الطلعات بالصيف ... بين الايجاب والسلب
 

السلام عليكم
اولا وقبل ما ابدا موضوعي تراني زعلان عليكم

وين المواضيع ولحماس نبي من كل واحد على الاقل موضوع واحد في اليوم

هذا ولا ، اما ثانيا فعندي موضوع حبيت اني اطرحه على حضراتكم الا وهو:

" البر بالصيف "

هل تنفع الطلعه للبر بالصيف ؟
وان كانت فمتى؟ واين ؟
وما هو وقت " الذروه " في رأيك ؟

مأحلى طلعات الصيف في الليالي الباردة

وخاصه بعد صلاة العشاء وعلى طعوس الرمل

وماتحلى القعدة إلى بعد منتصف الليل إذا بردت الأرض وتلطف الجو

هل تنفع الطلعه للبر بالصيف ؟

اجل ما تنفع الا في الشتااااااااااا

وان كانت فمتى؟ واين ؟

من مسيااااان الين عقب العشا ثم حط راسك وارقد وحلاوتها في الصياهد والمحلات المرتفعه تكون ابرد

وما هو وقت " الذروه " في رأيك ؟

مالها وقت ذروووووه لانها تعتمد على من انت كاشت معه

مشكوووووووووور




سلام

شف طلعات الصيف زينه اذا هي بالليل لكن بالنهار حر وكتمه

واحلى ليالي الصيف اذا صارت قمرا




اخوك الشيخ

هل تنفع الطلعه للبر بالصيف ؟
تو ماتحلى الطلعات بالصيف

وان كانت فمتى؟ واين ؟
ان قلت في النهار فعندك الشعبان تحت الطلح وحلاته وقت عصير
وبالليل على الطعوس من المسيان لين تالي الليل

وما هو وقت " الذروه " في رأيك ؟
الذروة ليلة العطل وخاصة اذا كانت قماري تو ما تزين الجلسه

نفس كلام أخوي هادي

ومشكوووور على الموضوع الشيق .........................................

انا ايد كلام اتيكا


ـــــــــــــــــــــــــــــــــــــــــــــ ـ

من قدديم والشاعر يقول

الا ياصبا نجد متى هجت من نجد .......................لقد زادني مسراك وجدا على وجد

رائع جدا جو نجد في ليالي الصيف الرائعه

لكن النهار ارقد تحت المكيف

وسلامتكم

اذا تبي رئيي ..

طلعات البر في الليل و في الصيف ممتازه ، و خصوصاَ اذا طلعت مع غروب الشمس و بديت طلعتك بدله و ابريق شاهي كايف ينسيك الهم (( طبعاَ احرص في طلعات الصيف على الأماكن المرتفعه مثل الطعوس ، والا الهضاب المرتفعه )) و تمسها تكيه الى آخر الليل و اذا حصل لك نووووومه الى طلوع الشمس فهذا شيء طيب حسب قربك او بعدك من الديره ..

أما اذا كنت طالع للصيد في النهار (( طبعاَ لكل فصل نوع صيد مختلف )) و فصل الصيف لا يخلو من الصيد ، فإذا اضطررت للجلوس نهاراَ فعليك بالطلاح الوارفة الظلال واذا حصل لك كبري شعيب فأيضاَ هذا شيء زين ...

مشكوووووووووور على هذا الموضوع الرائع و المفيد ..

أنا رايي من راي أخوي النمر وخصوصاُ كبري شعيب والله ياله طعم ثاني وخصوصاُ المقيال فية