أنا بدوي وأفتخر بالبداوه..!!
 

https://up.graaam.com/img/4964aea0eea...ed1c78b956.jpg

قالت ترى ماانت بحلو .. قلت رجـال

والزين ماهو من شروط الرجولـة

الزين يلقى عنـد لباسـة الشـال

والرجل زين إن كان زانت فعولـه

قالت علامك تلبس شماغ وعقـال ؟

انت بدوي ؟ قلت بدوي ومن حمولة

ما ألبس بناطيل لها ألوان وأشكال

وأمتر الشارع بعرضـه وطولـه

قالت أجل راعـي معاميـل ودلال

شرب القهاوي تحسبونـه بطولـة

كيفي يابنت الحضر دلـة وفنجـال

ولـبـن نياق" بالمـراح معقولــه

وحب الكرم والجود وعلوم الأبطال

مغروس فينا من زمـان الطفولـة

قالت ترى بنت البدو حظهـا مـال

قلت احذري حذرا تكوني جهولــة

بنت البدو يابنت مضرب للأمثـال

فوق الجمال وطاعة الله خجولـة

ماحطة أصباغ" ولا حطـت ظـلال

ولا سيرت بالسوق سيـر مهبولـة

هي مهرة" تصعب على كـل خيـال

ماهي من اللي ترخص النفس بالسهولــة ؟؟

صح لسااااانك قصيده رااائعه بحق
الله يسعدك ويجزااك خير

بيضالله وجهك صح اللسانك ياخوووووي

ما شاء الله

إبداع أخي الغالي والحبيب
عاشق الطيب

لا فض فوك على هذه القصيدة الرائعة بحق

اسعد الله قلوبكم وامتعها بالخير دوماًأسعدني كثيرا مروركم وتعطيركم هذه الصفحه وردكم المفعم بالحب والعطاء وحبيت انبه ان القصيده لست انا قائله....
ا انما راقت لي وونقلتها لكم ..

دمتم بخير وعافيةلكم خالص احترامي

صح لسانك
علي الملازيم إنك كفو يارعي القصيدة