|
نص الغلا
قـصـيـده الـشـاعر الـشـاب طـلال الـزهـراني راقت لي كثيرا وحبيتكم تشاركوني تَعَبت أشيـل الهَم عنّك وأداريك وإنتَ همومـي ثقلَهَــا مـايهمِّك لا يا حبيبي الزمن لا يخليك تقسى على قلبي وتسقيه سِمِّك دنيـاك هذي , لا تغيِّر مباديك مهما إستطعت الظلم إعدل بحكمك ما هي غريبه من يذمِّك يماشيك لكن غريبـــه يمدحك من يذمِّك !! ما كل واحد غاب معناه ناسيك بعض البشر ينساك لو كان يمِّك أدري تعزني .. اللـه يعز غاليك وإن كان لـي عندك معزَّه بضمك في خاطري كم كلمةٍ : عن تجافيك وإن شفت دمعاتي إنزَلَت .. حط كمِّك إسمك حبيبي ويا كثِرها أساميك وقلبي يفز .. لا جابوا الناس إسمك ليتك تحس في ضيقتي يوم أحاتيك أحرق لك أعصابي .. وما حَس دمِّك غايب بدون أعذار .. ربِّي يجازيك عطني سبب مُقنع حبيبي .. وألمك همِّك, جنونك, ضحكتك, كل مافيك صوتك, سكوتك, وأرجع أقول: همِّك طيشك , عنادك , لما تزعل وأراضيك ترسم ملامح ضحكتي .. وتمحي رسمك [لبيــه]منِّك غير .. لمَّا أناديك كن الكلام العَذب ... مرساه فمِّك مهما غلوك قلوب ناسٍ حواليك أغليك أكثر منِّهُم بس .. لعلمك أبوك , خالك, إختك, أخوك,ماضيك ربعك،جميع النـاس ,وعيـــال عمِّك . .شايف غلاهم لِك .. أكثر أنا أغليك واللِّي وِصَل(نِص الغلا) يمكن أمّك |
فكرة واحساس عالي
صح لسانه ولاهنتي على نقلك بس لو جينا للنقد فيه خطأ في القافية كان من المفترض على الشاعر التنبّه لأن القصيدة جدا رائعة وياليت تلافى الخطأ دمت بخير |
الله بجد المعنى راائع بكل ماتحمل الكلمه من معنى
سلم دمك ودام نبض قلبك ع النقل الجميل لكن استبيحك عذر أختي القصيده بجد مهزوزه كثير وفيها ثقل في كثير من الابيات حاولت الحنها وثقلت علي ,, |
ليتك تحس في ضيقتي يوم أحاتيك
أحرق لك أعصابي .. وما حَس دمِّك غايب بدون أعذار .. ربِّي يجازيك عطني سبب مُقنع حبيبي .. وألمك كلمات جميله واختيار اجمل بارك الله فيك اختي شموع الليل |
معاكم حق القصيدة مهزوزة واعرف ذلك لكن عجبني المعنى والفكرة
نورتوني حياكم الله |
ما كل واحد غاب معناه ناسيك
بعض البشر ينساك لو كان يمِّك أدري تعزني .. اللـه يعز غاليك وإن كان لـي عندك معزَّه بضمك في خاطري كم كلمةٍ : عن تجافيك وإن شفت دمعاتي إنزَلَت .. حط كمِّك إسمك حبيبي ويا كثِرها أساميك وقلبي يفز .. لا جابوا الناس إسمك الله ... الله ... الله .... ايش هذا الاختيار الموفق كلمات ذات معنى قوي ومحبب وقريب للقلب انتقاء جميل جدا" مشكورة شموع على حسن النقل |
| الساعة الآن 08:30 AM |
Powered by vBulletin .
جميع الحقوق محفوظة © لشبكة ومنتديات البراري 2010