شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   تصيح وينك يبه مامت انا حيّه ... لمى الروقي (https://www.albrari.com/vb/showthread.php?t=84476)

ابو سلطان العتيبي 2014-01-01 11:02 PM

تصيح وينك يبه مامت انا حيّه ... لمى الروقي
 

تفاعل الشاعر المعروف معجب الصقيري (شاعر تيماء) مع طفلة البير (لمى الروقي)
بقصيده تقطر حزناً وبكاءً .. القصيده ابكت الكثير من جمهور الشعر نظراً لما تحتويه
من كلمات كأن لمى هي من نطقت بها وابدع الشاعر في ايصالها لمتذوقي الشعر .

صاحت (حقل )جاوبه (هداج ) ياخيّه *** الله يعينك على الدنيا وأحزانه
قالت ( لمى ) في ظلام البير مكفيّه *** متعلقه بالسماء من بين جدرانه
قال اصبري خابر(ن) لي شاعر هنيّه *** يفوح ريح الألم من بين قيفانه
قلت اتركوني مادام العين مبلــيّه *** في قصة الي تشيب العين من شانه
البير صار القبر يــوم الكفــن طيّه *** وبيديها طشّت ترابه فوق جثمانه
تصيـح وينـك ( يبه ) مـامت انا حــيّــه *** ويقول ياعين ابويه وين بيبانه
تقول مدري وكنت العب على الخيّه *** تكفى دخيلك ابي امي وبردانه
طلعني قبل اختنق وامــوت في ميّه *** اشتقت لامي ابي انام باحضانه
اشتقت لالعابي الي شاريه ليّه *** لي كم يومٍ على هالحال سهرانه
كنت احسب العمر توه باقي شويّه *** ماكنت احسب المنايا بين شعبانه
سلم على امي وقله تحسن النيّه *** ماكنت ابي حزنها يزور وجدانه
ولو كنت اعرف الدرب باخره مهفيّه *** كان ارجع لحضنها وخطاي عجلانه
ولا ترمي ( الكيك ) ( والبسكوت ) *** مافيّه نفسن على الزاد والاخلاق خربانه
( يبه ) ظلام الليالي يتبعه ضيّه *** لكن ظلام القبر ماشوف ضيّانه
تدري وش الي ذبح خوفي وطاريّه *** اني اشوفك وانا بالبير مرضانه
لو هي بيديني طلعـت وماني معيّه *** من يكره انه يشوف ابوه واخوانه
( يبه ) احس ببرود(ن) فوق رجليّه *** اظنه الموت تحتي جهز لسانه
روّح تريـح وقل للمـــوت ( يابيّه ) *** عجّل عليها من الي صار تعبانه
ومع السلامه مادام الروح مطويّه *** يوم القيامه تشوف الطير بجنانه

-


تميم بن محمد 2014-01-01 11:12 PM

ابدع الشاعر ايما ابداع و ابكانا الحقيقة
رحمة الله عليك يا لمى
شفيعه لوالديك بحول الله
:(

مسك المشاعر 2014-01-01 11:55 PM

روّح تريـح وقل للمـــوت ( يابيّه )
عجّل عليها من الي صار تعبانه
ومع السلامه مادام الروح مطويّه
يوم القيامه تشوف الطير بجنانه


صح لسان قايلها وتسلم يد ناقلها
نسأل الله ان يفرج عنها في الدنيا والاخره وان يربط على قلوب اهلها يارب والهدف من القصيدهه الحث على الدعاء لها ولوالدها بارك الله فيكم
وبارك فيك أخي ع هذه القصيده اللتي حركت فينا الكثير
نسأل الله السلامةة

ودي واحترامي

بقآيآ .. حرف 2014-01-06 06:58 PM

صاحت (حقل )جاوبه (هداج ) ياخيّه *** الله يعينك على الدنيا وأحزانه

صح لسان الشاعر وصح طلتك مراقبنا الفاضل
أبو سلطان
وأسأل الله أن يعين أهلها على كبر مصابهم

لجة تبوك وجاوبت نجد ويلاه
ولجة معاه أهضابها والسفوحي

كل التحايا


عايد 2014-01-06 09:56 PM

تدري وش الي ذبح خوفي وطاريّه *** اني اشوفك وانا بالبير مرضانه
لو هي بيديني طلعـت وماني معيّه *** من يكره انه يشوف ابوه واخوانه



استاذي مراقبنا القدير ابو سلطان
قصيده راائعه ومؤثره بحق .. اللهم اجعلها شفيعة لوالديها وصبرهم على مصابهم
تقبل استاذي مروري مع ودي واحترامي لشخصك الكريم


الساعة الآن 08:14 PM

Powered by vBulletin .
جميع الحقوق محفوظة © لشبكة ومنتديات البراري 2010