجزاك عني كل خير يالغالي ولو شفتني شايب قلبي خضر هههههههههههه والي يعجبك لاتشاور ني ابد كلش حلالك بس عسا يجوز لك شي اسعد الله قلبك ويسر امرك وحقق مناتك انه القادر على ذالك سبحانه وفي حفض الرحمن الرحيم |
اقتباس:
ماقلت رايك في البيتين من الصبح ازبطهن ههههه |
اقتباس:
ياسحاب المراويح الثقال الفي على ديرة ولد شقراء اسقيهم من الجال للجال اليا تصبح ديارهم خضراء روعه يالغالي وبيض الله وجهك وما قصرت جعل الشر يقصر عنك وهذي مني لك ياوميض هديه ولوها مهيب قد مقامك يالغالي ونت تستاهل ياجـعـل دارك ياوميـض الشخابـيب مــزنن من الرحمن يــوضي شعقها ينشي على ديارك وهي منبع الطيب وياسعـــدها بـنـتــن يميـنــك بغـتها الطيــب بين بالــرجال الصواحيـب يـدريـبــه الــي دنيـتـه ما جحــدها ومثلك لـه اليمنا تسوق المواجيب والاولـه مقيــول محــدن لحـقــها سحاب شقراء |
لاشك انه صوت عذب شجي اخي وميض
اتمنى لك مستقبلا باهرا بالانشاد في خلل بالشطر الثاني في البيت الاخير بس البــلا ثـم الجــلا وزهق الانفاس لا خانــك الــي تحبــه حــب بجـنـون حتى وقت الانشاد مبين واضح فقد استمعت للقصيدة اكثر من مئة مرة وتم تحميلها عالجوال شكرا لك اخي الكريم واتمنى من والدي سحاب شقراء تقبل كلماتي |
اقتباس:
الله يحييك يالغاليه شرفتيني شرف الله مقدارك |
الغالي وميض الصاعقه اشوف الرابط حق الشيله ماطاع يفتح معي مدري البلا مني ولا من الموقع |
كان الشيله عندك يالغالي وميض الصاعقه نزلها تكفا يالغالي مره ثانيه الله لا يهينك ودي احفظها لياها تظيع ماطاعت تشتغل عندي ونا جربت من لابتب ثاني وبرضه ما اشتغلت تراه ظايق صدري عليها جعل والديك للجنه |
https://www.gulfup.com/G.png
هنا المقطع اخي سحاب شقراء حياكم الله جميعا شكرا على اطرائكم اختي سراب هل الخلل في الأداء ام في الكلمات؟؟ |
هلابك اخوي وميض
الخلل في الكلمات الشطر مكسور وطبعا هذا الخلل اثر على الاداء وحسيت وانت تأدي انك تحاول تعدل لكن ماضبط ايضا لامني جيت اردد وراك احس بثقل غير باقي الابيات كانت سلسة ومسترسلة بالاداء وشكرا لك |
اقتباس:
شكرا على التوضيح |
الله يعطيكم العافية جميعكم مبدعين صح لسان اخوي سحاب ويسلم صوتك اخوي وميض ... فاالكم التوفيق ،،،
|
شكرا على المرور اخوي عابر سبيل
|
اقتباس:
وينك يالغالي وميض الصاعقه لك غيبه ارجومن الرحمن الرحيم ان تكون بخير وعافيه ورضا من الله سبحانه وتعالى |
| الساعة الآن 01:00 AM |
Powered by vBulletin .
جميع الحقوق محفوظة © لشبكة ومنتديات البراري 2010