|
مال عنـا جنوب ومـال عنـا شمـال
قدر الله وماشاء الـعزيز الحـكـيــم السحـاب يتعدى عن ديـار محــال اجدبت ارضها واشجارها كالهشيم كل ماقبل سحاب جا مع الفال فال وكل ماقبل نقول اليوم سيل عظيم دبره خالقه مجري السحاب الثقال ماقـنـطـنـا ولا زلنـا برجوى كـريــم ابو سعود |
(ياوليف القمر) كيف القمـر والنجـوم
هو مغـطـي على الانوار وهو اسـتـدار راح شـهـرين وازود في جـلوس ونـوم طـال ليلي ومثـله طـال وقت الـنـهـار في الحـجـر مدة وياليـت لو جـاز يـوم في بطـاحـي والا في طـعـوس كـبـار نرتوي من الطبيعة ونتلقى الـعـلـوم لا يروح الربـيـع ولا يمـوت الخـضـار وقبل ماينتهي وقت المطر والـغيـوم الزمـن عـجـل وايـامـه تراهــا قـصـار بيتـغير نـسيـم البر ويصبـح سمــوم والسنين اصبحت تمشي بنا في انحدار ابراهيم بن سعود الخريف |
ودع الترحـال واقـعـد للـمـقــيـــل
صيـفنا اللاهـب بدا نجـمـه يبين راح وقــت كـان ذعـذاعـه عـلــيـــل وحـلـت رياح سـمــوم الـلـه يعين النهـار يطــول ولا نلـقـى ظـلـيــل والشــجـر متعـري وحـالـه يشين لاحراوي غـيــم ولا وادي يسـيــل والمـيـاه بنـقــص عـند الـزارعين لا بحر مـوجـود ولا به نهر نـيـــل يبست الاشــفــاه عـنـد الناظرين كـل عـام نرقــب الجـو الجـمـيــــل وكــل عــام تمـضـي ايامـه بحين مـايدوم الحـال هـذا مسـتحـيــــل وكــل وقـــت راح يـبـقـى لـه حنين الركام |
يالله يامن له عباده تصلي
وتوحده وتحج لرضاه وتصوم ارفع كفوفي بين رغبه وذلي ياغافر الزلات يا حي قيوم تغفر خطاء اللي كل ماتاب زلي ماهو عن الزلات والعيب معصوم |
اقتباس:
السلام عليكم ورحمة الله وبركاته مرحــــبا ترحيبتن مــاهـي بقـليل مــا نـقـــــدمـهـا ســـوى للطيبين صـيفــــنا اللاهــب ينادي للرحيل مـثـل أول مــن زمـــــان الأولـين ننتظـر كــل عــــام يلـفــينا سهيل والنفـوس تســر بالضيف وتزين حضر العزبه مــع الفصل الجميل وخاوي اللي في البراري كاشتين واعـتذر للي تـحـــس انه عــويل قـبل مـا تبلــش وبالله اســـتعـين واشتري لك جيب تويوتا الأصيل ينفعك في البر ما يغرز في طين واسئل الله يحفظك صـبحن ولـيل وذكر ربي دايم الحصن الحصين ما لنا عــن صيفـنا اللاهب بديل والعمر يمضي وتـفـنـيـه السنين كيف الحال طيبين بشروني عنكم حضرت ولم أجدكم وأرجو منكم تقبل خالص تحياتي وتقديري وحبي للجميع بدون استثناء خصوصاً لشيوخ المنتدى فمان الله |
اقتباس:
الله رحــــــيم ويـغـفــر ذنـوبـك اللي ويومر سماه وينقلب صحوها غيوم والأرض تـعـشـب والـخـــلايق تهلي وبامره يدوم الخير في أرضــنا دوم لـكـن عـمــرك يا ابـن حـمـــــاد قلي وانته لازلت تزل كل ما طلع يوم !! |
كني أقــول الشعــر وأنا على المسرح وجمهوري من فرحته متردد وصامت أدري تحـــبوني وانـا بحـــبكم افــــرح والله يديم الـحـب في الـقـلـب ما دامت :ordh: |
حي الله ابو سيرين 🌹
الغياب باسباب انسحاب الاعضاء كل ماجيت ادور مالقيت المجيب لو حضرتوا حضرنا والله المستعان |
مثقال ذره وثقت بسجلي
بالزلزله واللي بعد سورة الروم والناس به مكثر وفيها مقلي وفيه امعه يمشي على دبكة القوم لازرت دار كان به صاحبلي الدار موجوده وراعيه مرحوم عسى السحاب اللي نشاء وستهلي ا للي سحابه كنه جبال مركوم ياخذ شهر ويام وبله يعلي دار بها النادر خذا عينه النوم |
اقتباس:
يا هلابك اخوي أبو سعود 🌹 يا هــلا بك يبو سـعـود وانتـه حبيب راعي الطيب ما غـيّره طـول الزمان احمد الله جيت وعـدت بـعــد المغيب لو تطير الـطـيور تعـود نفس المكان والله ان الـمـحـبه لك وغـيرك مريب يخفي في القلب شين ما علمناه بان فسر الماء بعـد الجهد بامرن خطيب وأسأل الله يغـفـر لـه خـطـايا اللسان :ordh: |
| الساعة الآن 04:00 PM |
Powered by vBulletin .
جميع الحقوق محفوظة © لشبكة ومنتديات البراري 2010