|
&&&اذا غرزت في نفودوصار واحد من الكفرات يدور &&
اذا غرزت في نفودوصار واحد من الكفرات يدور والثاني ثابت وش تسوي
السلام عليكم ورحمه الله وبركاته يسولف علينا واحد من الزملاء ويقول انه كان معه جمس ونيت ومغرز بشعيب حول ديرتهم ، المهم ما تركوا أي طريقة علشان يطلعون السيارة الا سووها واخر شي شافتهم حرمة كبيرة معها ونيت والظاهر انها ( بدوية ) ونعم فيها من حرمة وقالت لهم ما قدرتوا تطلعون السيارة وانت ثلاثة رجاجيل ابعدوا عن السيارة ( تبي تطلع السيارة ) المهم وشلون قدرت هالحرمة تطلع السيارة هنا السر ؟ اعلمكم وشلون قامت وجابت الحديدة الطويلة حقت العفريتة الموجودة في الددسن أو الهايلكس اللي معها ودخلت الحديدة في وحدة من فتحات الجنط ( في الكفر اللي يدور بوش ) وطلعتها مع الجهة الثانية وقامت وعشقت الموتر حتى وقفت الحديدة ( دقرت ) في الشاص أو السست ومسكت الحديدة الكفر ومنعته من الدوران وعلى طول دار الكفر الثاني اللي ما تحرك من يوم غرز الموتر ، وبكذا طلعت موترهم وهم مستغربين من هالحرمة وخذوها درس ، ونصيحه اللي يبي يطلع للبر والنفود والشعبان قبل ما ياخذ العزبة وفراش النوم ياخذ الحديدة معه . وسلامتكم تحياااتي للجميع ريف النشاما |
بارك الله فيك اخي الكريم على هذه المعلومة
وشرحك المبسط لها وبلغة مفهومة جدا لك كل شكر وتقدير |
لا شكر على واااجب
يالبري هذا بعض مااا لديكم ربي يخليك لنا ويسلمك ريف النشااما |
مشكووووووورين على المعلومة المفيده جعل الله هذا في ميزان حسناتكم ان شاء الله
تحياتي لك ،،،، الحنون - مشرف ساحة الترحيب بالضيوف |
تسلم يالحنووون
يااا حنين ربي يسلمك ويخليك الف شكر على الرد الحلو ريف النشاماا |
معلومة جديدة نحطها على البال
وهناك معلومه أخرى أضيفوها للموضوع وهي إذا دار أحد الكفرات الخلفية ولم يدور الأخر فقم بعملية المقص يعني قم بإزاحة التراب عن الكفر الأمامي المعاكس يعني إذا دار الكفر الخلفي الأيسر فقم بإزاحة التراب عن الكفر الأمامي الأيمن حتي يكون هناك توازن في الحمل ويطلع الموتر من الغراز مشكورين ومع السلامه للتغريز |
وهذي معلومه جديد
يا اتيكاااااا تسلم يااابعد الدنيا من كثر ما نيب احترمك واقدرك ودي اخنقك ,,, يسلملي هالخشم ريف النشاما |
ونصيحه اللي يبي يطلع للبر والنفود والشعبان قبل
ما ياخذ العزبة وفراش النوم ياخذ الحديدة معه ابشر اخوي ريف النشاما شكرا على النصيحه |
ياااااااابعد قلبي يالنهاااام
تراااني ابي اطب صطااااحي ومن على السور ,,, ربي يسلمك يااابعد الدنيااا ويخليك لخيييييك ....... ردك افرحني ريف النشاااما |
اخوي ريف النشاما
هههههههههههه اسلوب ردودك فيها نغزات وصدمات تذكرني باخ عزيز هو ابو جراح الله يذكره بالخير صح ؟ |
| الساعة الآن 07:39 AM |
Powered by vBulletin .
جميع الحقوق محفوظة © لشبكة ومنتديات البراري 2010